مساجلات الزامــــل الشعبي

[الطامع]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

مانا معي هاجس يزم مبناه=ياذي معك همه قويه والبحر عارف له وشارب ماه=لوكان ماعندك دريه

حيا صباحك قال هو ومساه = يا صاحب النفس الرضيه

معروف في الوادي وايضاَ ساه = معروف متجي للخطيه

وانته فطن قولي فهم معناه = جاري وملقي لي اذيه

في وسط دربي قد طرح سلاه = خلاش يادربي عكيه

واشكيت نا عند الحكم وقضاه = حسب العوائد لوليه

ردوا وقالوا كلهم نبغاه = مادام قد يدك خليه

ما شفت انا حد مد لي يمناه = واحترت في هذه وذيه

[الطامع]

العفو يا يسلم والله ما شفت بدعك .. خلك على منت

[سبع الليل]

يالعكبري لك ساس في التعقيب=ما عزنا الا في رضاكم
جيناك عالداعي نباء الترحيب=مالليله الا في ضواكم

[الطامع]

شمس العكابر شارقه متغيب = مدام يسلم في قداكم

جاب العسل منه قرف وصبيب = شفته بيده قد سقاكم

[سبع الليل]

والنعم والله يستحق تنصيب=دوله ينصب في قراكم
لاقد ركزناله غرظ بيصيب=يمشي ويتبعٌ خطاكم

[يسلم باكتيفه العكبري]

فلسبع والطامع ابد ميخيب = الظن انا عارف وفاكم
حيا الكلام الزين والتهذيب = عطشان واسقوني بماكم

[يسلم باكتيفه العكبري]

مرحيب للهاجس ضوى مرحيب = ياهل السمر بسمر معاكم
ماني من اهل الحسد والتخريب = رعاكم المولى رعاكم

[سبع الليل]

بسقيك من زمزم شراب الطيب=شربه تناسب مستواكم
يالي تنقب لولها تنقيب=الله يطول في بقاكم

[يسلم باكتيفه العكبري]

يالسبع نجمك فلسما ميغيب = يامن سقيتونا سقاكم
خلك معي باشلكم فلجيب = لما لوصلكم قراكم

[يسلم باكتيفه العكبري]

شباب راسي ماغزاه الشيب = مالي ولصحاب البياكم
للي بياكمهم تبا توضيب = باقول ضيعتو شقاكم