مساجلات الزامــــل الشعبي

[طالب النعماني]

بارك الله فيك اخي سبع الليل
انته تستحق وسام شرف من السقيفه
واعذرني لطول غيابي والسبب كثر انشغالي
ولكني اخلفك على الزامل واوصيك الاعتناء به والمتابعه الدايمه والمراقبه فانت من يستطيع مراقبة الزامل ومتابعته

[سبع الليل]

ياالف ياحيا بمشرفنا الوصي =ماليوم بوراضي موصينا وصاه
من صافي المعيان قل له نستقي=السبع مايبخل وكل ضامي سقاه
نحن بكسوات المعزه نكتسي=والجيد بن لجواد مايرمي كساه

[سبع الليل]

مابخفي الواقع ولا بايختفي= ولاانا كما طير الفلاء عامد خباه
بظهر في الشاشه معي خاطر سلي=والهايس المصيون مايقطع سلاه
الكاس عاده ذي بيدي ماخلي=وان قدخلي يسهول بوراضي ملاه

[يسهول]

مرحيب بوراضي رضينا سعفكم=يأهل الوفا لاياعزيزين المقام
راس السما مرفوع عندي شانكم=دوم المعزه بيننا ولاحترام

[يسهول]

يا شاعر القبله لي راسك ملي=و الكيل لو يفضي تسكبله كماه
وتسرح ع مقدان تتقنص ظبي=بو زيد ذي محسوب هو سيد الغزاه
واما نا مسكين شف لحمي طري=ورصاص لك مقموع مانبغى بلاه

[سبع الليل]

انت الاسد ابن الاسد يالمسهلي=انت الثرياء والقمر ذي في سماه
القول قولك والسهاله باتجي=وفي داحل الميدان لك رفعه وجاه
جودك ومعروفك قنع ماتنتسي=هذا تواضع والنبي مابانساه

[يسهول]

ماشي حصل معذور لاياصاحبي=ولادمي مخلوق من طينه وماه
واما صفات السبع و السبع العني=واحد انت معدود من خير الحماه
ماشي حصل في النفس ولافي خاطري=والصقر لوحله يلقطها ذكاه

[عبدالقادر صالح فدعق]

شعارنا الكبار .. يسهول وسبع الليل ..

صدقا نحن نتابع ونستمع بكل ماتكتبونه بارك الله فيكم ...

سنبقى نتابع ...

الكثير من الشعار لأسباب معلومة غير متواجدين وبعضهم لأسباب غير معلومة متغيب وهناك الكثير من الأعضاء في كثير من الأقسام عجزو عن الدخول بعد التحديثات الأخيرة ..!! ولكن بإذن الله كل الأمور ستعود كما كانت والبركة فيكم وفي تواجدكم ..

لك جميل التحايا ..

.

[عبدالقادر صالح فدعق]

للعلم أصبح الان لديكم الإمكانية لتنسيق مساجلاتكم من خلال صندق التنسيق المدرج هنا في الرد السريع ..


شكرا لكم .

.

[الماسه*]

مني لكم الف وتحيه زاملي=للي حضر والغايب الله هو معاه

جيت بتحياتي وانا قلبي سلي = من هرجكم او شعركم لي ماكماه

حيا بمن جانا محمد او علي=ياالف حيا الله.. حيوا يالرماه!!

تنطق بنادقكم ذخيره (عيد) لي=واما العدو خلّوه يمسي في عماه

حسره وأسف قلبه بياره تمتلي=غيظ ونكد تجري بها مجرى دماه

هذي سقيفتنا تشرف لولي=واللي خلَف ..نحن الشبامي في حماه

حبيت زاملكم زياده.. لو علي=قلبي يخيم عندكم يسقي ضماه

من عذب صافي حرفكم بايعتلي=عالي القمم ويطول للنجم ف سماه