مجلس الدان الحضرمي

[خالد بن قاسم]

ذا فصل والثاني على صوت الغنى دندن وغن=من شانكم بسمر وباعد النجوم الزاهرات
يالواقعي دندن بصوتك والسمر ماله ثمن=ليلة نويرة خير من عد القروش الفليات

[خالد بن قاسم]

ياهل المغاني قربوا سيئون من بندر عدن=وقربوا شبوة وابين من ثره والحرشيات
وحوف والغيظة عليها حن بن قاسم وون=وقربوا لحج الخضيرة يامطيبين النيات
يافرحة الخاطر إذا شفت البنات اتعانقن=ياخير ليلة عيد باتدخل ملف الذكريات

[خالد بن قاسم]

المهم يا جماعة الخير تتمسون على خير وكل عام وانتم بخير وبيينا اللقاء غدا

تحياتي...

[سبع الليل]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ذا فصل والثاني على صوت الغنى دندن وغن=من شانكم بسمر وباعد النجوم الزاهرات يالواقعي دندن بصوتك والسمر ماله ثمن=ليلة نويرة خير من عد القروش الفليات

يالقاسمي مالليله ألا قال بوسبعه تمن=باخذك الىالصفراء شبام أم القصور العاليات
حيث السلاء واهل السلاء لا قلت لك هيا تعن=يالجيد ابن الجيد ياراعي الشروع الوافيات

[سبع الليل]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ياهل المغاني قربوا سيئون من بندر عدن=وقربوا شبوة وابين من ثره والحرشيات وحوف والغيظة عليها حن بن قاسم وون=وقربوا لحج الخضيرة يامطيبين النيات يافرحة الخاطر إذا شفت البنات اتعانقن=ياخير ليلة عيد باتدخل ملف الذكريات

قولوا لخالد ماقدرنا عابنات اتباعدن=لو كان شي نخوه وهمه كانهن متوالفات
لكنهن وقعن ضحيه للمكايد والفتن= من كثر لي وقع لهن غصباء ولا هن راضيات

[الواقعي]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ذا فصل والثاني على صوت الغنى دندن وغن=من شانكم بسمر وباعد النجوم الزاهرات يالواقعي دندن بصوتك والسمر ماله ثمن=ليلة نويرة خير من عد القروش الفليات

العيد له بشّه وليل العيد غُمّه فالوطن=ذا كيف با عيّد وعيد اهلي بديل اللحم قات
ياليافعي عشرين عدّن والأواقي ما ستون=بان الخلل والبندري مائل ولا يعرف ثبات

[محمد سعيد بن مخاشن]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

المهم يا جماعة الخير تتمسون على خير وكل عام وانتم بخير وبيينا اللقاء غدا تحياتي...

حيّا بريح المسك والعودي إذا فوّح و بَن=وسْط المحاضر قال بو صالح وساع إمنوّرات
لكن وين اليافعي جاب العشاء قال لي تهن=وأندر وخلاّ الضيف يهمر في الأمور المنكرات؟

[محمد سعيد بن مخاشن]

اقتباس : المشاركة الأصلية كتبت بواسطة الواقعي [ مشاهدة المشاركة ]

العيد له بشّه وليل العيد غُمّه فالوطن=ذا كيف با عيّد وعيد اهلي بديل اللحم قات ياليافعي عشرين عدّن والأواقي ما ستون=بان الخلل والبندري مائل ولا يعرف ثبات

قدها مقاله قل لبو ناصر إذا قـْـبَصْك الدّفن=حرّب لك الماء والكفن لنـّـه أتى قرب الممات
ونا قبصني كم دفن يا خوك وأيضًا كم ورن=ولعاد ينفعني سوى بعض العمال الصالحات

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

حيّا بريح المسك والعودي إذا فوّح و بَن=وسْط المحاضر قال بو صالح وساع إمنوّرات لكن وين اليافعي جاب العشاء قال لي تهن=وأندر وخلاّ الضيف يهمر في الأمور المنكرات؟

الفين ياحيا بذي أدى الفرائض والسنن=المخشني ذي هو يسابق عالصفوف الولات
ماحد مثيله راعي الجودات يحوى كل فن= الكل يشهد له وتشهد له القلوب الساليات

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

الفين ياحيا بذي أدى الفرائض والسنن=المخشني ذي هو يسابق عالصفوف الولات ماحد مثيله راعي الجودات يحوى كل فن= الكل يشهد له وتشهد له القلوب الساليات

مرحيب أبو جمعان قولك من صناعة إنقلن=هذي بغيّه شـُـهْد لا حلوى ولا سكّر نبات
يا صادق النيّه وذي في الصدر يـِـعْلَن في العلن=لسان بو صالح وقلبه في التشكّر عاجزات