تمي مصلَّب في مكانه عالشرف والعز جاد
ماشل قلم أو مقلمه شل للعدو سكين حاد
ذ لا قلال الخير لي ما حاسبَّو كيف البلاد
والمفتري ليله في الغرفه وليله في سعاد
اليوم عاد الا ابو سالم وأنا من قوم عاد

يا مرحباء بقوال من شاعر يجد الغرم جد
لله درُه يوم ما فكر ولا عول بحد
من لا يصلب في بلاده ما يحصل له بلد
يومه على نيته في بلاده تنعَّم وأستعد
شل الدفاتر والقلم ويعد في الجاويد عد

هددن ليهن في المهد من كل مكان امهددات
عندي ثنعشر بنت في بيتي بنات امنكتات
واولادهن وبناتهن يرقلن ما هن ثابتات
ثاني سنة والثالثه دخلت وهن متشاكيات
وهن بغين البيع واللشرى ولا هن شاريات
من بايقول ان بوربيَّع في ثياب أمحتكتات
له عوق لي عكلس سرينا في حبال أمعكلسات
والبايره نفرت على رجالها ولعاد جات
كانت نمر واليوم قذ هلا من المتخفيات
وأخواتها بالمثل عادين المسيح أمعرسات
والبايرة ما باتجيب الا البير والبايرات
ميت الف مستودع معاهن كل ابوهن خاليات
وعاد معهم في الخلاء ثنتين أبار امنشفات
واربع في الحافه بغين أربع جنح وأمحركات
وان شغلوها الليل يصبحن البناشر طافيات
يا ويلها بقراء عليها الحشر هي والعاديات
وصقورها مثل السحابة عالطيور امغرزات
النور يأضي في سماها والديار أمنورات
ما هم شوي لي معك هم من جميع الجاليات
وان شي خطاء في الهرج لي قوله على بالبينات
وان غفلت جابو لها أربع حبوب أمهديات
أهل الثقافة والعلوم أتخرجو في الجامعات
سواء لها الروشن قواعد ثابته وما أسسات
دنياء ترويك العجب والباقيات الصالحات
جابو لها طيبان أصليه جدد ومعدلات
قوى سواعدها وطلعها الحسور العاليات
يصرف لها دولار ما يصرف خماسي محليات
بيمانها وأشمالها ما أسندوا بالساريات
حتى الطوس لي يفقعن كرام امعززات
مكاو لو جارت عليك أشبام فيها مفرجات
انته وبن هادي فقط أهل اللحون الشافيات
والنجم لقشر بت معاهم حيث ما يمسي يبات
يهناءلكم ياللي ورثتو عالقصور العاليات
قم قيم كملها لشعبك بالقوال الكاملات
 ربك بلاها  بالمصاييع الجدد والصايعات

ب س بسم الله من خوفي شعوري هددت
وبعدما صلى على المختار ببدي في النكت
وحدة سرت تطبل ووحده بيتت تلعب ثبت
يصبحن يتعاشن وجارتهن رمتهن وأشتكت
جارة قليله خير في الاسلام باعت واشترت
والدق وقع في المغترب حتى ثيابه حتكت
ياريتهم ما عكلسوها كانها متعكلست
والسهم يتعسلى علينا والقبال اتعسليت
ولعاد نحنا دارين أفيين راحت واختفت
يا خس عرس بهذل بها عاطفل جاهل عرست
قذ قالها مستور قبلي ذي قصص مبداجرت
والدين فوق الدين والدكان والخزنه خلت
والبير بحثوها وشربوها الما أتنشفت
والطائرات الصبح وحدة في الصباح اتحركت
والكهربه لا شغلوها الصبح بليل انطفت
وان عاد ابو وحدة على والا على يسلم عدت
سلام مني عابلد فيها النعايم غرزت
لو ما سحيل النور فيها كانها متنورت
وسلام لك يا حي حمدي فيك لهموم أنجلت
بالعقل والتفكير جدارنك أختربت وأبتنت
وعادلك تاريخ كم من عاصيه فيك أهتدت
وسلام لك يا دار فيك أهل التراث اتجمعت
وسلام عا عدة قديمة في السحيل أتأسست
وبعد ذا كله حصل فيها خلل وأصلحت
أهل العدالة عدَّلو كل ما خرب واتعدلت
عاش الجريدي قام بالواجب وخلاها علت
لله درّه بو علي من بعد ما ماتت حيت
واعظاء معه بالغصب لا قالو لها تسري سرت
لو كان ما هن كانها متكرمت وتعززت
قل دان يابأ فريج شفها عادها الا تفرجت
صوتك دواء من كل عله منها أمراضي شفت
سلم على يسلم وقل له شف عبد وعبود بت
وعبيد لا تنساه قل له بعد ما قرت حلت
قولو لبوسالم قفز وان عادها متكملت
وأم   الكباير شفتها الا  خرفت واصوعت