مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

بنشد وبتخبر بغيت المخشني=يقدم يجاوبني على قد السوال بنشده من شله خبيثه جاتني=بشكه من النسوان واشباه الرجال لاجيت باتكلم عليهم لمتني=وتقول لي بالله تفتح لي المجال واليوم باعاتبك لاعاتبتني=يوم النويقه باركه فوق الجمال

هذا زمن بعبع يقول المعتني=تقدم به الحرمه ويتبعها العوال
ولعاد تستغرب وشفك أدوشتني=ما شي معي هاجس ولا عندي قوال
القول ما قالته بنت المعشني=فطساء سويداء كنّها تدحى الجبال
تؤمر على سيبان هم والديّني=ماحد يخالف أمرها في كل حال

وتصبحون على خير

محمد بن سعيــد بن مخــاشــن

[سبع الليل]

المعذره والسموحه اخي طالب ماشفت الفصل الجديد

[خالد بن مهنا]

نق البيوت الوافيه ياهاجسي=واوزن كلامك في ميازين القفال
لأنك الى عز القبايل تنتمي=والسمعه الزينه حسبها راس مال
لاباتسند ياالواسي سنّدي =وش بايهزك ياشناطيب الجبال
كوفي عنان الوغد لي مايستحي=خلا العدوء يضرب على قرن الغزال

[خالد بن مهنا]

وحصار غزه طال قل للمخشني=كم له وهي تقرح من إخشوم الطوال
ولعنة الله اللإه المعتلي=على اليهودي لي لقاء خس الفعال

[علي بن طالب الحامد]

بالله شل القول ذا يالمعتني=شفني حذيرك لاتحرفه المقال
سلم على علوي قلة بعتني=بغير قيمة بعتني من غير مال
انا افيدك وانت قط ما فدتني=غير الخساير في زقوري والعيال
ياريت منته خوي وانا ياريتني=هندي بارض السيخ مايلبس عقال

[علي بن طالب الحامد]

ماجيت في هونك وانته هنتني=ورميت لحمي للبيع فوق التفال
ورضيت في ذبحي بغدرك خنتني=يالخاين الغدار سال الدم سال

[سبع الليل]

ماليوم باساهن بشارة ماء قني =وسيول بتشل السواقي والرمال
برمي حبالي والزون ماباسني=الخير مقبل والبغيه والزلال
مابايدوم الحال قل للجرمني=اما اليهودي ياكلاله بالكلال

[خالد بن مهنا]

عامله باالحنكه وباالعقل الذكي=خصمك حِرق دمه ونكل به نكال
وابيات ماتمسك عليها اي شي=لكنها تلقي كما طعن النصال

[علي بن طالب الحامد]

كله من الدلال ذي هو غشني=جاب الحرامي قد صبح جاري وحال
واصبحت وحدي غيرابني عزني=شاجع وسلبته البلاجيك الطوال
سلمت يا اسماعيل فعلك سرني=يهناك هذا الفوز يازين الرجال

[خالد بن مهنا]

الفوز بالجنه مرادك ياالتقي=ماتحسب الدنيا وهي دار الزوال
وابليس له مسخه يغر الادمي=غربق ابوناء ادم وميّل به ميال