مجلس الدان الحضرمي

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بيض شعرها وهي من بائق البائق=من شا فها قال هذي البنت مغرومه يالله عطوها لهندي او فلبيني=مادام قدها على الموكاه لكن هي ماتبا الا لولي العاشق=ما هو الاخير الذي قبله قصر يومه وسار من عندها يبكي كما تويني=لبنان من ياترى بكاه

جابوا دواء للصلع مضبوط ومطابق =للراس ذي هو ملس مره كما الدومه
وصناعته حسبمايبدو لنا صيني = ولا اشترينا ولابعناه
باتصبغ بالراس لاعد شكلها ناطق=وعاد فيها انوثه صدق وامومه
لامابغاها التشادي جاء لها كيني = وعسى عسى انها تهواه

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

جابوا دواء للصلع مضبوط ومطابق =للراس ذي هو ملس مره كما الدومه وصناعته حسبمايبدو لنا صيني = ولا اشترينا ولابعناه باتصبغ بالراس لاعد شكلها ناطق=وعاد فيها انوثه صدق وامومه لامابغاها التشادي جاء لها كيني = وعسى عسى انها تهواه

الوجه مثل القمر ياصاحبي شارق=والجسم عاده طري وكلها نعومه
ذلا من الضغط قالت ماجرى فيني=راسي بيض والكبد ويلاه

[عمر الذيب]

بس بغينا فصل جديد
يا جما عه حد يفصل

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

كلن بحظه ونا حضي من الخالق=ملحقت لي شعب او وديان مرحومه مزقول في الخرج حظي ما يراعيني=لا في صباحه ولا ممساه

في الحظ نوياك ماشي بيننا فارق=وارزاقنا جات من سبحان مقسومه
في الخرج انته ونا نشقى على طيني=كل يوم قحزوزمن دباه
والرجل ثقلت علي من نخلي الباسق=ذي كنت كرّبه في كل يوم وقصومه
من حرت الشمس لاتضللت تحميني= وارتاح كلما نظر لالاه

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

في الحظ نوياك ماشي بيننا فارق=وارزاقنا جات من سبحان مقسومه في الخرج انته ونا نشقى على طيني=كل يوم قحزوزمن دباه والرجل ثقلت علي من نخلي الباسق=ذي كنت كرّبه في كل يوم وقصومه من حرت الشمس لاتضللت تحميني= وارتاح كلما نظر لالاه

انته بنخلك ونا عن نخلي امفارق=ومفارق الجرب لي ماشي كما سومه
والغيل لي كان كل ما ضميت يسقيني=من عادني خيب يا ديداه
كن البلاوي علي وعليك تتسابق=لي نعلمه منها والغير معلومه
بلوى تسرحك واخرى نا تضويني=خالي وفاضي من المدلاه

[عمر الذيب]

لا يا طبيب الهوى بالله طببني=شف لي سنه عالمغذي ما طعمت القوت
ان شي معك طب يا دكتور علمني=وان كان ماشي معك بند ودعني موت

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

الوجه مثل القمر ياصاحبي شارق=والجسم عاده طري وكلها نعومه ذلا من الضغط قالت ماجرى فيني=راسي بيض والكبد ويلاه

شي نفس عندك لها يالذيب باتوافق=والا معد شي معك فقرتك مقصومه
شف شرطها في الذي قالت يباريني=وان شي خري عاد شليناه
لاتفوتك البنت شف قد صيتها سابق=بوها رجل دين له تاريخ وعلومه
وانته تحب ياعمر من هو رجل ديني= هذا الذي عنّك افهمناه

[المطلع]

المعذره الشبكه مخبطه معي ولاتفتح الصفحه لي بسرعه ماشفت البدع

[عمر الذيب]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لا يا طبيب الهوى بالله طببني=شف لي سنه عالمغذي ما طعمت القوت ان شي معك طب يا دكتور علمني=وان كان ماشي معك بند ودعني موت

فصل جديد

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لا يا طبيب الهوى بالله طببني=شف لي سنه عالمغذي ما طعمت القوت ان شي معك طب يا دكتور علمني=وان كان ماشي معك بند ودعني موت

للموت ماباسخابك طول صدقني= لكن حياتك وموتك عند ذو الجبروت
كل الدواء لو عطيتك بايكذبني =من قلت له بايرد الموت من مبخوت