مساجلات الزامــــل الشعبي

[سبع الليل]

ماعلينا من البحرين هي والنيادي=ذوا اهل الحلاوه واللبن والعذابه
كيسهم مافضي دوب مملي عدادي=بالرواقه يبتوها وشغل اللبابه

[أحمد العمودي أبوفيصل]

كل واحد بوادي والجماعه بوادي = والسماء فوق غزه كانها الاسحابه
بالصواريخ لي تلقطقك ياكل قيادي = كل واحد عليه الا يراجع حسابه

[بو نواس]

خيرت الناس في البحرين يالي تنادي=ما تعدوا على مخلوق وسرقوا جرابه
السرق في سواحل والسٌكر في النوادي=وفي دبي والكويت العاصمه من شرابه
نعنبو حال ترثاء له جوارح فوادي=خيرلي بعنكف لجل الشرف والمهابه

[أحمد العمودي أبوفيصل]

ذا فصل مالليله بغينا بن فهم = بانطلب الشعارماواحد ينام
ذا جرب هيصم في السقيفه قد زحم = فينكم نبغى نقلده الوسام

[سبع الليل]

صدق والله يالغازي نسينا الحدادي=والحزن والمأسي لي لقته العصابه
شفت قدام عيني الجثث كالجرادي=عالرصف والشوارع باتجيب الكابه

[سبع الليل]

يدخل الله موتانا جنان الخلادي=والعدو في جهنم يحترق هو وثيابه
ربنا يلهم الثوار سبل الرشادي=بالعزم ينتصر جيش العرب والنقابه

[أحمد العمودي أبوفيصل]

يامرحبا بالسبع ليهو قد نهم = ليهو يجيب الصدق دايم بالتمام
اشياء في النشره تقصر بالهمم = حكامنا ياريتهم قالوا سلام

[بو نواس]

العدو مختفي بين الخطم والمعادي=والرواعد تحن والقصف يبرق شهابه
كوربوهم على مسلك ثقال العتادي=وطايرات الهواء تحلق شبيه الذبابه
والعرب عادهم ماتقابضو بالايادي=وينكم وينكم ياهل القنص والحرابه

[سبع الليل]

اظاهر القمه من الجرحى اهم=ياحبهم للفلسفه والانسجام
باننتظر لما يحلفون القسم=وكل شي بايفتهم عقب الختام

[بو نواس]

سلام للغازي بخطي والقلم=برسله في بنكس على ريش الحمام
رحبت بي يالجيد والترحيب جم=يومك وفي تعرف اصول الالتزام