الديوان الملكي لشعراء الشِعر الشعبي .

[محمد سعيد بن مخاشن]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

فصل جديد تحت الحنايا قال نجم اسهيل دق=قلبي بقوه وانقبض = من هول مايجري ويحصل في بلاد المسلمين ذبح وتشرد والبلا في كل شق=والجوع واجد والمرض = يارب سترها عا عبادك يامدبّر يامعين يالخامعي مايختلط باطل بحق=والادمي لقد اتّعض =واصبر على بلواه ماظني يخيب الصابرين نور الفرج يابو الجويد قد شرق=عالكون والعالم نهض =انّك موافقني هرج هات الصراحه واليقين

يا النجم لا تفرح إذا البارق برق=ومولودكم في المهد غَض
سقله ولبعد شب عن طوقه وحوله حاسدين=
كم زقر في الهدّاه قالوا لي إسترق=وأمّه على اصبعها تعض
ويصيحوا أهله من سبب فقده بصوت الغافلين=
العود يا صحبي لو هو إشترق=با يسمّرِه عمّك عوض
با يجيب له قضبان وِمْسامير خذ هذا يقين=
لكن أملنا في الذي أوحى الفلق=العود عاده بيشْتَض
يعيا النّجر هم والحدد ذي يخدمون الماكرين=

[بوشاكر]

ماشاء الله منوره الصفحه بحمران العيون

[بن احمد]

لله دركم شعارنا الافاضل مبدعين والله
اثريتم الديوان برغم غياب الملك الهيس
ابو التناكل عنه شكرا لنجم سهيل وباقديم وبن مخاشن والحبيب وابو شاكر وسبع الليل
وليعذرني من سقط سهوا عافاكم الله

[دقم الدفين]

فصل جديد بعد اذنكم وان ماعجبكم مفوضكم تغيروه ديمقراطيه يعني

ديوانكم ديوان مطفي والملك وين الملك=كيف البصر يسهيل ماللمعضله عندك حلول
كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول
والمخشني والشيخ والسيّد ومن هو ف الفلك=يدور معكم هكذا لا يازكيين العقول
حد بان برهانه سلك واخر توقف ماسلك=وش عادنا باقول غير الله يكتب لي قبول

[محمد سعيد بن مخاشن]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

الليلة البارحة ( الثلاثاء مضوى الأربعاء ) النت كان معصلج في جده إلى ساعة متأخرة من الليل. ما حد دخل من أهل جده لكن دقم الدفين الظاهر إنك تدخل من منطقة جغرافية أخرى

يا خير هذا الصوت جاني بعد ما ليلي حلك=دقم الدفين الشاعر إللي دوب في السمره يصول
شاعر يجيب القول مرصوص المعاني ... وإمتلك=سر القوافي ما بدا جاب حمل مايل في العدول
بنشدك ألا يا الدقم من عزّت ومن خوه البُلُك=لُمّا متى إمعاينين النجم ذي ما له أفول؟

عزّت والبلك = من الأسماء المصرية الشهيرة

[حسن محمد سالم باقديم]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

باشل زامي سعف دقم دفين في هذه وذك=وانا جمل باشل حملي وقت مايحين الحمول
وحذين هذا الوقت تطحس بي سرع خذني معك=شليت زنوبه 00 كلف 0 وعرف طلوعي والنزول
وان حلقوا الرميان عاروس الشوابي والحبك=ذي داهل الوبران ماطير بقشعات الوعول
حسب النوايا والعمل مطروح قسمك في المشك=ومن صرطهن غفر ماله عذر يخرجهن سبول

[عيبون]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

هرجك عجبني كالعسل له ذوق يبقى فالحنك=وهموم يجليها ويجلي من وسط جوفي كلول
واحنا طرقنا الباب وطلعت الشوابي والضرك=ضاري عليها شف جمل باداس ماجاه الخمول
حد بايرحّب او رجعنا عادحوقي والصرك=باشلها بالعز لا مالقيت فالمجلس قبول

[حسن محمد سالم باقديم]

اقتباس : المشاركة الأصلية كتبت بواسطة عيبون [ مشاهدة المشاركة ]

هرجك عجبني كالعسل له ذوق يبقى فالحنك=وهموم يجليها ويجلي من وسط جوفي كلول واحنا طرقنا الباب وطلعت الشوابي والضرك=ضاري عليها شف جمل باداس ماجاه الخمول حد بايرحّب او رجعنا عادحوقي والصرك=باشلها بالعز لا مالقيت فالمجلس قبول

يامرحبابك عد مالمروس في الوادي فتك = وفرح به الموال وسقى به جروبه والحقول
لا ماوسعك البيت والديوان خذ مجلسي لك=ماحمل القاضي صلاتي يوم صلي عاالرسول
في الحال والخاطر وسع وجواهر الدنيا حتك= ودعي لكم بلخير كل صاحب عسى عمره يطول
شي باه للدنيا وشي للاخره من دون شك = مادام عدني شوف ياعيبون ودحق عاالرجول

[نجم سهيل]

اقتباس : المشاركة الأصلية كتبت بواسطة دقم الدفين [ مشاهدة المشاركة ]

فصل جديد بعد اذنكم وان ماعجبكم مفوضكم تغيروه ديمقراطيه يعني ديوانكم ديوان مطفي والملك وين الملك=كيف البصر يسهيل ماللمعضله عندك حلول كل من دخل في البحر يابقديم ف الغبه هلك=ونته حسب مخرجك يبن الخامعه قبل الدخول والمخشني والشيخ والسيّد ومن هو ف الفلك=يدور معكم هكذا لا يازكيين العقول حد بان برهانه سلك واخر توقف ماسلك=وش عادنا باقول غير الله يكتب لي قبول

يالدقم حيابك دخل ياصاحبي حقك ولك=شاعر ولك بصمه ولك قدره تحكم ف الفصول
لكن انا يالدقم في خاطري ودي تسالك=الورد يانع ياطويل العمر اوجاه الذبول
احسب حسابك ونتبه شف مخرجك من مدخلك=وامسك عنان الجامحه مخصوص لو كانت جفول
ونته مقامك فوق وبقلبي محلك منزلك=ياراعي العليا قفلنا الباب بثنينه قفول
بعض العرب لو كان خاويته تراه يجملك=والبعض منهم من ردي فعله يصيبك بالذهول
ساعات انته تحمله واحيان هو بايحملك=هذه طباع الجيدين اهل الشرف واهل الاصول

[نجم سهيل]

كلام يابو الجويد كلام