10-22-2012, 11:48 PM | #1 | ||||||
بــــوجــــمــــعـــــان
|
عاشبام الاصيله ياعرب باتخبر
عاشبام الاصيله ياعرب باتخبر
عاشبام الاصيله ياعرب باتخبر=عاد شي لي يسر خاطري ياهل المدينه
السنين أنطوت والحال مظني مكّدر=لا ذكرت العوالي زاد قلبي حنينه بذكر أيام( لي) فيها معزز مقّدر=منتشم ما انطرح راسي ونفسي رزينه بشّرونا بشي يفرح ويسعد مسّفر=من بلاد الهناء ياهل العقول الفطينه عاد شي في الوصر والدار محباء ومسمر=عالعوائد ونسمع للبخاري رطينه عاد شي بين كل مطراق مدخل ومندر=عاد شي في دكاكين التجر كل عينه والضٌمر والسواقي والنخيل المخّبر=في السباعي وفي ذهبان مٌكنه حصينه وين بزرق وبافردم ولصفر ولحمر=في الهجروالمديني تمر يامقلفينه وين حسيان باعشره وجرب أل الدوسر=وين مجرى المسقي لي بكى عاطبينه والشرب والمصّبغ والسليط المعّصر= والقوافل حمولتها بضائع ثمينه والسرح والمرابد والحدور المحّفر=سرحت الحصن والجامع نعّفر بطينه والسدد والمسالف والقوام المسّمر=والمجر والزوافر والقفول المكينه عاد عقلي لها ذاكر ولا باتنكر=عادنا مشتهي نظره ونفسي حزينه لا ذكرتش بكت عيني وحالي تسمسر=مانسيت الزمن لي كلكم ناسيينه |
||||||
10-23-2012, 01:19 PM | #2 | ||||||
شاعر السقيفه
|
صح لسانك درر يابوجمعان
الله لا يحرمنا منك ولا من ابداعاتك سجلني من متابعينك على طول |
||||||
10-23-2012, 01:49 PM | #3 | ||||||
نائب مشرف عام قسم الأدب والفن
|
درر يا بو جمعان. صح لسانك.
نا مثيلك نفكّر دوب في العَرض لَزْور=من تناسى بلاده شفه فرّط بدينه
حب وطنّا من الإيمان واللهُ أكبر=عا الذي باع أرضه كلّنا كارهينه |
||||||
مواقع النشر (المفضلة) |
|
|
|