مجلس الدان الحضرمي

[عمر الذيب]

اقتباس : المشاركة الأصلية كتبت بواسطة بوشاكر [ مشاهدة المشاركة ]

عاد شي عشق بيجي بعد هذه المناكر=في الأزاقيق كل ساعه تمر خمسه اطقوم عند مسجد عمر والديس حسب المصادر=حد بلا حق يقتلونه وحد مات مظلوم والحدد والصوغ واهل الورش والمناجر=حد بعقله وحد تلحقه قد بوه مغروم

هت وزد من جديدك كان بثك مباشر=وانه الا اعاده عندنا قنات باعوم
شي معك علم من لودر وصاعد وحادر=حيث ما السكن فررهن غبش ريحة الثوم

[القنّاص]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ون لا شفت حد حمل وروح مغادر=وحس بالكون من حولي متاهات وغيوم مغبط الراجحي وبغلف ولا عيال جابر=نغبط الا بنادم سده العول عالسوم

طول عمره معذب من بلي دوب صابر = من فراق الحبايب والهوى دوب مكضوم
عالسفر قم عزمنا هت جوازك وباشر = في خروجك وعوده يالله عجل بذا اليوم

[عمر الذيب]

اقتباس : المشاركة الأصلية كتبت بواسطة القنّاص [ مشاهدة المشاركة ]

طول عمره معذب من بلي دوب صابر = من فراق الحبايب والهوى دوب مكضوم عالسفر قم عزمنا هت جوازك وباشر = في خروجك وعوده يالله عجل بذا اليوم

لو بيدي سبقتك امس عالرجل سائر=كن بقعاء تبا بصمه وتاشير وختوم
فكر الا تهرب عبر وادي الدواسر=كن ماشي صيه في العلب والعاد شي دوم

[القنّاص]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لو بيدي سبقتك امس عالرجل سائر=كن بقعاء تبا بصمه وتاشير وختوم فكر الا تهرب عبر وادي الدواسر=كن ماشي صيه في العلب والعاد شي دوم

ياعمر لاتهمك النقط والمعابر = دام بيدك جوزاك لا ملامه ولالوم
نقسم الدوم قسمه اهل لتكون فاكر = من مسا كيف يظمن يصبح الصبح على السوم

[بوشاكر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

هت وزد من جديدك كان بثك مباشر=وانه الا اعاده عندنا قنات باعوم شي معك علم من لودر وصاعد وحادر=حيث ما السكن فررهن غبش ريحة الثوم

ماجديدي سوى قط انتشار العساكر=طوق امني من السده الى الديس محكوم
للعتاد المعد للحرب الله ساتر=مادرينا على من منهم نطرح اللوم
كل واحد بغاء عرفه وعقله مشاتر=والغلط بينهم ماحد من خطاه معصوم
واهل بصعر لقوللدار خمسه موافر=صندقوها بلا رقده ولاجبو وريوم

[عمر الذيب]

اقتباس : المشاركة الأصلية كتبت بواسطة بوشاكر [ مشاهدة المشاركة ]

ماجديدي سوى قط انتشار العساكر=طوق امني من السده الى الديس محكوم للعتاد المعد للحرب الله ساتر=مادرينا على من منهم نطرح اللوم كل واحد بغاء عرفه وعقله مشاتر=والغلط بينهم ماحد من خطاه معصوم واهل بصعر لقوللدار خمسه موافر=صندقوها بلا رقده ولاجبو وريوم

الغلط حسب ظني عند ام الكبائر=ما تفكر بحد تا كل على مال فلهوم
زاد فيها الطمع والظلم واضح وظاهر=فضلت ولد بن كده على ولد طرموم
والغلاء زاد عن حده ثلاثه مخاطر=والفساد انتشر والصدر بالضيق ملغوم
كل شي قل حتى الدهن شغل المعاصر=انما القات كمن شدق محشي با زقوم

[بوشاكر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

الغلط حسب ظني عند ام الكبائر=ما تفكر بحد تا كل على مال فلهوم زاد فيها الطمع والظلم واضح وظاهر=فضلت ولد بن كده على ولد طرموم والغلاء زاد عن حده ثلاثه مخاطر=والفساد انتشر والصدر بالضيق ملغوم كل شي قل حتى الدهن شغل المعاصر=انما القات كمن شدق محشي با زقوم

كانت اول مثيل الوعل لمايكابر=تلتقي الضرب والمعصم ملخلخ ومفصوم
انما اليوم قدها واصله للمعابر=من قدا حجر والداخل وصل حدها السوم
واصبحت هي ذي تنهي وهي ذي تآمر= وأمرهاذي يجيب الكره للناس والشوم
سوت عيالها فوق الكتف والمحاجر=وازقلت بالذي عدهم مساكين في الكوم

[ابوهاني1]

بسألك يا عمر عن بنت تهوا المنادر = والكدر والمصايب تعترض دربها دوم
دوبها تشتكي من إبن عاق ومقامر = ما يحافظ على سمعه ولا عهد مرسوم
ومن ردا حظها بلشت بعدت قنابر = ساقطه ما تميز بين مذنب ومتهوم
كل ما راح فاسق جالها شخص فاجر = شيبوها وهي في سن باكر منظوم
اصبحت كالجمل لا طاح كثرت خناجر = كل من هب ودب ياتي ومن كان موهوم
هي كذا با تم ولا تدور الدوائر = وابنها العاق يصبح بار فيها ومفهوم

[بوشاكر]

يوم بونا فسح فينا وسافر وغادر =ماهو جم ماوقع فينا من القهر وضيوم
لو تصبرشوي وسأل صحابه وشاور =ماوقع ذي وقع في مال مثمر ومعلوم
قلة العرف في بونا وكثر الهساتر=والهوس ذي شغل عقله بفله وبدروم
باع زين القطب للقرمزي والجدافر=قلط المال والشاري على المال ملهوم
اب ظالم جشع بونا مغامر مشاجر=لاهومن صدق اب كانه كما النصر بيحوم
ينتشل من سقط فينا بجنحه يغامر=يضرب القاع ويعلي على سحاب وغيوم

[القنّاص]

مايفّكر بقولك او بهرج المنابر = بعد ماراح عنتر والسيلي وباعوم
من متا قد تخبر عن عياله وخابر = في العرا قد تركهم ذكره اليوم مشؤوم