مساجلات الزامــــل الشعبي

[القنّاص]

اقتباس : المشاركة الأصلية كتبت بواسطة الغازي 2007

ذا فصل والثاني بقراء البسمله = من فوق هذا الخور لي ماشي كماه مشكور ياسالم راعي المرجله = بكره هنا البلده وهذا الي نباه الجو هنا رائع ولاشي بلبله = كلن في شغله يدور عاعشاه البكري سأل عني راعي لوله = والوعد هذا اليوم ولاجاني نداه

مخصوص للغازي سلامي برسله = تعداد مانزّل ومالقاري تلاه
واعداد مالماطر سحايب مرسله = واعداد ماحول عبر وادي ملاه
يوصل مع العبري نسايم ترسله = والا مع صوته مغني في سلاه
قناص في نجده رجوله مسلسله = والقيد بطا ياخوك وبوفايز بلاه
الوقت داهمني وعزومي مكسله = والصيد في البندر بوفيصل كلاه
العزم بالعشرين اجازه مسجله = بانحدّر الوادي وبانوصل علاه

[القنّاص]

بالله وبسم الله بديت بالبسمله = ياكم وكم داعي واقف عافناه
اقوال محكومه حروفي مكمّله = ببني عالقافي وباحكّم بناه
سلام به عاني جوابي سلمّه = مخصوص للصاحب يوم قولي عناه
حذرك من الشاني كلامي وافهمه = جاني خبر انه معك دايم هناه
اليوم يضحك لك ذهن لاتعلّمه = واسرار لاتعطي ونوبك وين جناه
بالامس حذرتك شانك والزمه = بكره تجي وتقول كسر ظهري حناه
من سمح ذا طبعه لسانه مهمله = بالكذب والنمه وبن عمه شناه
وانته لك قدرك نفوس محمّله = بالعز والناموس ولك فائض اناه

[أحمد العمودي أبوفيصل]

مرحيب بالقناص حل المسأله = مرحيب بالصاحب ولاعمري نساه
الصيد يالصحاحب سعاره مزلزله = كل من اكل منه باتنفص كلاه
كلن هنا ياخوي حياته مسهله = ماهو كما القناص ينقص في خلاه
لمى متى وانته عزومك مكسله = توكل على المولى ربك في سماه

[النحوي]

اقتباس : المشاركة الأصلية كتبت بواسطة القنّاص

بالله وبسم الله بديت بالبسمله = ياكم وكم داعي واقف عافناه اقوال محكومه حروفي مكمّله = ببني عالقافي وباحكّم بناه سلام به عاني جوابي سلمّه = مخصوص للصاحب يوم قولي عناه حذرك من الشاني كلامي وافهمه = جاني خبر انه معك دايم هناه اليوم يضحك لك ذهن لاتلّعمه = واسرار لاتعطي ونوبك وين جناه بالامس حذرتك شانك والزمه = بكره تجي وتقول كسر ظهري حناه من سمح ذا طبعه لسانه مهمله = بالكذب والنمه وبن عمه شناه وانته لك قدرك نفوس محمّله = بالعز والناموس ولك فائض اناه

ابدعت اخي القناص

كلمات رائعــــــــة
الله يمدك بالصحـة
تقبل مروري مع خالص تحياتي

[سالم بن جوفان]

اقتباس : المشاركة الأصلية كتبت بواسطة الغازي 2007

مرحيب بالقناص حل المسأله = مرحيب بالصاحب ولاعمري نساه الصيد يالصحاحب سعاره مزلزله = كل من اكل منه باتنفص كلاه كلن هنا ياخوي حياته مسهله = ماهو كما القناص ينقص في خلاه لمى متى وانته عزومك مكسله = توكل على المولى ربك في سماه

