مجلس الدان الحضرمي

[أحمد العمودي أبوفيصل]

يامسكين من سافر وترك خليله = بين لدواس قد سابه وشعب المسيله
يمضي العمر في الغربه لياليه وايام = يعبر الليل كله في كوابيس واحلام

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

قد تركناش يالحله قد الخنشليله=يوم عيني على الغنى وسوق الطويله لي تواريخ في سيئون عاماًورا عام=يعبر اليل كله في كوابيس وحلام

لي رماني بطرف العين شفني قتيله=ولد ادم وحواء ذاك ماحد مثيله
في ثواني صدر حكمه على الذيب اعدام=يعبر الليل كله في كوابيس واحلام

[صبي العول]

مرحبا يوم جاء الهاجس وجات الحليله=جو على فصل بوفيصل وشيخ القبيله
كل ليلة ونا شوفه على المنتدى زام=يعبر اليل كله في كوابيـس وحـلام

[أحمد العمودي أبوفيصل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لي رماني بطرف العين شفني قتيله=ولد ادم وحواء ذاك ماحد مثيله في ثواني صدر حكمه على الذيب اعدام=يعبر الليل كله في كوابيس واحلام

ياعمر لاتذكرني ليالي جميله = يوم خلي يسامرني هنا كل ليله
والحراسات علىجال المحبين بالزام = يعبر الليل كله قي كوابس وأحلام

[صبي العول]

تسمرو انته وعمر وتصبحون على خير يامبدعينا

[أحمد العمودي أبوفيصل]

ياعمر مابغينا الهطف والبافتيله=والميازر وبو مقصين سلعه دويله
بلقط الا كلاشن كوف بمسك بلقسام=يعبر الليل كله في كوابيس وحلام

[سبع الليل]

لولكم والذهب لا زال وسط الغليله=والمحب لا عجبه الصوت دلدل رجيله
بانعيّد على سيؤن والحزم وشبام= يعبر الليل كله في كوابيس واحلام

[سبع الليل]

اقتباس : المشاركة الأصلية كتبت بواسطة صبي العول [ مشاهدة المشاركة ]

مرحبا يوم جاء الهاجس وجات الحليله=جو على فصل بوفيصل وشيخ القبيله كل ليلة ونا شوفه على المنتدى زام=يعبر اليل كله في كوابيـس وحـلام

ذا سلامي لكم ياهل النفوس الاصيله=جوكم زين من دوعن ألما صليله
والتواريخ تشهد والجرايد والاقلام=يعبر الليل كله في كوابيس واحلام

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

لي رماني بطرف العين شفني قتيله=ولد ادم وحواء ذاك ماحد مثيله في ثواني صدر حكمه على الذيب اعدام=يعبر الليل كله في كوابيس واحلام

كلّه الوقت يا ذيبوه حيله وزيله=والحريفه تغلّط يا وليد النزيله
شف حبيبك دفن يا الذيب وِنْ قلت شـُـه هام=يعبر الليل كلّه في كوابيس وأحلام

[سبع الليل]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

ياعمر مابغينا الهطف والبافتيله=والميازر وبو مقصين سلعه دويله بلقط الا كلاشن كوف بمسك بلقسام=يعبر الليل كله في كوابيس وحلام

يالعمودي ترى كل البنادق فشيله=جرب اللين والحكمه وسُبل الفضيله
لي امر به رسول الله وشرّعه الاسلام=يعبر الليل كله في كوابيس واحلام