مجلس الدان الحضرمي

[صوت سيبان]

وهذا الفصل أمل أن ينال رضاكم

من بحور الشعر قال أسعيد باطلع لكم خمسين دانه =كاش بيعوها وياحذرهاه من بعض الديون
سوقها طيّب وباتبتاع فالبحرين ولا فالكنانه = ون حنبتوا خزنوها والمقدر بايكون

[الواقعي]

اقتباس : المشاركة الأصلية كتبت بواسطة عيبون [ مشاهدة المشاركة ]

من كثر ماشوفه يقع فيها طلعلي الضغط فُل=والضغط لاقد زاد يلقي تحت نيبانك فلول يوم الجماعه بالميازر عايدحّون الجبل=والحيد لاتدحّى معد يرجع بعكّان الجبول ماحد رضي بالوضع وامّا مصابنا فيها جلل=حرصو على قرص العسل يوم الذبر حوله يجول

كلام كبير ياعيبون

لله درك من اروع ما قرأت لك الى اليوم ومن اروع ماقرأت في السقيفه بشكل عام .

هائل .

[صوت سيبان]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا الفصل أمل أن ينال رضاكم من بحور الشعر قال أسعيد باطلع لكم خمسين دانه =كاش بيعوها وياحذرهاه من بعض الديون سوقها طيّب وباتبتاع فالبحرين ولا فالكنانه = ون حنبتوا خزنوها والمقدر بايكون

ماهو شرط ربط العجز بالصدر

[بوشاكر]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا الفصل أمل أن ينال رضاكم من بحور الشعر قال أسعيد باطلع لكم خمسين دانه =كاش باعوها وياحذرهاه من بعض الديون سوقها طيّب وباتبتاع فالبحرين ولا فالكنانه = ون حنبتوا خزنوها والمقدر بايكون

ضاعت البيعه وضاع السوق عالبياع واختلفت لوانه=ينقلب للناس في الساعه مئه وعشرين لون
والمئه ماهي مئه في سوقها ذلحين الا مثل عانه=طاحت العمله دعوا بالخير ياللي تسمعون

[بن احمد]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

وهذا الفصل أمل أن ينال رضاكم من بحور الشعر قال أسعيد باطلع لكم خمسين دانه =كاش بيعوها وياحذرهاه من بعض الديون سوقها طيّب وباتبتاع فالبحرين ولا فالكنانه = ون حنبتوا خزنوها والمقدر بايكون

صاحب الجزلات كل الناس بيقولون له صحت لسانه=والكلام الزين ياتينا من الناس الزيون
دانتك يالمشجري شف سعرها غالي وخل بوها مصانه=انته احفظها ولازم باتلاقي لك زبون
الغلا يسعيد في الاسواق واجد والله الله ف الامانه=ياوسيع العرف شف ماحد في الصاحب يخون

[صوت سيبان]

اقتباس : المشاركة الأصلية كتبت بواسطة بوشاكر [ مشاهدة المشاركة ]

ضاعت البيعه وضاع السوق عالبياع واختلفت لوانه=ينقلب للناس في الساعه مئه وعشرين لون والمئه ماهي مئه في سوقها ذلحين الا مثل عانه=طاحت العمله دعه بالخير من ربك وعون

صح لسانك يابوشاكر وكما أشرت سابقاً ماهو شرط ربط العجز بالصدر

[بوشاكر]

باكلف هاجسي كلفه ينكلف ماباه يبقى في مكانه = لادعى داعي يشل في الزود مايشل قسم دون
من بغاء صاحبه في حل الدرك يلقي رجوله في ثبانه=واماالوفاء له ناس قدهم بالوفاء يتكفلون
الله يسامحني اذا زليت في صاحبي ذي تقدم حنانه= عالجفاء وان هانني ماباه لو مره يهون
لأنه رجل طيب ولكن مادرينا ايش جاء له عالشطانه=بدل الفرحه كدر والأنس حول به شطون

[صوت سيبان]

اقتباس : المشاركة الأصلية كتبت بواسطة بن احمد [ مشاهدة المشاركة ]

صاحب الجزلات كل الناس بيقولون له صحت لسانه=والكلام الزين ياتينا من الناس الزيون دانتك يالمشجري شف سعرها غالي وخل بوها مصانه=انته احفظها ولازم باتلاقي لك زبون الغلا يسعيد في الاسواق واجد والله الله ف الامانه=ياوسيع العرف شف ماحد في الصاحب يخون

الكلام الزين رد الصفو لصحاب الخواطر ذي ملانه = شل همي والغثا وماكبر عندي يهون
خوك بورايد رجل عاقل وله تدبير ويساير زمانه=وندخل للسوق من لمحه عرف ذي يشترون
الأمانه ماكنه صاحبك ملقيها دواماً في ثبانه = لاتوصي الذيب ياسالم وحمران العيون

[بن احمد]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

الكلام الزين رد الصفو لصحاب الخواطر ذي ملانه = شل همي والغثا وماكبر عندي يهون خوك بورايد رجل عاقل وله تدبير ويساير زمانه=وندخل للسوق من لمحه عرف ذي يشترون الأمانه ماكنه صاحبك ملقيها دواماً في ثبانه = لاتوصي الذيب ياسالم وحمران العيون

الشهاده فيك مجروحه لان لك في وسط قلبي مكانه=ونت فيها مرتكي ياوعل منصوب القرون
ونت دولة شعر فوق امشاه ومغاوير وسلاح الصيانه=كلهم خلفك اذا اشّرت بايتقاطرون

[الشبامي]

اقتباس : المشاركة الأصلية كتبت بواسطة بن احمد [ مشاهدة المشاركة ]

الشهاده فيك مجروحه لان لك في وسط قلبي مكانه=ونت فيها مرتكي ياوعل منصوب القرون ونت دولة شعر فوق امشاه ومغاوير وسلاح الصيانه=كلهم خلفك اذا اشّرت بايتقاطرون

بيتين لو قيلت في احد خلفاء بني العبّاس لأعطاك وزنها ذهبا ولو كُتبت على رصاص مصبوب صبّ !!
يستاهل ابورائد وأنت كريم يالعبّاسي !!