مجلس الدان الحضرمي

[سالم علي الجرو]

اقتباس : المشاركة الأصلية كتبت بواسطة الواقعي [ مشاهدة المشاركة ]

عمر ياخوي لا تعفر اذا ماحد معك ساني=ولا تسرح قدا الوادي ولا عندك عصاء او فاس ترك صيفان فالمرصن وخل الثلب لي حاني=حسور الجحي تبغى منيبه تشبه جمل با داس

لا ساني ولا عصا ولا حتّى قلطه والفأس في سوق اللخم يالواقعي ويدّيك يا ابن عبادي لو با تلقّي روادي .

ـــــــــــــــــــ

يدّيك: في إمكانك
روادي: جمع رادي ، شال أو نحوه

[بحر القصيد]

غلط دي خطط المبنى ورد اللوم على الباني=طرحة ساسة على بطحة ولا حكم رباع الساس
وجاه السيل من تحته وشل عاليه والداني=صبح ذا اليوم يتباكى ينوش ع طراف الراس

[عمر الذيب]

اقتباس : المشاركة الأصلية كتبت بواسطة بحر القصيد [ مشاهدة المشاركة ]

غلط دي خطط المبنى ورد اللوم على الباني=طرحة ساسة على بطحة ولا حكم رباع الساس وجاه السيل من تحته وشل عاليه والداني=صبح ذا اليوم يتباكى ينوش ع طراف الراس

كلام جميل جدا

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا من جور مابي حس بعض القلص اذاني=وحس باشياء غريبه لي تحمس عا لكبد حماس تعبنا من تقلاب الزمن واهله وما جاني=سبب صدقي لان الصدق في هذا الزمن افلاس

انا لا جيت بنصح شخص في صالحه عاشاني=وخوفي لا طلع غوره يناولنا ثلاثه اخماس
معد بنصح ولا باقول شو ذا جور ياخواني=فسحنا في نصايح قوم تلقي دغل وتلسلاس

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

انا لا جيت بنصح شخص في صالحه عاشاني=وخوفي لا طلع غوره يناولنا ثلاثه اخماس معد بنصح ولا باقول شو ذا جور ياخواني=فسحنا في نصايح قوم تلقي دغل وتلسلاس

الله الله ياسبع كلام

[ابو صقر..]

على شان السمر جيتك من المشقاص غياني=وهرج الجيد باسريبه من النقعه الى مكيراس
وبروي قلب له فتره من الخلان ظمياني=وخايف بعد هذاك الامل يخلف عليه اليأس

[بن بريك]

اقتباس : المشاركة الأصلية كتبت بواسطة بحر القصيد [ مشاهدة المشاركة ]

غلط دي خطط المبنى ورد اللوم على الباني=طرحة ساسة على بطحة ولا حكم رباع الساس وجاه السيل من تحته وشل عاليه والداني=صبح ذا اليوم يتباكى ينوش ع طراف الراس

انا ياخوك لي صاحب سكن في وسط وجداني= ومن معدن نقي غالي كما الياقوت والالماس
بناله حصن في قلبي وانا حطه على ايماني= بغيته ذخر يبقى لي لايام الشقى والباس

[بن بريك]

اقتباس : المشاركة الأصلية كتبت بواسطة سبع الليل [ مشاهدة المشاركة ]

انا لا جيت بنصح شخص في صالحه عاشاني=وخوفي لا طلع غوره يناولنا ثلاثه اخماس معد بنصح ولا باقول شو ذا جور ياخواني=فسحنا في نصايح قوم تلقي دغل وتلسلاس

غلط يالسبع في ذا الوقت ماحد ينصح الجاني = سكت وانضر ولو شفته على كتفه يشل الفاس
اذا هو ما تقبلها من اول قال ذا شاني =يجي له يوم يتعلم ولكن بعد كسر الكاس

[سعيد عبيد]

بغينا خط واضح ينكتب عا رسم عثماني= مخصص للقصص حقت جحا يكتب و بونواس
لأن هذه القصص متعه بها يفرحون خيباني=ومتعهم بهالما يجيهم شك او وسواس

[سعيد عبيد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

عسى ربي يفرجها على الاول وعا الثاني=ونعرف بعد بكره من الى النادي ضوى بالكاس صبر يالمخشني بالصبر بانعرف من الجاني=وما في القدر من قاعته بايطلع به الملاس

بغينا مسح شفنا ذا السنه يالذيب ميداني= لأن ماشئ وصلنا من نيو يورك ولاتكساس
وكلما قد وصل شوفه يجي كوري وجاباني= وشي تقليد ريته اصل جاء بانقول به لابأس