جديد.الشاعر /خالد بن مهنا..الى الشيخ عبد العزيز بن شريشر النهدي

[خالد بن مهنا]

يالله يامن لحكمك كل شي يخضع=يامنزل ايات فيها احكام شرعيّه
يامن لذكرك عيون اهل التقاء تدمع=ووجيه لك ساجده في صبح وعشيّه
والشمس تستأذنك من قبل ماتطلع=اغفر لمن بالخطاء له نفس مبليّه
استغفر الله عد مالبرق يتلمع=وااعداد مالرعد يرعد في مناشيّه
والفي صلاتي وبوصي كل من يسمع =ان يذكر الله ويصلي على نبيّه
ويفوق من سكرته ولخالقه يرجع=ويدحن ابليس يفسح في معاصيّه
هاجس معي والحلايل لي معاي اربع=الاوله اسمها المعروف بدويّه
متخصصه في شؤن البدو والمرجع=في مفردات البداوه ذي هي رسميّه
والثانيه الجوهره ذي دوبها تلمع=متخصصه في شؤن الحضر حضريّه
بنت الملك بالجواهر تاجها مرصع=قلعه حصينه عليها اسوار مبنيّه
والثالثه ساهره في الليل ماتهجع=وفكارها كلها زينه وفنيّه
متخصصه في الحكم والقول ذي ينفع=مسالمه هادئه ماهي عدائيّه
والرابعه عاصيه ماتلين او تخشع=وابياتها كنها طلقات ناريّه
والشور في راسها لاقيست تقطع=ماتحسب احساب تتكلم بحريّه
في الرد متخصصه واحيان هي تبدع=وان سمعت ابيات جات موجهه ليّه
اسرع من البرق ياتي ردها واسرع=من طائره من طراز الميج روسيّه
عجائب الشعر في راسي لها مجمع=ولي طرق في قصيدي خاصه بيّه
اوزن بميزان في كفته مايطلع=الا ذهب يشترى بوراق نقديّه
وانا المعاني وانا للقافيه منبع=وانا الصور والتشابيه الخياليّه
وانا حروفي بهيه نورها يسطع=وكأنها الا درر في كف حوريّه
وانا القلم ذي بيدي يفتخر يطمع=انه يتمي معي وبكل هناويّه
ويمده البحر بمداده ولا يقطع=لاجيت بكتب عديد ابيات شعريّه
مشيت في درب منعأ باتأ يمنع=يمشي به اي شخص ماعنده جراويّه
ووصلت قمة شموخ المجد واتربع=راسي على العرش بعد العزم والنيّه
وقوة القلب ذي مايهاب او يفزع=والصبر عالقهر والحكمه ضروريّه
ماحد يذوق العسل من قبل يتجرع=من مر الايام عبر اسباب قسريّه
قسوة زمن منها العقل الرشيد ابدع=ومواقف اتعرضت لي واثرت فيّه
والعشق له دور في قلب المحب يطبع=صوره عجيبه وله خلطات سحريّه
لي منها الروح تتعلق وتتولع=باإنسان وتكون له سلطه وملكيّه
يملكك وعليك يتحكم ويتدلع=تهواه لاهو نكد كله وشقيّه
ويعذبك وانت بالتعذيب تتمتع=بينك وبينه تقع قصه غراميّه
لاجت براسه وقال اقصد ولاتزعزع=...!..ولا معد لك بوسط القلب حنيّه
بكتب قصيده بدم القلب بتبرع=حتى بغاها بكلمات انجليزيّه
ورجال فيهم حروف الشعر ماتسمع=البعض ذي هم لهم شاره وماريّه
ذي فعلهم مثل بو شبه اذا قرمع=من فوق راسك يثّور فيك جنيّه
تثني عليهم وتتألف وتتجمع=والعذر ماينطراء ذكره وطاريّه
حروف كنها جنود بحرب تتطوع=تنصر قضية وطن باارواح يمنيّه
ياشيخ عبد العزيز ابو وليد اروع=مافيك طيبتك ..وحياء روحك الحيّه
الطيب لاهو قدا شي جامعه يرجع=مفروض نعطيك دكتوراه فخريّه
نهدي ونهد الابيه للوفاء منبع=وحدودها في اراض العز محميّه
يحمونها رجال بالدشكاء وبالمدفع=مكتوب تاريخهم بحروف ذهبيّه
تمت وخالد عليها بالقلم وقع=توقيع شاعر قوي .. ونقوش عبريّه
القابها ختم غيره قط ماينفع=وش بايقلده فيه اسرار مخفيّه
والفي صلاتي وبوصي كل من يسمع=ان يذكر الله ويصلي على نبيّه
عليه صلي عدد مالبرق يتلمع=واعداد مالرعد يرعد في مناشيّه