محاوله للتواصل { مغنى دآآآآن }>>>

[ثابت بن ماضي]

حاشاك ماقصرت يامبروك ياذيب الرهم=واحنا حضرنا للسلاء وللانس جينا والسرور
ومادام بو راضي حضرهذا هو الامر المهم=بايحضرون اجواد جم باتشوفهم مثل الصقور
وباتقع سمرات والشعار لازم تنقسم=من شان يحلى القول والجمهور يستّروالحضور
والودّ والمعروف بين الناس من زام القدم=والجبرباقي ياصلاب الروس شو قد له عصور

[مبروك بن ماضي]

يامرحبا وأهلاً وسهلاً عـد ماخط القلم = بالجيد بوراضي الذي شرف غـنانا بالمرور
دعـني أرحب فيك واتشـرف بشاعـرنا العـلم = حـياك ياطـالب حضورك زادنا بهجه ونـور

تحياتي

[طالب النعماني]

نحن وياكم قد لنا عادات من زام القدم=نتبادل المعروف بالجودات نبنيها قصور
واحنا مع مبروك بالبي بصوته لازهم=نحنا ويالباشق وعبدالله ومرعي بن سرور

[ثابت بن ماضي]

اسمحوا لي بهذا الفصل الذي اتمنى ان ينال رضاكم

ذا فصل قل دان غن بالصوت يالسالي=باجيب بيتين في بو سن ستعشر
ذي شل عقلي وشل القلب ياطالب=وكيف لاقد بلغ عشرين
اتقول ظبي الفلاء ذي في خلا خالي=سبحان خالقه قد ابدع وقد صوّر
تحسبه حوري من الجنه خرج هارب=ماحد مثيله كحيل العين
لكن بسبته فرحوا في عذالي=يقرب ويبعد وانا ماكنت متصوّر
ان الصغيّر يبا بايغلب الشايب=لكن تلاعب على الحبلين

[طالب النعماني]

لا حلل العشق ذي نكد على حالي=سهران والقوت وسط الحلق ماتعبر
واحسبت اني لوحدي قاسي امتاعب=وانثره عشاق جم في بحر بوستين
ايام تعبر علي واشهور وليالي=من يوم زاد الدلع صاحبي واتكبر
مايعرف انه معي حاظر ولو غايب=ذكراه ياصاحب كل حين
تشكي همومك وانا بشكي من احوالي=ماباك شفني لجرح الامس تتذكر
والا تحب يالمحب من كان لك عايب=لو مايراعي شروع الدين

.......

[ثابت بن ماضي]

هكذا هكذا ولو الوقت يسمح بانواصل ولكن الان امساك وصلاه ولنا لقاء يابوراضي .

[مبروك بن ماضي]

الله يعين المحب والعشق قتّالي= وانك تبى النصح مني لا ابتليت اصبر
دنياك هذي علل ياصاح ومـ صايب= منها بكت كمن وكم من عين

[طالب النعماني]

كلاااااااااااااام يابن ماضي
ولنا لقاء يالباشق

[ثابت بن ماضي]

مايدري اني شربت المُر والحالي=ومن شان خاطره بتطيّر وبتبعثر
وابغاه يلمني ويقوم بالواجب=ويحطني في سواد العين
هو راس مالي وهو دنياي واّمالي= وابغاه حتى معي في الحشر يوم احشر
انا فيه راغب وهو لو كان في راغب=ابغاه يوفي الذمم والدين

[طالب النعماني]

حراااااااام عليك حتى نهار الحشر
الله يعينك