( كيبوردية ) عـنوة قـافي : قصيدة هجاء في القذافي

[مبروك بن ماضي]

يارب ســآلـك ياقـدير تعافي = إمن الجنون معـمـر الـقـذافي
وتشفي العبيط اللي يقتّل شعبه = والعقل والتفكير عنده مافي
مجرم ولاهو خايفٍ من ربه = ويعـتقد بانه زعـيم سنافي
وهوعـقـيـد ٍفيه كم من عقده = يتصنّع العظمه وشخصه هافي
اربع عقودْ وليبيا مرهونه = في قبضة النذل الحقير الحافي
شفته وهو بيقول زنقه زنقه = ويـنـاظـر لْقـدام ثـمْ خْـلافي
ويقول بان الشعب هام يحبه = وآقول واضح ؟ بان، كل الخافي
أسألك ياقادر تزلزل عرشه = وتحيط به ، وانت العظيم الكافي
تكفي الشعوب المسلمه من شره = جعله الى من راح قبله لافي
يلحق على زين العابدين وحسني = ويمكن علي صالح يكون إضافي
والظاهر ان ذا العام عام الرؤساء= يصفا على اهل الفساد الصافي
كتبت عنهم موجزٍ من شعري = ولا فلا يسوون عـنوة قـافي