((( الدان )))

[مجمل]

ذكرت ايام ذي مرت علي فالساط من عمري = ذكرت ايام ذي ظلي قفا الوبران فالخليان
وضبعة بر فالمجمر مع سمن الغنم بري = هذا للعشاء والظهر نوكل لحم فالطليان
ولافكر بدنيا عابره والله من صغري = ولاغبطه معي في مال قد لفه ولد بقشان

[alraai]

اقتباس : المشاركة الأصلية كتبت بواسطة مجمل

زمن واسنين يالراعي ومل الصبر من صبري = صبرنا عالزمن هذا فقدنا الساط والوديان نشبنا فالبلد هذه نشبنا كان ماتدري = وانا شوفك قبالي باتسوي دحقة العميان على كيفك متى ما باتجي او ماتبى تسري = ولا ضنيت بعد اليوم باتسمر مع الخفان

وراك اليوم تتنشد على بردي وعاحري=مخازيني ومستكثر علي الشرب عالمعيان
قصر لاتلومني في ذاك هو سمعي وهو بصري=ويكفي ماعبر بيت نفكر عالوقاء قهدان
ولا طالت علي مثلك صحيت الصبح من بدري=وبلقي الزاد والمزناد والبراد والفيجان

[مجمل]

نعم قال ايه وبلقي الزاد والمزناد والبراد والفيجان

نصيحه من مجمل خذ عشاء واحد نفر سفري = وترك فالرشب دخانها بايتعب الشيبان
وكل مقتول ماضنيت يسمع كل مايجري = لنا جلسه وباذكرك لا يامقصع العمدان
انا راثي لحالك باتشوفك عالعرب تهري = وباتشوفك في الشارع مثيل أسعيد بن قيران

[alraai]

في الشارع مثيل أسعيد بن قيران :

حساباتي في الدنيا بكل مايريح لي قبري = عساء تتقبل أعمالي نهار العرض عالرحمان
وكل مايدورفي فكرك حشاء مادار في فكري= ولا حسب حساباتك ولا خذها في الحسبان
على كيفي على مزاجي وراء شي دين في ظهري= ونا في الصح دايم وغيري دوبه الغلطان

[أبونمر]

مئة مرحيب بالراعي علن رحبت مش سري=وباكرر هلا بك ياهلا يافارالفرسان
كلامك ماخري من بربره ماهو كما الكري= وله نكهه تبن عينة عسل جردان
ومن جاب العسل والسمن له باقدم الحري =تيوس الحفر وجفار النعيريه بلا عظمان
وكبش الغيل ذي هو في الوصر يجري =وقوته قضب طازه له يجي ساني من البستان
محيرني زماني يامجمل في رجل غجري =تجمل دلني عارأي لي ساعه ونص حيران
ولاهو من بلد عربي ولكن قال نا مصري =وعاده قال هو والريس مبارك كما جيران
وكذبته وطلع لي بطاقه شفت بالهجري = وبالميلاد تاريخ الولاده من بلد اسوان
ولاشي ختم رسمي فوقها ومفعولها يسري =وله فيها مصالح تنقضي من صاحب الدكان

[alraai]

رحب يابو نمر مرحا عدد مانسنس البحري=وعد مالبارق الساري وعد ماحنت الرعدان
ولي في المنتدى صاحب ولي عمي ولي صهري=وكم عايشت من بدوي وكم عايشت من حضران
وحد شرحه على الريدي وحد شرحه على الكسري=وحد يرقص بيداته وحد يفقع على الطيران
وكل من باح لي سره أنا بابوح له سري= ونتقابل ونتعارف ونرعد سيب في القنفان
ودوم المنفعه وحده وضره دوب من ضري=جسد واحد شكى عظمه تداعت كلها العظمان

[أبونمر]

رحب ببيوت من شاعر جميله فتحت بصري =وخلتني بصر حوره ورملة آل بن جذنان
وخلتني لباب العشق نتنسم وفك صدري =وخذ وعطي مع من قال لي يابونمر غلطان
وليله عابره في العمر يالراعي كسب اجري=سمر من حسن ظن لاقد لاسمعت الدان
وبايجينا مجمل لاسمع بك انت والبكري = وبيجوا ناس جم عدهم من الزوار والحلان
بلا ميعاد صدفه لاقعت ما اجمل الصدفه =اذا قابلت خلك دون مايقع بينكم ميعاد
وتتجسد اواصر للمحبه دون أي كلفه =ولاشي في المحبه بيقصر لوكان ماشي زاد

[مجمل]

نبا سفره مع الراعي معه ذي تصلح السعفه= ولاجاء بونمر باتصلح السفره مع الاجواد
وترك سلبة الشرفاء اذا حصلت بوعطفه =قروح العيلماني يفصل الرده على المعتاد

[alraai]

بقولك دوب متحفنا وتحفه بعدها تحفه=معك هاجس في السمعه وفي الطاعه ولك ينقاد
ومثلك حل في على وغيرك حل في غرفه=وللداخل وللخارج دوامك قيم بالمرصاد
سعيد الحظ بو ثابت عرف مثلك وبالصدفه=وفرحه يوم نتلاقا وفي ماقول والله جاد
مجمل خوي وأدركني من الفيجان با نشفه=ضرب رأسي لبو تسعين منه لقم البراد
وكل من لا بغا السعفه معك أتكون له شلفه=معك ليام بتعدي كما ليام في الاعياد
جمل باداس مامثله ومن رأسه الى خفه=ميه قروى دفونه مامثيله ع خطامه باد

[أبونمر]

على الشاشه ثلاث ايام لي ياناس شي صرفه =تعبنا لامتى تحديث في تحديث ماشي فاد
وكلما ينكتب موضوع نفس اليوم قع حذفه =من الأرسال والتبويب او فيروس جاني حاد
بغيت العلم من اهل التخصص لي يتم كشفه = لأصلاح الخلل ذي حل بين السين هو والصاد
من الخفان عدني منتظر ذي فيهم النكفه = وآمالي كبيره والثقه دايم في الأجواد