مجلس الدان الحضرمي

[القنّاص]

الاخ / عمر الذيب
الاخوه / الشعار
اسمحوا لي بالفصل والمعدزه عن غيابي الطويل لمجلس شاعرنا عمر الذيب

مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار
بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار
الموت في لحظه الا يالموت مامنك مفر = ابكيت في الدنيا عيون الناس و لـي قد صار صار
لاهانوا الشعار لهم تقدير يرحب من حظر= باقوال من عنده على المقصود وفهمه للحوار

[محمد سعيد بن مخاشن]

اقتباس : المشاركة الأصلية كتبت بواسطة القنّاص [ مشاهدة المشاركة ]

الاخ / عمر الذيب الاخوه / الشعار اسمحوا لي بالفصل والمعدزه عن غيابي الطويل لمجلس شاعرنا عمر الذيب مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار الموت في لحظه الا يالموت مامنك مفر = ابكيت في الدنيا عيون الناس و لـي قد صار صار لاهانوا الشعار لهم تقدير يرحب من حظر= باقوال من عنده على المقصود وفهمه للحوار

قنـّـاصنا جاب القوافي من قدا بحر(ن) وبر

قوله مغطـّــى تطعمه حالي وقد تطعمه قار

***

قل له لمَـه تحذر لماذا الخوف يا شبل النمر؟

منذو متى يا صاحبي لثعال بتخيف النـّـمار؟

***

والموت حق عا كل حي لابد نورد في الحفر

وبعدها المثوى يقع فردوس أو حُمْـر النـّـيار

***

لكنـّــها الدنيا إبتلاء يا خوي فيها نختبر

لنسان بأعماله ... عسى نجتاز ذاك الإختبار

محمد بن مخــاشــن

[عمر الذيب]

اقتباس : المشاركة الأصلية كتبت بواسطة القنّاص [ مشاهدة المشاركة ]

الاخ / عمر الذيب الاخوه / الشعار اسمحوا لي بالفصل والمعدزه عن غيابي الطويل لمجلس شاعرنا عمر الذيب مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار الموت في لحظه الا يالموت مامنك مفر = ابكيت في الدنيا عيون الناس و لـي قد صار صار لاهانوا الشعار لهم تقدير يرحب من حظر= باقوال من عنده على المقصود وفهمه للحوار

في بحر عشقي قال بو طارق من الصغره مهر=ونغوص ونجيب النماره من غويطات البحار
والدر والياقوت والالماس جبته ياعمر=وعاد عيني بالذهب لي في مناجم زنجبار
وانته تلف وتدور مابين الثرياء والقمر=وتحسد عمر ماتاباه يوصل طير لي في الجو فار

[بن احمد]

اقتباس : المشاركة الأصلية كتبت بواسطة القنّاص [ مشاهدة المشاركة ]

الاخ / عمر الذيب الاخوه / الشعار اسمحوا لي بالفصل والمعدزه عن غيابي الطويل لمجلس شاعرنا عمر الذيب مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار الموت في لحظه الا يالموت مامنك مفر = ابكيت في الدنيا عيون الناس و لـي قد صار صار لاهانوا الشعار لهم تقدير يرحب من حظر= باقوال من عنده على المقصود وفهمه للحوار

يامرحبا ترحيب بسم المبتدا هو والخبر=واسم اللغه لي جابها القناص في علم وخبار
يحول ياحولاه ياهاجسي حوّل بالمطر=وانا من البدوان والبدوان تفرح بالمطار
واليوم يالقناص قد دقيت ناقوس الخطر=ليت الاوادم تتعض من ماحصل تاخذ عبار
دنيا دنيّه ياوسيع العرف شفها الا ممر=يوخذ نصيبه لادمي منها وهو جازع ومار
الكيل عالنيات لا ياوعل مرصوص العجر=وصلاح لعمال الفوايد ياصحيبي والضمار

[عمر الذيب]

لون المذاري كلها كل من ذرى يصرب ثمر=ان كان دقاق السبول يبات جالس في الوصار
لكن شي يثمر وشي ما منه الا للنشر=كلن بحضه ياعمر في يوم تحصيل الثمار

[خالد بن مهنا]

