شوف هذي الناس عندك كلهم في الانتظار

والليل يا صالح ربيع ابغاك تمعن في النظر

من عند بوجبَّار لي بيت يزرزر عالوتار
ما البرمكي والبرمكيه شغلهم خزوه وعار
يفقع بهاجر عود لأهل القطن ما يفقع بطار
من لا حضر للحفل هاتو له من الشرطه حضار
خيَّر من الاخيار ما يلعب سري والاقمار
ولعاد بافتش على الموضوع ما قد صار صار

يا مرحباء بقوال من شاعر يد فرها ستر
شاعر وله قيمته ما هو هكذا من جا شعر
كافح على ابلاده ابو جبار ما هاب الخطر
والليله الحوطه نويره لعنبو من لا حظر
ردفان باعطوه وحبل بالقطن لا سطح القمر
وبالقصير والنبي لنساه شرعه ما قصر

وبقدرة المولى تعالى الصقر هزمته الطيور
والمصطفى طه رسول الله للاسلام نور
ما الباقين الا ضرر ما منهم غير الضرور
يا ريت لي ماتو حيوء واحنا بدلهم في القبور
ماشي فرط ما بينهم عمَّار يشبه من عمور
لمى سقط مرجان ثاني يوم ولوها سرور
والوحدة الكبرى المجيده ملَّت الوادي زهور
كل حوت يؤكل حوت حافظ من موج البحور
من حين تمت لتفاقيات واحنا في خيور
مرت ثلاثة قرن في أزمات وثلاثه شهور
بالعقل والإيمان والحكمه قمع كل الشرور
انه سوى وانه غوى كله من أولات الامور
اذا بدت حايته جهنا الظهر في هجر الهجور
يا ويلهم بالويل لي بايشهدو باطل وزور
لا قال للحيدين دوري بإذن ربه باتدور
لو كان غيره كان قذ هلا بها عشره كسور
القرح ما ينطحن ذلا الثور ما يقدر يثور
يالله بغفرانك نهار البعث ونهار النشور
ياابن اليمن خليك عاقل ما تجاريك الغرور
كل شي غلي بشبام ماحد قال ذا باطل وجور
غرشه دواء بربعمائة الله يعين أهل الزقور
وأهل المصالح وال باصالح من الدعوه نكور
واللي كرد راس البنيه دوعني مكرو دكور
قمروك في ناقتك يومك مقمره يابونصور
فيها الجمارك والمعارك راشته عند العبور
ما اليوم دخل باخره ما باتمد عشر العشور
لا ما قمرك الصبح في المكتب يغاز لك الصقور
مثل الذبابه يندرون اللحم من تحت الضفور
والا مسك صفقه رفع يده وقال الله غفور
واولادنا من بايعرس ضاق من يور المهور
الحارثي مبسوط في وضعه وانا كبدي تفور
وبعد ما حصل جبوح النوب خلي لي القرور
واوصل الى لندن وانا من تاربه لمان بور
واهل العدو لي شاركو معنا وخصبه عالحضور
مامورها عملاق خلاها على العالم تدور
في جبر بوخالد بغينا أو ما بغينا بانزور
ما بعظهم كلي شي يمر قبله ولا عنده شعور
مساكم الله بالرضى ياللي تديرون الفكور
تمى مصلب عالشديدة ما بغى الغالي يبور
ويخلي الباروت يذلحم من على روس الصبور
واعضا معه مثله واحسن شورهم يا خير شور
والصقر لي عينك عليه اصبح ضحيه للصقور
سالم علي وعبود حم نتر ببوها في النتور
وربيع بن صالح معه دوره وقع يا خير دور
من لا معه ليسن كما ليسني يقبظه المرور
ما من قبوسه خير منها الا الزواخي والعكور

ب س بسم الله خالق صقرها وطيورها
يا مرتجاء يا خالق الظلمه وخالق نورها
انته الذي يا رب تعلم نفعها وظرورها
يا حي يا قيوم يا محي الذي في قبورها
كلمن رأى منكر سكت فزعان من مامورها
كلما جرى في الشعب من مرجانها وسرورها
ياخالق الدنيا وخالق وردها وزهورها
الله يحفظها ويحمي برها وبحورها
والصلح في الحدود قوى أمنها وخيروها
كما ما صبرنا عا الاذى في سنينها وشهورها
لو ما نقذها بوحمد كان أهلكوها شرورها
رب تحفظ القائد على هم يا ولات أمورها
عاش المحافظ لي صبر عاهجرها وهجورها
عاش الوكيل العام وامساعده شد أزرورها
عاش المدير العام بن مزروع قام أبدورها
قوى سواعدها وجبر عسفها وكسورها
والامن قام ابدور خلى القرح تنطح ثورها
يالله بحسن الخاتمه لا قذ نشر منشورها
صلو على طه محمد قبل يطلع غورها
يقول صالح بن ربيع يشتكي من جورها
كما عجوزٍ تشتكي من لي جرى في زقورها
كل شي صبح منكور ما واحد نكر منكورها
لا سبرت تنعش قليل البنت حلقو كورها
لو ميه راعه نصر بالحيله قمر منصورها
كانت من أول عقبه المعدي شديد عبورها
من جاب له بدله من الخارج حسب لعشورها
وأهل الدواير تلتعب في عصرها وصفورها
كل ما طرح يده على يدك نقف ضافورها
وسعادة القاضي يحط مسمار في حافورها
لمن متا ساكت على السرقان يا جمهورها
نوقد عليها بالسمر ما طاع يطلع فورها
كنا انا وأياه نشرب حلوها وقرورها
المملكة بيده تملك بربره وبرورها
وسلام وتحيات مني عاجميع احضورها
وسلام مني عابلاد اربع سدد عادورها
أرض المعزه والشرف واجب علينا نزورها
عبد العزيز ابن القيعطي لي يحس بشعورها
وسلام عاعدة لها أعضاء تدير أفكورها
رد فان باعطوه الا طفيت رشن بابورها
بالعرف والقوه طلع لما رؤوس اصبورها
وتقدمت وتزينت لما تولا شورها
غن يا حسين الصوت شف كل سماء بصقورها
غن يا عوض ودعان شفهم بدلو دستورها
وخميس بن شامس الا ما دورت بيدورها
قم يالفتى قحطان واحذر وأنتبه لمرورها
قم قيم بالعملاق شفها عكرت بعكورها

من عند صالح بن ربيع لي قرى عماء وطور
ليسن بتوقيعك ومن وقعت له بطلع حسور

يا مرحبا بقوال من شاعر ذعر ما طورها
يا بوربيع نا معي ليسن طلعت أحسورها