برقيه الى البكري حروفها مسجله=من عند بوصالح يوصلني نداه
وينك من الغازي ياعزيز المرجله=يدور في المكلا في بحره وخلاه
شفت ردك والرد سهل ويا مسهله=وان شفته والا تخبروتنشد عا نباه
للسلى جاك قاصد بشروع القبوله=خذ واعط للقاصد وبيت في سلاه
والضيف له واجب والواجب كمله=وهذي العادات واجب تأديها معاه
ابيات من القناص بدت بالبسمله=لها معاني جم وانت فسر ها قداه

[القنّاص]

حيا رحب بابيات بريح القرمله= طعم العسل فيها جتني من قداه
سالم ولد جوفان ونعم المرجله = والوعل ذا القناص من حيده رداه
في الكاس ياسالم طعم الحرمله = والصوت ياسالم عسا يبلغ مداه

[البكري]

بالجد والاخلاص ماهي مهزله = كل من نادى علي لبي نداه
لاكنني من جد عرفت المساله = حفيت من الغازي ونا دور وراه
جتنا رساله من الوادي معجّله = لبيت يوم لي عز في الوادي وجاه

[سالم بن جوفان]

اقتباس : المشاركة الأصلية كتبت بواسطة البكري

بالجد والاخلاص ماهي مهزله = كل من نادى علي لبي نداه لاكنني من جد عرفت المساله = حفيت من الغازي ونا دور وراه جتنا رساله من الوادي معجّله = لبيت يوم لي عز في الوادي وجاه

ذا فصل والثاني من طلب مولاه يعطيه=يغفر ذنوبي ولي في اللوح يمحيه
انا وصيت نفسي ومن له جار يوصيه=بتقوى الله دايم ويتجنب نواهيه
وصوتك يوم تضوي على اهلك لا تعليه=لي تلقيه في اهلك لك ابنك يخبيه
مرحيب يالشعار ولمن بالقول أعنيه=هذا يتصل وذاك قال مايعرف مخابيه
وين الحقيق واختلط المعكر بصافيه=عسى تبان الحقايق وللدرب يالله تهديه

[محمد سعيد بن مخاشن]

اقتباس : المشاركة الأصلية كتبت بواسطة سالم بن جوفان

ذا فصل والثاني من طلب مولاه يعطيه=يغفر ذنوبي ولي في اللوح يمحيه انا وصيت نفسي ومن له جار يوصيه=بتقوى الله دايم ويتجنب نواهيه وصوتك يوم تضوي على اهلك لا تعليه=لي تلقيه في اهلك لك ابنك يخبيه مرحيب يالشعار ولمن بالقول أعنيه=هذا يتصل وذاك قال مايعرف مخابيه وين الحقيق واختلط المعكر بصافيه=عسى تبان الحقايق وللدرب يالله تهديه

أخي سالم بن جوفان ... قصيدتك هذه على زامل تراثي معروف وأورد لك بيت من التراث القديم يمثل ذلك الزامل:

معي ميتين با دخل بهم في كل وادي= سلوبتهم ميازر توطي كل عاصي

وأرجو أن تتقبل مني نقدا بسيطا كي تعم الفائدة إن وزن قصيدتك يحتاج ان تعيد النظر فيه وستلاحظ أنك تستطيع أن تشل الزامل بالبيت الذي أوردته أنا بينما من الصعب أن تشل الزامل بقصيدتك وربما أن هذا هو السبب أيضا أن الإخوة لم يجاوب عليك أحد منهم لأن الوزن أشكل عليهم.

وإليك مشاركة مني على نفس وزن قافيتك:

وأنا با أوزن قوالي وهرجي ما نخليه=كما كيس العُطـُب يومهم نفضوا جوانيه
وكل شاعر يجوب ويسبك لي معانيه=وميزان القوافي وجب إن نعتني فيه

محمد بن سعيد بن مخـاشــن

[البكري]

مرحيب بالمخشني وقوله لي يوفيه = والادمي لجل الجبر يلبي لداعيه
والصاحب قنع والله مابانخليه = مقبول كل مايجي منه على مافيه
والقول لي ناقص له لي يسويه = بالطب والحكمه قل لسالم نداويه
ماحد مننا حامل باليد مكاويه = كل من زل عن طريقه علينا نرويه