02-20-2005, 03:15 PM | #1 | |||||
حال قيادي
|
بــــدع وجـــ Newـــــواب
بن سعد حسن قال كل شي بايبين=بعد مافارقت سيد المضانين
ذي هويته وعمره فوق سبع سنين=وتاليتها عكنها فوق راسي عكين قال بن سعد سلامي لبوعمار شيخ المحبين=وقله من رماك بالحجر رميته بالشرايين وأنا عشقت وحده من بنات السلاطين=لابسه برقع ونقبه من صنع الياسمين يامرحبا بأقوال شاعر تطن في الراس طنين=يوم سمعتها راح عقلي وتكلمت كلام المجانين محبين قلبي مابعتهم بالدرهم ولا الملايين=من فراقهم راح السمع والبصر وون القلب ونين الليل يالشعار حن قلبي في المجلس حنين=بغيت حد منكم يجلس عايساري وحد عاليمين وشوني باقلب القافيه على حرف سين=وباسجل وبأقراء أنا في رياض الصالحين أنا مابصبر ياحسن لاحد طعنك بسكين=سوى انسان عادي او حد من المجرمين وباروح لما عند فراشه وهو يون ونين=وباضربه بالآلي باخليه يأكل من الــطيــن يالله عسا مغفره هذه الليله من ذنوب السنين=وندخل الجنه ونوكل من ذك البساتين ويالله عسانا من ذي هو فالح في دنيا ودين=ومن أخطى عالهاشمي شوه بايولعها براكين هدي أعصابك قبل ماضيعك في دنيا ودين=وعيده بايجيك يوم يالقاسي لازم باتلين والعدو طبه المحدد والبلجيك بوسطرين=بايخارجه طين لحظه وبايطحن عظامه طحين إلى متى ياناس وحسن يضحك بالنايمين=وعسى سالم يسمع كــلامي ويفتح الكوالين وحسن قده يعرفني باطفي اللهب والبراكين=وبدعي الله يغفر لكل التائبين يامرحبا بذيب مايوكل الا اللحم السمين=ياحسن لاتقفز الرقد وكن مثل المربش الرزين نظره للمحب أحسن من حياة التجارة والدكاكين=خل إذنك في الموبايل ولاتغير نغمة الرنين ليش يارفيقي خليتني مضيع بين حذيه والعنين=رحت من عندي وقلبي يرادف عالونين ورقدوني في مجمع شفهم طين لحظه وحين=وجوني دكاتره في الحاله بالأخوة متخصصين عاد حسن مصمم على قتلي وشالي سكين=والحبيب يخثم في مادرا إني أبو الجن والشياطين إبعدوا مني وخلوني شوني طيب ومسكين=ولا قد حمرت العين بحلف إن إعجن الدنيا عجين واحد.أثنين.ثلاثه..وأحسب لما الثلاثين=هكذا يمضي العمر ياصحابي وأطلبو المغفره من رب العالمين وبايجي يوم وين الأصحاب وين المحبين=كل من فارق أصحابه بايضوي داره حزين فهمي قرر إنه يشد الحبل ولا يخليه يلين=مادام لي اعداء في العراق والشيشان وفــلسطين وباروح بتمشى في بيروت والقاهره وبكين=بكين العاصمة المستقرة لدولة الصين عيد السمر الا طاب لايارجال الميامين=واللقاء هذا يكفي لانا على شرب فيجان صين وانت ياصاحبي باتصيح بصوت الغافلين=ومن منكم بايطفي ناري ذي باترشن رشين بورائد بايطفي نارك بالماء والطين=وبايوطي رأسك الجاحد بالدر الــثمين والهاشمي غلطت فيه لانه خبزها مثل الخبازين=وحسن مسوى يضحك علينا لعنة الله عاللعين بستعين بالله من بورائد ذي مابغيره باستعين=ذي طرح لي صبر وسط العجيـــن وحاول أنه يقطع بيننا الحبل المتين=وأنا عزه مثل مايعزني وملقيه خير قـريـن ياكروزر مرفع شكلك يسر الناظرين=موديلك حي موديل أربع وألفين ريتني سعوفك للشارقه وإن تبا العين=عمر سعفك في الدنيا يعدل بألفين والي على سنك يابورائد ولا توكل الجبن مع التين=ماخلق ربي حد بلا عقل ولا حد بوعقلين واظب عالمدرسة وقم بحل التمارين=ياريتني بأقدر ضم أثمك ببوبطخين أنا شاطر في المدرسة واسأل المدرسين=وأنت خلك شاطر كما حسن أول واحد في الراسبين وباسلم على جمهوري المنتظر قصيدي لشهرين=أكيد قدهم يسألوا علي ولشوفتي متشوقين من قصدني ماباقوله غير أهلين وسهلين=باشربه من الصافي وباسمعه نـغـم التـلاحــين عالــجبر والموده مثل مانحنا دائمين=مادريت كن حسن ساكت أو من ذي هـم مـسـتحيـين أسمروا لمان طلوع الفجر ياصحابي يبين=شوفوا الهاجس يقطن عظامي قــطــيــن وغل على قلبي ذي موقعه قوق الرئتين=عيد شي منصوح بايجي منكم ياسامعين الـشـمس قدها باتظهر وباتبين=في ليلة الــجــمعه تاريخ ستة عشر أثــنــيـــن والــختم صلوا على سيد المرسلين=ويالله بانكمل السـمره في الديمن وهتين |
|||||
مواقع النشر (المفضلة) |
|
|
|