مجلس الدان الحضرمي

[عيون المكلا]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

حب المعاني والكلام المختصر=والهرج لي خلا الهدف سدي طير نعطيه تقديره وله راسي ينود=والناس عالبا طل رقود ياخس منيحه لي معانا في الوصر=ما عشت الخيبان ولبنها وضر يالله عساها ذي السنه قسم الاسود=والناس عالباطل رقود

حماس في بوزيد زايد عالبشر = ترك اثر والذيب ماترك اثر
يضرب علينا بالميازر والفرود = والناس عاالباطل رقود
اما المنيحه حبلها مزرور زر = لاطال مره الف في الربطه قصر
مرصانها لقوه مابين الحدود = والناس عاالباطل رقود

[عيون المكلا]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بيعود لا عادو قصيرين العصر=اهل الميازر والجنابي والشير بانذبح الناقه وبيعود القعود=والناس عالباطل رقود

ياعمر لاتكشف عليهم ماستر = ربك يسهل للمفتح والعور
لكن بالمرصاد للعيف الحقود = والناس عالباطل رقود

[هاوي شعر]

سلام وتحيات توصل للمقر=ياذي بنيتوطوب وتركتو المدر
لسمعت صوت الدان شف راسي ينود=والناس عالباطل رقود
قالومخيله ثايره بي قع مطر=والسيل بي شل السواقي والضمر
من بي رعض قله يوسع في البدود=والناس عالباطل رقود

[ابوشحوف]

ذا الصوت نساني همومي والكدر =دخلت علصفحه وحالي في ضجر
حصلت بوطارق يناثرها ورود= والناس علباطل رقود
زمره ورا زمره تكاثرن الزمر =ذا نيته للخير والثاني لشر
ولعاد فندنا صويلح من حمود =والناس علباطل رقود

[عمر الذيب]

اقتباس : المشاركة الأصلية كتبت بواسطة هاوي شعر [ مشاهدة المشاركة ]

سلام وتحيات توصل للمقر=ياذي بنيتوطوب وتركتو المدر لسمعت صوت الدان شف راسي ينود=والناس عالباطل رقود قالومخيله ثايره بي قع مطر=والسيل بي شل السواقي والضمر من بي رعض قله يوسع في البدود=والناس عالباطل رقود

كل من حرث ماله صرب منه ثمر=والفسل والكسلان يا وعل النتر
لاجاع ضابطهم سرق قوت الجنود=والناس عالباطل رقود

[عمر الذيب]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

حماس في بوزيد زايد عالبشر = ترك اثر والذيب ماترك اثر يضرب علينا بالميازر والفرود = والناس عاالباطل رقود اما المنيحه حبلها مزرور زر = لاطال مره الف في الربطه قصر مرصانها لقوه مابين الحدود = والناس عاالباطل رقود

يا عيون ماشي زين في سوق التجر=تقليد متوفر واما الاصل فر
وان بشتكي تاجر يبو مني شهود=والناس عالباطل رقود
والسيل لي مقبل من اجبال العسر=بي نقر اعلوب الجماعه والشجر
ووجيه با تصبح على الشاشات سود=والناس عالباطل رقود

[عمر الذيب]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

ذا الصوت نساني همومي والكدر =دخلت علصفحه وحالي في ضجر حصلت بوطارق يناثرها ورود= والناس علباطل رقود زمره ورا زمره تكاثرن الزمر =ذا نيته للخير والثاني لشر ولعاد فندنا صويلح من حمود =والناس علباطل رقود

دقق ولا دققت وامعنت النظر=بتشوف لي في قاعة البحر الحمر
بتشوف جم اشياء تحوش بالكبود=والناس عالباطل رقود
المال والنخل الذي للبانخر=من بعد شرقت وغابت عالمجر
صبح مع البنقال وعيال الهنود=والناس عالباطل رقود

[ابوشحوف]

الوقت له ياصاحبي كرا وفر = لكن ماشي كرمن اهل المدر
ليش التكابر ياصحابي والجحود =والناس علباطل رقود
لوكان عين الذيب عيفه علنمر =عاد النمر عنده مخالب ياعمر
يشبي بها روس الشوامخ والحيود =والناس علباطل رقود

[عمر الذيب]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

ياعمر لاتكشف عليهم ماستر = ربك يسهل للمفتح والعور لكن بالمرصاد للعيف الحقود = والناس عالباطل رقود

صابر على مبي ولكن من صبر=لاضاق ياعيون المكلا وانفجر
بايجيب حقه بالتصدي والصمود=والناس عالباطل رقود

[عيون المكلا]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

يا عيون ماشي زين في سوق التجر=تقليد متوفر واما الاصل فر وان بشتكي تاجر يبو مني شهود=والناس عالباطل رقود والسيل لي مقبل من اجبال العسر=بي نقر اعلوب الجماعه والشجر ووجيه با تصبح على الشاشات سود=والناس عالباطل رقود

المدعي مخطي ولاعنده بصر = واما المحامي ذي معه وسط الكمر
شل الذهب من بعد ماشل النقود = والناس عالباطل رقود
والسيل ذي جانا وماله شي مطر = البوش شله بعد ماحط الحجر
في الساقيه والناس في المجلس قعود = والناس عالباطل رقود

استاذي عمر هل لديك ملاحظة على مشاركاتي ؟