رمضان قريب ! تعال نتسامح بمقطع منك ومقطع منها وهكذا .

[عيون المكلا]

الفكرة بسيطة وسهلة :
نشارك بمقطع يفسر ماقبله لتكون قصيدة متكاملة :كل مقطع يدل على التسامح ويكفي شكوك وظنون )
طبعا المقطع مثل ماقبله فقط الثابت الكورال والبيت الذي قبله وبقية الابيات حسبما يختار قافيها المشارك :لنبدأ

:

التخميسه (الكورال )هو من عرف نفسه يترك مايقوله الناس فيه

اذا زاد عن حده العتب صار التجافي =والود من بعده ذهب ماشي تصافي
سامح وادعي لصديقك ربنا يهديه = من عرف نفسه يترك مايقول الناس فيه .

وهكذا الى ان تكمل القصيدة

.

[ولد نصير]

ريت العيون تاتي بمقطع آخر

[البكري]

قول الصدق منك ياخل كافي = من ثنايا النفس تضهر كل خافي
ريت بالصدق يظهر كل ماتخفيه = من عرف نفسه يترك مايقول الناس فيه

[بن قطمان]

الله يسامح من كتب في شي خافي=وانا عطيته ثوب متنومس وضافي
واطلب من الرحمن حتى لامرض يشفيه=من عرف نفسه يترك مايقول الناس فيه

[عيون المكلا]

ولد نصير
البكري
بن قطمان
يعطيكم العافيه
جميل هذا التفاعل والتقارب
كل عام وانتم بخير وهذه مشاركة اخرى حسب طلب الاول

:

قدر سكوتي بالذهب سيب اعترافي = والاسم مايهم واللقب ماشي ينافي
لافاح مسكي يشمه كل من يهويه = من عرف نفسه يترك مايقول الناس فيه

[البكري]

عالمبادي والاسس ما بينا شي اختلافي = والتاج ساس الملك ماهو شي اضافي
القلب جوهر مايقدر بالثمن ماشي يساويه = من عرف نفسه يترك مايقول الناس فيه

[عيون المكلا]

يعطيكم العافيه جميعا
وكل عام وانتم بخير
هذه مشاركة اخرى للتوضيح اكثر واكثر

الظلم مجلبة الغضب والعدل وافي = اخلص وقدم مايجب ون شي مكافي
اش يجعلك تمنعه عا خلك وتخفيه = كل من عرف نفسه يترك مايقول الناس فيه

[البكري]

الفين ياحيا بذالقول لي صادق وشافي = بالصدق باتوصل لكل مبعد تلافي
كل من طلب منك تعينه دوب تعطيه = كل من عرف نفسه يترك مايقول الناس فيه
مالسفينه ذي السنه تنشد وتسال عالمرافي = هيا عسى معها لواقعنا منافي
والظلم ماشي عذر ربك باينهّيه = كل من عرف نفسه يترك ما يقول الناس فيه
لا ياصحابي هوّكوا الحمل جاير عاكتافي = الله يعينه من دحق بالرجل حافي
اما الغدا قد حصله من بايعشيه = كل من عرف نفسه يترك ما يقول الناس فيه

[أحمد العمودي أبوفيصل]

سلام يوصل لكل قاصي وداني = رمضان قرب ياهل السلا والمعاني
ومن غلط نطلب من ربنا يهديه = كل من عرف نفسه يترك مايقول الناس فيه
اليوم يوم التسامح وبالشهر التهاني = لابد ماتسامح من غلط في اول وتالي
ومن غلط علينا ربنا وحده يجازيه = كل من عرف نفسه يترك مايقول الناس فيه

[ولد نصير]

تحذير اولي