مساجلات الزامــــل الشعبي

[طالب النعماني]

اقتباس : المشاركة الأصلية كتبت بواسطة مجمل

وازكى تحية ود من الشاعر عمر=لاهل السقيفه الصغير والكبير من شنقهاي العصمه حيث المطر = لاهي على الوديان ماخلى ضمير ماشي كماها ارض فطسان النخر=لكن ارضي عندي الشي الكثير حتى مخيلتها تسر الحال سر = لاحنت الرعدان في ارباع الحجير

لنسان دايم في بلاده يستقر=يقنع بقوته لو يقع كزمه خمير
وان مالحق موتر على اربع كفر=يرجع لبله والمواشي والحمير

[أحمد العمودي أبوفيصل]

اقتباس : المشاركة الأصلية كتبت بواسطة طالب باتيس النعماني

لنسان دايم في بلاده يستقر=يقنع بقوته لو يقع كزمه خمير وان مالحق موتر على اربع كفر=يرجع لبله والمواشي والحمير

بسالك ياطالب ورجعلي خبر = لي عامد التشليح في وقت الهجير
أبغاك ياطالب تفكر بالسفر = من قبل ماتنصح مجمل يالخبير
لارحت ياطالب وشفتك مستقر = ورسيت دلوك بتشرب من عين بير
بنسير بعدك في وطاها والعسر = وبن دخل بعدك وسط وادي خضير

[أحمد العمودي أبوفيصل]

اقتباس : المشاركة الأصلية كتبت بواسطة الطامع

شوني عطف عالقحم وعاذاك الزقر = ونساعد المحتاج والشيخ الضرير حاشا على الطامع ولا عمره عثر = والجود نا طبعي ونا عدني صغير منجيبها العيفات وبالزينه جهر = وان شي مقدر لي من الله با يصير نا مامدح نفسي وصيطي في البشر = مثل الذهب معروف لكل صائغ خبير مغدر بحد والطعن نطن في النحر = طعن القفى يالشيخ للشخص الحقير وان حد غشيم با دخله بالبصر = عقلي كما الدوله وبرسلك سفير

ماليوم يالطامع حذر مني حذر = ابغاك تتوقع في الحسر الخطير
الحسر لي معروف صيته مشتهر = مايطلعه ماغير كل سايق جبير
وانته معك موتر ولكنه غبر = مافيه شي سابع ولاصفراء وقير
كلما طلع عصره لديتر فيه حر = لاتكلف الموتر على الحمل الكبير

[الطامع]

المخشني شوفه على النعمه بطر = وكسى القطيفه مابغا يبغا القصير
شيبه ويتحسف على عمره عبر = ما قد طعم رمان على بر وشعير
واليوم بغا لحمه يصدر من مصر = لحم المورد زين ولا شي فيه قير
معذور بو مخشن اذا قلبه خضر = العشق ما شي فيه غني والا فقير

[طالب النعماني]

اقتباس : المشاركة الأصلية كتبت بواسطة الغازي 2007

بسالك ياطالب ورجعلي خبر = لي عامد التشليح في وقت الهجير أبغاك ياطالب تفكر بالسفر = من قبل ماتنصح مجمل يالخبير لارحت ياطالب وشفتك مستقر = ورسيت دلوك بتشرب من عين بير بنسير بعدك في وطاها والعسر = وبن دخل بعدك وسط وادي خضير

وضعي مهدد في بلادي بالخطر=وانته قدك عارف بسري يالخبير
والا في الشرقي مسوي لي مقر=البصط والغدوه ثلاتعشر بعبير

[الاشتراكي]

اقتباس : المشاركة الأصلية كتبت بواسطة مجمل

وازكى تحية ود من الشاعر عمر=لاهل السقيفه الصغير والكبير من شنقهاي العصمه حيث المطر = لاهي على الوديان ماخلى ضمير ماشي كماها ارض فطسان النخر=لكن ارضي عندي الشي الكثير حتى مخيلتها تسر الحال سر = لاحنت الرعدان في ارباع الحجير

الهاجس الليله كما البازل هدر=زوع شوامخ من صفيره والهدير
مرحيب حيا قل لمرصوص العجر=مرحيب مني بالمعلم والمدير
انت المعلم بالبصيره والنضر=دايم وانا ملقيك في راس النضير

[طالب النعماني]

كلااااااااااااااااااااااااام كلاااااااااااااااااااااااااااام
ونعم بكم جميعا

[فارس المشاجر]

مرحيب لكل الشعار المشاركين في هذه المساجلات الشعريه التي اتمتعنا بمتابعتها
كم مره تمنيت ان اكون شاعر لكي اعبر عما بداخلي واشارك في مثل هذه الماخلات
ولكن اتمنى لجميع شعارنا مزيد من العطاء في مجال الشعر

[محمد سعيد بن مخاشن]

اقتباس : المشاركة الأصلية كتبت بواسطة الطامع

المخشني شوفه على النعمه بطر = وكسى القطيفه مابغا يبغا القصير شيبه ويتحسف على عمره عبر = ما قد طعم رمان على بر وشعير واليوم بغا لحمه يصدر من مصر = لحم المورد زين ولا شي فيه قير معذور بو مخشن اذا قلبه خضر = العشق ما شي فيه غني والا فقير

الحمد له ماشي عليّه قد قصر=وخذت وقتي يوم أنا كنته صغير
ذلا بغيت الصدق يحكي به عمر=كنّه خدع من تحت لِفراش الوثير
سافر إلى شنقاي وإنعم بالسفر=يبغى بضاعه أو يدوّر له سمير
أولمبياد الصين جو له كل بشر=ما هم قفا الخضره ولا الجو المطير

[صالح باعمران ابو زايد]

اهلا وسهلا بأبن العـــــــم فــــــارس المــشـــــــــاجــــر
تقبل تحياتي