ماشي اعترف لي في كلامك يارفيقي واحتزر=انته مرخي الحبل ولا دائمأ عاالحبل زار
ياحكمة الله قال خالد في القضاء هو والقدر=والانس هم والجن ماقدروا يردون القدار
خرمان للزامل وصوت الدان لاحن الوتر=وسمعت شي مدروف او فنان يعزف عاالوتار
صبت دموعي فوق خدي مثلما مزن المطر=والحال يتكدر ونوم العين لابانام طار
والمغترب كمين عله في وسط قلبه ضمر=تعبان ومفارق صحابه راس ماله والضمار

[عمر الذيب]

اقتباس : المشاركة الأصلية كتبت بواسطة القنّاص [ مشاهدة المشاركة ]

الاخ / عمر الذيب الاخوه / الشعار اسمحوا لي بالفصل والمعدزه عن غيابي الطويل لمجلس شاعرنا عمر الذيب مرت سنه يالذيب على حاله برد دمه وحر = ظنيت باتبدا ردود الفعل وعاد الدم حار بالرمز والتشفير ريت القول ياتي والحذر = تفهم غلط قصدي وتتبع نجم تائه في المدار الموت في لحظه الا يالموت مامنك مفر = ابكيت في الدنيا عيون الناس و لـي قد صار صار لاهانوا الشعار لهم تقدير يرحب من حظر= باقوال من عنده على المقصود وفهمه للحوار

ياحضرة القناص خذها بالمفيد المختصر = ما بتدرى إلا ولد الذيب في القشران غار
مازال بو طارق معه ميزان محكوم العبر = من لعتبر بايعتبر في يوم كسر الاعتبار
مادام سيدنا قسم بالله في ام الهجر = بيجيب حقه منهم لو تحرق الدنيا بنار

[المطلع]

هاتوا في الحاضر لنا خلوه كلما مر مر =يامعشر الشعارنبغي منكم مشوره وشار
وان حد تعذر منكم نا منكم ماباعذر= في مثل ذه وامثالها نا مانحب الأعتذار
القصد نبغي من غبب سيلان بانرسي ببر =ونشوف وش من حولنا في الأمر صار
امر السفينه ذي بها الربان في الغبه شمر=ورجع من الموج القوي عكم بها وسط القشار
ماتستخي للعطب خشبه فوقها تعبوا النجر=وتعطبت من قلة الخبره بهم وضح النهار
يوم القباطن سمعهم ناقص وحد قصر النظر=اثر على شوفه وحد ماشي معه همه وبار
يغلبه سكان السفينه لافرت فرته انحدر=ولعاد سيطر عالسفينه يوم زاد الأنحدار

[القنّاص]

اقتباس : المشاركة الأصلية كتبت بواسطة المخشني [ مشاهدة المشاركة ]

قنـّـاصنا جاب القوافي من قدا بحر(ن) وبر قوله مغطـّــى تطعمه حالي وقد تطعمه قار *** قل له لمَـه تحذر لماذا الخوف يا شبل النمر؟ منذو متى يا صاحبي لثعال بتخيف النـّـمار؟ *** والموت حق عا كل حي لابد نورد في الحفر وبعدها المثوى يقع فردوس أو حُمْـر النـّـيار *** لكنـّــها الدنيا إبتلاء يا خوي فيها نختبر لنسان بأعماله ... عسى نجتاز ذاك الإختبار محمد بن مخــاشــن

حيا بلي شرف ابو مخشن في ساعه حظر = حيا بمولا العرض من جوده جبر صاحب وجار
يابن سعيد السر في الدنيا مصيره ينجهر = احيان ضرب الليل يصيب اهداف ويهدمها ديار
في الارض نا شوفك بنيت الساس واطرحت المدر = ياليت من مثلك يقيس الطول وعرضه بالمتار

[القنّاص]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

في بحر عشقي قال بو طارق من الصغره مهر=ونغوص ونجيب النماره من غويطات البحار والدر والياقوت والالماس جبته ياعمر=وعاد عيني بالذهب لي في مناجم زنجبار وانته تلف وتدور مابين الثرياء والقمر=وتحسد عمر ماتاباه يوصل طير لي في الجو فار

هذا سبب خوفي لفهم القصد تخطي ياعمر = العيب عالمشواف الا يالذيب عليك الصيد طار
ترمي على اهداف ونا ظني بعيدات النظر= وش جاك تقصفها وهي من سمح مافيها عمار
الفرق في الاسباب واما الموت آتي عالبشر = الناس تتحسر وخذها الضيم على موت الصغار
اصل الخبر ثابت وبالالوان موثق بالصور = لاتقول ماشفته وخل المشي من سنح الجدار