الجمهرة................

[روح زايد]

الجمهرة

إي بالله اخطو, والخطا اللي جابهم (عيـن الصواب)

مبطي وانا اشوف الطمع يكشف رداهم واستره

مايملي عيون الحسود بهالزمن غير التراب

ومن لايتوب من الخطا تحرم عليه المعذرة
اللي من اولها خراب .. اكيد تاليها خراب

والبندق الي مانثور في هدفها.. تذعــره
ودكـ ليــا من جاتكـ الغلطــة من الناس القراب !!

(الصاحب اللي ماكسبت محبته ماتخسره )
مشكلتــي اني ماعرفت احسب لصدتهم حساب

قلطتهم صدري على ذكرى قصيد وحنجرة
صوت يصول بمنبره, وخطاب مامثله خطـاب

والطيبة اللي زعزعت صوت الخطيب ومنبره
مافيـه دمعٍ صوبوه احبابي بوجهي وخاب

ولا زرق حزني على غالي , ولا فج انحره
كل الزهاب اللي معي .. ذكرى من اصحاب الزهاب

واللي بقى لي من عذاب .. اشرس طريقي واخطره
لاني تجنبت الغرق .. عديت من فوق السحاب

لان اكثر اصحابي ورق .. ماشفت للطيب اثمرة
والله ماحطيت بين الحقد والخوّة حجاب

حتـى غدوا ربعي يحدوني على الضيق ..( اشكره)
البارحة ثارت علي رقاب .. وآوتني رقاب

البارحة ياثقل دمّ البارح ويامحقره
أهب ياوجه الحـسد وشلون جمعهم.. وغاب

كيف السنين اللي عطتني ..( بعثرتهم بعثرة)
أثر المصايب .. ماتجيك الا من الناس القراب

وبهالزمن حتى الخوي اللي تثق فيه .. احذره
لابارك الله في رفيق .. تزعله كلمة عتاب

ولا جمع الله الرجال اللي تفرقهم (مَرهَ)
عودت نفسي كلما شددت في يمّة ركاب

ما اصد وجهي عن طريق الاّ ليا جبت اخْبره
الصاحب اللي مايجي من صحبته غير العذاب !!

نذرٍ علي ان ماهجرني .. والاّ أنا اللي بهجره
من يفتح لفرقاي باب .. افكـ له عشريـن باب

واذا خويّي ما يقدر خوتّي مااقدره
إن (روّحوا) فانا بري منهم إلى يوم الحساب

وان (جرّحوا) قولوا لهم ماحرّكوا في اشعره
شفهم لهم حول السنة .. ولا خذوا مني جواب

أحسن دوا للي يحاول يستفزّكـ ... تحقره
انا جمعت اوراقهم بكتاب .. واغلقت الكتاب

ياوقت لم اللي تلمه, وانثر اللي تنثره
ماكنت احاتيهم صغير .. عاد احاتيهم شباب

إن ماذخرني صاحبي لليوم الاسود ما اذخره
عقب اكتئاب البارحة ماعاد انا حمل اكتئاب

الطيب جرجرني , وانا ماني بناقص جرجرة
اللي يخاف من الظما يتركـ لنا طرد السراب

واللي ماهو بقد الظلام ووحشته.. لايسهره
أنا ..تجرعت العطش لين احترق وجهي وذاب

انا .. كسرت بخاطري قبل الصداقة تكسره
أنا .. خسرت اللي غيابه غير عن كل الغياب

أنا .. غفرت لعالمٍ .. ماتستحق المغفرة
أنا اكثر ( انسانٍ تعلّم )من كثر ما اخطا واصاب

أنا آخر (لسان يتكلّم ) في زمان الثرثرة
أنا ( القصيد اللي فزع ) من دفتره ... مليون ناب

وانا ( الوحيد اللي جمع ) مليون ناب بدفتره
جفني وجرّحه السهر, حيلي وهدّته الصعاب

دمعي هدر .. ضحكي ندر .. عمري وضيّعت اكثره
شيـّبت بعقول العرب .. هيـّبت روسٍ ماتهاب

جمهرت ناسٍ عمرهم مايعرفون ( الجـمـهـرة )
ما(صرت ذيب ) الاّلأن اللي حواليني ذياب

ما(كنت اغيب )" الاّلأن العفو عند المقدرة "
ترى حلاتكـ , لاحملت لصاحبكـ كلمة عتاب

إن مانطقت بْها بوجهه .. ماتذمّه بظهره
في هالزمن مايملي عيون الحسود الاّ التراب

والاّ الحظيظ.. الطلقة اللي ماتصيبه تذعره
ودّكـ ليا من جاتكـ الغلطة من الناس القراب

" الصاحب اللي ماكسبت محبّته ... ماتخسره "
# # # # #

للشاعر : حــامــد زيـد

[اميرة الوادي]

تسلم يداكِ روح السقيفة ع القصيدة الجميلة جداً
يعطيكِ العافية ياذوق
لكِ خالص شكري

[محمد سعيد بن مخاشن]

ياروح زايد يا هلا بك في سقيفه مفخره=للشّعر والآداب ... وإنتي جوهره عا رأس داب
شكرًا على نقل الدّرر ... جَعْل السّقيفه منوّره=باللّول ذي جبتيه ... وبوجهك قمر في شهر آب

[ريحة المسك]

حامد زيد شاعر غني عن التعريف
تتميز قصائده بجزالة المعني وقوة القافيه له الكثير من القصائد
تميز بالشعر النبطي

وايضآ الجميله بكرم اخلاقها وطيبها وذوقها
روح زايد
هي ايضآ غنيه عن التعريف
تقبلي مروري ويعطيكي العافيه على النقل الاكثر من رااائع امتعتينااااا

[ريحة المسك]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

ياروح زايد يا هلا بك في سقيفه مفخره=للشّعر والآداب ... وإنتي جوهره عا رأس داب شكرًا على نقل الدّرر ... جَعْل السّقيفه منوّره=باللّول ذي جبتيه ... وبوجهك قمر في شهر آب

جميييل جدآ استاذنا بن مخاشن يعطيك العافيه
وتستااااااهل روح زايد

[الزين يفرض نفسه]

وحشتينا يارووووح وين الغيبة ي بطة ^^

[الزين يفرض نفسه]

للأسف ماطلعلي رد الأستاذ بن مخاشن

كان نفسي أقرأه

لو فيه إمكانية تنسخوه لي أكون مشكورة ^^

يسعدكم ربي ..

[ريحة المسك]

تكرم عين الزين كله
وهاذه مشاركة الاستاذ الكبير بن مخاشن

يـاروح زايـد يـا هــلا بــك فــي سقيـفـه مفـخـره للشّعر والآداب ... وإنتي جوهره عـا رأس داب
شكرًا على نقل الـدّرر ... جَعْـل السّقيفـه منـوّره باللّول ذي جبتيه ... وبوجهك قمر في شهر آب

[روح زايد]

اقتباس : المشاركة الأصلية كتبت بواسطة اميرة الوادي [ مشاهدة المشاركة ]

تسلم يداكِ روح السقيفة ع القصيدة الجميلة جداً يعطيكِ العافية ياذوق لكِ خالص شكري

الله يسلمك ِ ويحفظك واسعدني حضورك ِ لـ متصفحي
لكي كل الشكر والتقدير ياعسل