مجلس الدان الحضرمي

[هاوي شعر]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

السلام عليكم ورحمة الله وبركاته

وعليكم السلام ورحمة الله وبركاته اسفين عالتاخير يابو شحوف

[عمر الذيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

سلام الفين ياستاذ الجزاله روعها البادر=يصل لك حيث منته ياعمر يالشاعر الجذاب تذكر ف الزمان الاولي يابحرنا الهادر=عساهم يذكرونك مثل ذكرك هكذا الاحباب

نعم حبل التواصل بيننا موصول ومباشر=على الجوال والاف ام وما شابه من الالقاب
ولكن اللقا له طعم ثاني وانته الخابر=بما لك من تجارب ياعميد العشق والكتاب

[عمر الذيب]

اقتباس : المشاركة الأصلية كتبت بواسطة هاوي شعر [ مشاهدة المشاركة ]

دروب العشق فيها ياعمرافات ومخاطر=بغت مخلوق عارف للغنا والشرح هو والراب وكل ماقدضرب لي قول ذا تيامن وذا تياسر=يحلل لارمى لايترك الصيدي وهو مصطاب

عرفنا كل شي في العشق في زائده والقاصر=ومرينا بتجارب فيه وغزينا الى البنجاب
وفي حب العنب والتين من باكره والصاغر=تخيرنا الحبوب النا ضجه لي في طرف لشذاب

[هاوي شعر]

اقتباس : المشاركة الأصلية كتبت بواسطة بن احمد [ مشاهدة المشاركة ]

عباد الله ياصاحبي حد صاعد وحد حادر=لان المجد ياهاوي شعر مرغوب له طلاب ولكن الذي هم يقطرون الهيج بالفاطر=فلا ظني تلاقي عندهم شي ديد ياحلاب

معك في كل ماقلته ولاكن وين ذي يامر=وكلمة حق ينطقها وبيقولو العرب قدصاب
خطم من سمح كانت بيد قالو رجعت امحاجر=وجونا ناس مواله بخطوط امقطبه قطاب

[عيبون]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

نعم حبل التواصل بيننا موصول ومباشر=على الجوال والاف ام وما شابه من الالقاب ولكن اللقا له طعم ثاني وانته الخابر=بما لك من تجارب ياعميد العشق والكتاب

هلابك ياعمر عد السحب والغيث والماطر*وعد مابات مسلم يدعي الرحمن في المحراب

جمل باداس يعجبني يشل الحمل لي جاير*ولا بايغـــــــتلب في ســــاحة الميدان هو غلا ب

[عمر الذيب]

اقتباس : المشاركة الأصلية كتبت بواسطة عيبون [ مشاهدة المشاركة ]

وانا مثلك بعيده دار خلي قالها الــــــشاعر*قسي اخر زمن عاناس منه ذاقو الاتعاب وانا قد كنت في داري وروعي في الهوا بادر*ولكن من تغرّب عالهوا بايقفلك يالباب

قفلنا باب وانفتحو ثنعشر باب ياشاطر=بواب العشق جم شفها بدون امجامله وعتاب
ولكن بين كل تسعه كذب بايصدق العاشر=ولا حتى صدق عادك فقه لا يغره الكذاب

[هاوي الديره]

سلامي لمجلس الشعار ذي بهلة مسا عامر=يحط الوزن بلقفلة ويحسب للكلم احساب كسبها من تواضع مايحب انسان متفاخر=مثيل السيل لاعمد مع الوديان والاشعاب

[هاوي شعر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عرفنا كل شي في العشق في زائده والقاصر=ومرينا بتجارب فيه وغزينا الى البنجاب وفي حب العنب والتين من باكره والصاغر=تخيرنا الحبوب النا ضجه لي في طرف لشذاب

حلم تحلمه من قبل الثمانينات يالشاطر=وعادالعشق له صولات عند الشاب والشياب
ولاكن ذا زمنا عيف بالحكم على الضاهر=سنين الماده تطغى على المجلوب والجلاب

[عمر الذيب]

اقتباس : المشاركة الأصلية كتبت بواسطة ابوهاني1 [ مشاهدة المشاركة ]

وبوهاني يبيّت طول ليله في الدجى ساهر= وكير الشوق في وسط الحشا ياصاحبي لهاّب يعيد إبصفحة الذكرى وروعة جوها الساحر= يون كل ما لمح فيها علامة مزح وإستعجاب جزا الله السبب لي حد طير السمره إيهاجر = ويضنيه السهر والشوق كل ما تذكر الأصحاب متى ياحظ تتبسم وترحم لهفة الصابر = وتتكرم بعوده ترتوي من فيضها الأعشاب وجلسه تحت انوار الكواكب تشرح الخاطر = وتنسف ما إجمعته ايام وليالي قمرها غاب المعذره والسموحه متوجه بعد لحظات الى الخرج للضروره

هلاء يامسهلا باهل الكلام الزين والساحر=عميد العشق كل ماطاب له عندي مثيله طاب
تفاخر بالشياذر لي يجيني غزلها فاخر=وقلبها ودقق في حممها ساعة القلاب

[عمر الذيب]

صوت دان شرحي دراج من التراث قديم
علي يا عويله وشرح وهبيش هبيش هبيش

صغير السن سمسربي طرح في القب حنيه=سبايا حجر ما تخرف كما قيدون