مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة جرب هيصم [ مشاهدة المشاركة ]

امور من المولى علينا مقدره=رب ياسامع دعانا يالطيف لوهي الا با تجي بالمخيره=كان كل مخلوق مرمي عالرصيف

نابي يجي منّي تنصّت وإحتره=والقبوله ترباة بن عبد اللطيف
لا طايره خلّي لهم أو باخره=( فـ ) إمْطار قل للجرب أو شاطي وسيف

محمد بن سعيــد بن مخــاشــن

[سبع الليل]

اكبر على باراك ولي نصٌره=من روس لند ن لا شواطي بر جنيف
خلاء بعارينه شبيه المعصره=متنات غزه بايدمرها الضعيف

[سبع الليل]

ماليوم شوها ارض غزه مقبره=فيها المقدم والملازم والعريف
واطفال رٌضع مشوه ومبتره=وجروحهم في الراس باتنزف نزيف

[سبع الليل]

شباب غزه بالجبــال مزرزره=ماشي خلاف الا الحجر تهذف هذيف
اما القنابل والمدافع مستره=وللطــايره ما حد كبــاتن او مضـــيف

[القنّاص]

مهما قصف بالطائره ومجنزره = مابايهزك ريح يالحيد المنيف
شهيد بالجنات ربك بشره = والخائن المحتال نتن دمه وعيف

[عيون المكلا]

ليتكم تقبلوا فصلي الآتي لاتعلم منكم :
قايس وعادك فوق راس الخور = لاقدك في الغبه بأش بتقيس
خلفك وقدامك جبل ياثور = وسوار غزه محكمه التأسيس.

[عيون المكلا]

وعدوكم بايجيبكم بالدور = وسلاحكم تالف من التكديس
ياويلكم ياشاهدين الزور = من المكلا تفصلون الديس

[بو نواس]

حيا بمن قال الفلك بيدور =اكبرعلى الشيطان ود ابليس
لي قسموها بالهم صاطور=ولا يخلي عرق به تنفيس
اهل المصالح شغلهم منكور=ياحبهم للنهب والترفيس
ياما صبرنا عالظلم والجور=ايضا وعانينا من التخميس

[عيون المكلا]

صدام في صدر العدو مقبور = شهدوا عليه الشيخ والقسيس
وحكم خصمه في العرب محزور = ياويل نابليون من باريس

[بو نواس]

صدام قد ولى بقي عاشور = وعاشور بالقهوه وعالتحميس
مايعرف القانون والدستور=يعرف يشاهد سينما بلقيس
لا نعنبوهم ضايعين الشور=جابوا لنا الحرقان والتنهيس