مجلس الدان الحضرمي

[محمد سعيد بن مخاشن]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا فصل يارجاجيل للسمر على ذكرى السنين الماضيه باقضي الباقي=وبتمر الليالي والشهر في أنس ومسرات وتكفيني المناظر حيث مايقدر يصل ساقي=عيوني باشبعها بالنظر في سيّد السادات

سلام ألفين لك يا سعيد توصل عبر لافاقي
عساكم يا هل الديره كمانا ما بكم آهات

عساكم مثل زام أوّل على كوزي ومرقاقي
ولا تِطرون بالهجرين والمشهد ولا لقلات

[سعيد عبيد]

اقتباس : المشاركة الأصلية كتبت بواسطة ديناميت الجنوب [ مشاهدة المشاركة ]

سعيد اعبيد قد سويت لك هذ السنه واقي=تصديت التعاشير القويه ذي لها حنات تبا باتّصدق اوراقك وباتطعن في اوراقي=وباتحجر على كل مامعي من كسب وجنيهات يكفي ذي معك من سبعتعشر عام والشاقي=ضلمته ليش شف ضلم الرعيه غيّب السادات

انا بحر الهويه من غطس ما جاب اعماقي = لأن البحر له ذي يعرفون الجزر والمدات
واوراقك معك وانته لنا تعبه بها لاقي =فكيف الا اذا ضاعت وضاع الختم والدمغات

[سعيد عبيد]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

قوالك رايقه تشبه لجري الماي ( فِــ ) سواقي سلاسه زايده فيها ألا يا خيرها نفحات يبَـن منها دخون العود فوّاحي وعبّاقي قليله كنـّـها مثل الإبر ذي هي في العضلات وعيبك تشبه الياقوت يا قلـٍّـه بلسواقي نـْـتِـه شاعر مِـقِـل والناس يبغوا كـُـثر كميّات

يزين القول في قلّه ومدلوله مع رفاقي =وكثره دون ذي جدوى يقع آفه من الآفات
ولاهو عجز من عندي ولكن ذوق عشاقي=كذا يبغونني دائم معاهم لا دخلت الشات
ونا ودي رضاهم يوم نتشاوف ونتلاقي =نمجّد وقتنا الحاضروننسى كلماقد فات

[العائد1]

اقتباس : المشاركة الأصلية كتبت بواسطة سعيد عبيد [ مشاهدة المشاركة ]

يزين القول في قلّه ومدلوله مع رفاقي =وكثره دون ذي جدوى يقع آفه من الآفات ولاهو عجز من عندي ولكن ذوق عشاقي=كذا يبغونني دائم معاهم لا دخلت الشات ونا ودي رضاهم يوم نتشاوف ونتلاقي =نمجّد وقتنا الحاضروننسى كلماقد فات

تذكر ما مضى واتذكر ابداعي واخفاقي= ولا اتفكرت في الحاضر لحقته كله اخفاقات
حسبت اللحن بايركب يطابق شعري الراقي= ولكن ما ركب عند المغني ذي مخزن قات

[عيبون]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا فصل يارجاجيل للسمر على ذكرى السنين الماضيه باقضي الباقي=وبتمر الليالي والشهر في أنس ومسرات وتكفيني المناظر حيث مايقدر يصل ساقي=عيوني باشبعها بالنظر في سيّد السادات

هلا بالهرج ذي هو مثل موج اليم دفاقي=يبيت فوق شاطيها على الروحه وعالجيّات
وهجسي دوب لاشاف القوافي حبكها راقي=يكلّفني على المدخال في عقبه وفي ليّات
ولجل العشق والعشقه شبينا روس لذلاقي=برغم القلب فالغربه يبيّت يردف الونّات

[عيبون]

اقتباس : المشاركة الأصلية كتبت بواسطة سعيد عبيد [ مشاهدة المشاركة ]

يزين القول في قلّه ومدلوله مع رفاقي =وكثره دون ذي جدوى يقع آفه من الآفات ولاهو عجز من عندي ولكن ذوق عشاقي=كذا يبغونني دائم معاهم لا دخلت الشات ونا ودي رضاهم يوم نتشاوف ونتلاقي =نمجّد وقتنا الحاضروننسى كلماقد فات

هروجك كلها حكمه ولجلك بكلف انياقي=تشل الحمل ذي مثقل وتطلع في حسر عينات
وخذت القسم بالزايد ولا خليت شي باقي=جمل باداس عاداته يشل الحمل بالكومات

[عيبون]

اقتباس : المشاركة الأصلية كتبت بواسطة العائد1 [ مشاهدة المشاركة ]

تذكر ما مضى واتذكر ابداعي واخفاقي= ولا اتفكرت في الحاضر لحقته كله اخفاقات حسبت اللحن بايركب يطابق شعري الراقي= ولكن ما ركب عند المغني ذي مخزن قات

هلا بالشاعر العايد عدد مالاح برّاقي=وعد الغيث والرحمه تجي من واسع المدّات
وظني فيك للمغنى محب وانسان ذواقي=جبوح النوب ذي زينه تميّزها من الحنّات

[الرقيب]

السلام عليكم ورحمة الله وبركاته

[عيبون]

وعليكم السلام حي الله الرقيب

[الشاحطه]

كلمة الراقي جابها سعيد عبيد وكررها العابد وعيبون انتهوا للقوافي لاتدحقوها وين المخشني لهم