حاشاء وكلا ان تعذبهم وهم يستغفرون
كل المعارف في مدودة وال لعيجم يشكرون
الشمس ناراٌ حاميه وأهل القمر يتقامرون
خايف على عقالها اما السقل هم يكبرون
وعادنا خايف على أهل المصنعه يتفجرون
هميا وكلنتون في الفنادق والطرق يتصورون
ولعادنا داري متاه الشعب بايتحررون
لا زلزلت زلزالها يا ويلكم يالكافرون
والحلو قر وأهل الرحايا في رحاهم يوقرون
اخوان واسره واحده من دون حق يتطايرون
وانا الغبي لي معرف القرحاء من أمات القرون
والله يعلم هو انا البقار أو هم يبقرون
واربع سنه والخامسه دخلت وهم يتكاسرون
الاجنبي ما له سنع في ناس ما يتحاذرون
ما سيبنا لي خرَّبو الميناء عليهم يعمرون
ما دامن رجلي قويه يطلعون أو يندرون
رغم الحسوديين لي هم من قدي يتسترون
يا خيرهم توَّك ولا قذهم هناك أيغبرون
وأهل البدع وأهل البدايع بالنتاجا يبشرون
ويكرمون الضيف ومن الضيف ما يتاثرون
باها ولا بالقطن لو هم في البلد يتخيرون
لي شاهدوك العصر راحو كلهم يتحيرون
يا ريت ريت أهل المباني في بناكم ينظرون
كل المحافل آل بن عيجم لها يصدرون
وديارهم ترحب من الضيفان ما يتوترون
ما يعظهم لا هم ثنين انفار منهم يهمرون
خليتو الجيران فيكم كلهم يتفكرون
نحنا الرعيه والدول هم بالأوامر يؤمرون
في خوف والا في أمان اعبر مع لي يعبرون
وأعضاء معه في حلها وحلولها يزرزرون
في كل بلاد الناس تتناقص وهم يتكاثرون
لا قلت حضرو في ثواني كلهم يايحضرون
كل البشر باشرتهم وهم أبو اميباشرون
اخوتي واولادي على خاطري دايم يخطرون
ياريتهم طمرو عيالي وسعف لي يطامرون
وانا كما بالمثل بسمر مع لي يسمرون
انته استفدته وال راس المال رجعوا يخسرون

ب س بسم الله رب يا رب عسى الذنب أغتفر
الحمد لك والشكر يا رب يامجازي من شكر
يا مر تجاء ياللي خلقت الشمس وخلقت القمر
والعالم العربي تدهور عليهم الله كبر
بيروت كلما تفجَّرت والوضع في القدس أفتجر
والجامعة في مصر ما فيها سوى غير الصور
أكثر من أربع قرن مرو الشعب في زرة وحر
يالكفره يا ويل ابو كلمن تولى وكفر
الشعب يتدهور ونحنا من مقر لما مفر
من يوم طار الطير لزرق وال باشاذي طير
أبليس خرَّجهم من الجنه ودخلهم سُقر
حرَّيت وأحتريت قالو لي الحرورة عالبقر
غصباً علي باقول كلمه صدق يا حن ياأنكسر
قولو لصالح بن عبود احذرك ثم والحذر
خليك وازع لا تسب عاعمر والا عاعمر
ما بوربيع ما يهمه من طلع والا ندر
لا صحت عالشيخ العمودي بايدفرها ستر
لبسو سباعيات أصليه وصاروني غبر
يا هل العقول الواعيه صلو على خير البشر
سلام خص به بلاد فيها لي يقصون الاثر
ماشي بلد تشبه مدوده لو هي الا بالخبر
سلام لك يا دار بالاسمنت مبني والحجر
لبواب منظومه ومحكومات كل شي بالنظر
وسلام لأهل الموجبه من صالح أربيع صدر
يسلم خميس الجيد واولاده يزرون الوتر
لا هم ثلاثين الف لا يسلم ولا اولاده همر
مبروك لمعاريسكم يا أهل المعاني والفكر
برك وأمين المؤتمن اعضاء لحزب المؤتمر
سلامهم مخصوص من شاعر الى عبرور عبر
وسلام عاعدَّه مقدمها يزر لحبال زر
لا ديرت يحمونها اربع ميه والا كثر
سلام لك يابن حمد بخضر وعاكل من حضر
كل دان يافهمان بارك فيك شف حالي بشر
الناس تتسلى وانا كل شي علي بالي خطر
صوتك تقول الا موسيقى من سمع صوتك طمر
قم قيم يا قحطان بارك فيك بك طاب السمر
قم يا طويل العمر قم جوب علي بالمختصر