لحبوش مايسقي البطانه والقري ـــــ بغينا صلح يارجال .

[بانصيب]

مامات من خلف يقولون العرب = هذه مقوله تنطبق عالواقع
مادام فوق الناس يالجاويد رب= بدحق برجلي في الوطأ والرافع
بعض الخلوفه مثل عيدان الكرب= عوجاء بعين المشتري والبايع
وبعضها تبني وتصلح ماخترب = بالفعل وبقول الكلام الرايع
ياهل الحراثه مالكم ذي مصطرب = هذه السنه صربوه اهل الضالع
لو جات فزعه من دحاميل الكرب = بين المرابي ماتوقف شاجع
في حلها ماحد من العاكر هرب = وعلى دروب المجد ماحد زانع
لاشافها عرضت تجهز واعترب = ورد بومقصين فوق القاصع
رأسي ضرب وان كان مارأسه ضرب = يجزع عليه الهرج ذيهو لاذع
الكذب مبعد ميل والصدق اقترب = ومن قرب للصلح ماشي مانع
مادعي لخصمي بالجديعه والجرب = فحسوا الكلام المختصر والنافع
والتاليه لاقضيت شفي والارب = سعفه مع صادق وصالح طايع
ماتقربون العود عندي والطرب = حب الزوامل والكلام الرادع
من روس وادي حول لانزله قرب= يجري من أول يوم لما السابع
لحبوش مايسقي البطانه والجرب = والقري شربه عالهميم الجازع
سهيل عاده فوق محلى ماغرب = ضوه على مخيتار دايم ساطع
ون جيت في وادي بسنقوفي شرب= فيما سبق عندي الدليل القاطع