مساجلات الزامــــل الشعبي

[سبع الليل]

يمشي معك سيده طريقي مانحرف=في داخل الغيه وفي وسط الكريف
وباكمل المشوار والله ماوقف=وسهالة الله باتقع ربي لطيف
يلطف بنا عند اللواء لاقد زحف=ويردهم صوب المعرف والعريف

[الشبامي]

متابعين لكم ومستمتعين بكل كلمه وحرف
يعطيكم العافيه
بأنتظار قدوم باقي شعراؤنا بعد حل مشكلة الدخول للسقيفه

[يسهول]

نبغى رجال اليوم لدخول النجف=ما يرفعوا رايه في موقف ضعيف
أطرح لك قلبين فوق قلبك وضف=عزمك في الميدان و الضرب العنيف
إن كنت في سعفي بعدل الكفف=حتى يبان في الكيل من زينه وعيف

[سبع الليل]

اقتباس : المشاركة الأصلية كتبت بواسطة الشبامي [ مشاهدة المشاركة ]

متابعين لكم ومستمتعين بكل كلمه وحرف يعطيكم العافيه بأنتظار قدوم باقي شعراؤنا بعد حل مشكلة الدخول للسقيفه

هذا شرف لنا يابو صالح حضورك معنا الله يبارك فيك

[سبع الليل]

ذا فصل والثاني مراحل مقبله =يالله عسى حسن الضيافه والقبول
خيرات مثنات السقيفه مسبله=باشوف قدامي ثمرها والسبول

[سبع الليل]

من باب اولى بانحل المسئله =قبل المخارج ماتنذي بالسيول
بعض السواقي والمحايل مهمله=واصحابها الاول كما الثاني همول
ماهمهم غير اللعب والمحيله=والسيل يلعب بالسواقي والحيول
ياريت شي سلطه معي او منزله=بنزلهم في ساعة الغفله نزول

[امير الشعراء]

ابديت باسم الله وبقراء الزلزله = في ساحة الميدان بقرع عطبول
عدنا لكم ياهل الكرم والمنزله = وعادني دور لميزان العقول
هاجسي له اسبوع وسط السلسه = من يوم قفلتو علينا بالقفول
باب السقيفه ايش لي هو قفله = لازم يدور حل من عنده حلول

[الشبامي]

اقتباس : المشاركة الأصلية كتبت بواسطة امير الشعراء [ مشاهدة المشاركة ]

ابديت باسم الله وبقراء الزلزله = في ساحة الميدان بقرع عطبول عدنا لكم ياهل الكرم والمنزله = وعادني دور لميزان العقول هاجسي له اسبوع وسط السلسه = من يوم قفلتو علينا بالقفول باب السقيفه ايش لي هو قفله = لازم يدور حل من عنده حلول

ههههههههه
الله يسعدك ياامير الشعراء
كلام جميل وممتع ولاأقفل الله لكم بابا بعد اليوم
قلوبنا مفتوحه لكم قبل الأبواب ياأهل الكرم والمنزله
بإنتظار باقي مبدعينا

[سبع الليل]

ماشي تقفل بابها باندخله=ذالا صحابي ما تعنوا للدخول
حيا وسهلا بالرجال المثقله=وياميت حيا بالنماره والفحول

[القنّاص]

اهل المدن والريف مسوا بالمعمله = وش عادني باقول من بعد الفعول
انك بغيت الصدق وهرج المرجله = عشنا زمن بالصدق ماتلقا قبول