(( غـيـبـة الـبــيــــض ))

[سالم السقاف]

لا تحسب ان الحب محتاج ترويض =وان اعتذارك لي يرجّع زمانك
واني عطيتك في هوى القلب تفويض = لاتراهن جروحي وتخسر رهانك
كنت أحسبك غيمة مطر ساعة القيض = كنت انتظر في الليل همسة حنانك
كنت اكتبك في دفتري دون تبييض = كـان الحبـر دمعي ووصفي كيانك
تغيب عن عيني مثل غيبة ! البيض = وتعود ! تحسب عاد باقي مكانك
حراك شوقي عضه اليأس تعضيض = وماتت أماني عشتها في امانك
ومحال قلبي يقبل اليوم تعويض = وماعاش من يسهر ليالي عشانك
هذا كلامي واصلك غيض من فيض = ابعد لك أحسن فان قربك هوانك

واعتذر عن انقطاعي المستمر عن سقيفتنا الغراء ,,

واتمنى ان لا يطول غيابي عنكم مثل غياب البيض الذي يجدر ان يضرب به المثل في الغياب ,,

ودمتم بحفظ الرحمن ورعايته