هزايم منكره

[سبع الليل]

لعبوا بنا حكامنا لعبوا بنا لعبت كره=ماشي عداله داخل الميدان يالي تلعبون
حتى الحكم في صفهم يلعب عصوبه مزرزره=الضرب كله فوقنا واللاينات ياشرون
ظلموا فريق الشعب والامه بضربه مدمره=وأيش عادنا باقول في الحكام ذي هم يرتشون
أن قلت شي قالوا سكت خل اللعب والمسخره=شف عاد ذي سلطات عليا فوقنا يتحكمون
كل مابدينا بانجبر في عظام مكسره=او بانغير في الفرق واللجانها تو يزعلون
بلدان عربيه كثيره ذا الزمن مستعمره=فيهم هزايم واجده واهداف جم مايستحون
داخل ملاعبهم تلاحقهم هزايم منكره=خطه قفاء خطه وحراس الشبك يتقاتلون
والكابتن كذاب ما يعرف أوصول المديره=وظهيرهم الايمن والايسر بل كره يتويغدون
حتى المدرب أجنبي ديح بهم في المنتره=كافر يهودي بغضه ألا للعرب والمسلمون
لما متى بايستمر لعب الكره والكركره=الدوغ كله والتعب فينا وهم مايتعبون
تجروا من السرقه ومن كثر الخور والسمسره=وجمهمرهم بين الصحاري في الخيم يتعذبون
الجوع فيهم والعطش والبهذله والحرحره=دركاه يادركاه وين الناس ذي هم يرحمون
ولي حبوا الدنيا وتبعوا غيها والفشخره=بايجي لهم يوم اسود عيف لي يتفرعنون
أنا المشيع لي حقوق ملزمه ومقرره=بارشح الكبتن وحكام الفرق لي يصلحون
وأن كانه الا حكم بالقوه بغوا والعنتره=مابانقاوم شي دول ونحن بشر مستضعفون
لا حول ولاقوه لنا ايضاً ولاشي مقدره=الجيش والشرطه تساندهم على مايشتهون
مامنهم شي فايده عقولهم متحجره=من حيت ماسرحوا ضوو بعيون حولاء ينظرون
شله تشل البيت الابيض والوجيه المسحره=عسا لبوهم زلزله فوق ارضهم يزلزلون
ضحكوا علينا ضيعوا عاداتنا والهوبره=ونحن نقلدهم ونلبس مثل ماهم يلبسون
قالوا تطور ياعرب بلداننا مطوره=وانتم كما مانتم ملقين العمايم والدقون
حلقوا لحاكم والشنب خلو النساء متحرره=لا نعنبوكم ياقلال الخير لي ما تستحون
أيش حاسبين نحن كماكم مجرمين او فجره=نحن نخاف الله وفي كل الامور محافظون
وديننا الاسلام لي خلاء القلوب متُنوره=ورسولنا طه ختام الانبياء والمرسلون

[عبدالله الجعيدي]

راااااااااائعة وفي الصميم وتحكي واقع اليم نسال الله ان يبدله بخيرا منه سلمت اخي الكريم

[بوطارق]

رايعه وصح لسانك

[الشبامي]

رائع بل اكثر من رائع
ياعملاق الشعر الشعبي في سقيفة الشبامي!!

[شيخ القبايل.]

صح لسانك يالسبع على قصيدتك ( المزرزرة )
لكن الفتق اكبر من الرقعة ذي ليام .. والله يستر

ورفع الجمع المذكر في نهاية القافية بالواو والنون .. مضبوط .. واعطى ( شعبيتك نكهة الفصحى )

ودامك ( مضطر ) تجيب الواو والنون في نهاية القافية ، بغيناك تدور حل ( للمسلمين )

وشكرا على القصيدة المبدأ

[ابورائد النعماني]

صح لسانك ياسبع الليل

[سبع الليل]

الحل ياسيد محمد معروف ولايحتاج شرح الحل بايدي المسلمين نفسه
وهو يتقون الله في مابينهم البين وفي شعوبهم ويرجعون الى كتاب الله
وسنة رسوله هذا هو الحل والكل يعرفه ولكن للاسف نسيو هذا كله
من اجل المصالح الشخصيه والكراسي الدواره ذي ماتسمن ولا تغني
من جوع . والذي نقدر نقوله هو حسبنا الله ونعم الوكيل.

[بلّسود]

راااااااااااااااااااااائع جدا جدا ياعملاق الشعر الشعبي في السقيفه ...........
دمت لنا مبدعا ودام قلمك النابض بهذا البوح ..............
تحيتي الشباميه ..........
00000000000000000
بلسود
00000000000000000