<<هنا المدروف الغياضي والساحلي <<الدان >>

[البكري]

اقتباس : المشاركة الأصلية كتبت بواسطة أبونمر

ياماصبرنا لامتى نصبرتعبنا من سهن =وتحولت افرحنا احزان يالبكري ولن نحصل على المعقول كيف المستحيل = الوضع ذا ماظن له عد شي بديل العرض في بغداد يهتك والمطبل في اليمن =يطبل وفي لبنان بقعه مرجحن والأجر لفلسطين يعظم بعدماحان الرحيل =الوضع ذا ماظن له عد شي بديل

كم عاقل من افعال اهل ذا الوقت جن = ضيعوا العروبه والمخوه صبحوها في كفن
والجود والمعروف ضاع ما بينهم والجميل = الوضع ذا ماظن له عد شي بديل
باقول قولي وانته سمعنا قع لي فطن = بغداد ماضاعت لاما وجدوا فيها الخين
والقدس عادهم فيها صحاب الشرع الطويل = الوضع ذا ماظن له عد شي بديل

[أبونمر]

تتحرر فلسطين لاقعوا مثل نصر الله حسن=في العزم والهمه وقبضوا بالسنن
القدس تتحرر وغزه والخليل =الوضع ذا ماظن له عد شي بديل
هذا قدر عالناس بايرفعه رب العرش عن =خلقه ومعنا فيه دايم حسن ظن
مابايخيب ظن من يدعي في نهاره وليل =الوضع ذا ماظـن لـه عـد شـي بديـل

[أميرة الوادي]

كل شي وله آخر ولا تبقى مدى الدهر المحن = فالصبر يا بو نمْر خل في الناس عندك حسن ظن
بادر بزرع الخير باتجني الجميل = والوضع ذا لازم ندوّر له بديل
ماشي يجي بالسهل يا البكري وكل شي له ثمن = ما كل من غنيت له وابدعت في المغنى زفن
حد كفـته توزن وحد كفه تميل= والوضع ذا لازم ندوّر له بديل

[أبونمر]

مسكين يامسكين ثم مسكين ذي ماله وطن=ولا معه من ماطر القنفان والساري مكن
لابات ساري او مصبح فوقهم يهطل هطيل =من وين يا أميره لهم يأتي بديل
مايشوف ظرف الناس ذي هو في عدن = ولا الذي في القاهره له قلب ون
على المجازر ذي هي في الشهر الفضيل =من وين ياأميره لهم يأتي بديل

[البكري]

صدقت يابونمر وبعد يومنا هذا تمن = قوم موسى ربك عطاهم سلوى ومن
رزق من عنده ماله في ارضه مثيل = الوضع ذا ماظن له عد شي بديل
والايوبي مال العروبه لجلها قد رهن = وبالغصب نزعها من يدات عباد الوثن
اضحت القدس بيده بين صبح(ن) وليل = الوضع ذا ماظن له عد شي بديل

[أبونمر]

اقتباس : المشاركة الأصلية كتبت بواسطة البكري

صدقت يابونمر وبعد يومنا هذا تمن = قوم موسى ربك عطاهم سلوى ومن رزق من عنده ماله في ارضه مثيل = الوضع ذا ماظن له عد شي بديل والايوبي مال العروبه لجلها قد رهن = وبالغصب نزعها من يدات عباد الوثن اضحت القدس بيده بين صبح(ن) وليل = الوضع ذا ماظن له عد شي بديل

جواب شافي يالبكري بس السمار نيوم الليله

[أبونمر]

فــــــــــــصـــــــــــــلــــــــــــ جـــــــــــــــــــــــــــــــــــد يـــــــــــــــــــــــــد

باسألك يالبكري عسى عندك خبر =في بنت زينه وصفها ماله مثيل
الحسن ذي فيها يسر الحال سر =كل من نظرلاها رقل قلبه رقيل
لكنها غلطت وسارت في خطر =وشلها طاهوش في غدره وليل
لاحول لاقوه على بوها قدر =حالت وحال الله على من يستحيل

[البكري]

مالبنت في الحقظ ماعليها شر = ودربها واحد ومنه ماتميل
ورصانها ماكن و مزرور زر = مايقدر لها الغاشم ولا العميل
كم شافت بلاوي وكم ذاقت عبر = وتعذبواهلها وذاقوا الويل
والطاهوش يدري حواليها عثر = عرف من هم شرعهم طويل

[طالب النعماني]

يامرحبا حيا تراحيب المطر=باقوال شاعر تشفي القلب العليل
والبنت مشهوره وصاحبها اشتهر=ذي حبها من صدق ماهو بالصميل
وبعد باتخبرك هت يابونمر=هت لي خبر سئون واصحاب السحيل
وانته قدك عارف بناقوس الخطر=وتعرف المرشون مصروف الطويل
اصلك قبيلي والقبيلي لاحضر=يشل له ميزر من الوزن الثقيل
في الضيق بايتعد كما عشره نفر=هذا اصيل الشرع من منسب اصيل
نعم القبائل ذي يزرون العصر=ماهم كما ذي يلبسوا الثوب الطويل

[أبونمر]

البنت يالبكري ازتفت في غدر =والمشكله قع زوجها عاده شليل
يشكي من عيونه وقع فيها عور =حاسب لمسار الخشب للعين ميل