((( الدان )))

[مجمل]

ونا والله مثلك حس جسمي جاته الحفه =بغينا عشر والاخمسة تعشر يوم ياعواد
ونا وماشفت مثلك حد سلي في هذه الصفه = وباللقي دحيفه فالوصر لاعاد ربك راد
وباحطه على ايماني وكتفي قد لمس كتفه = وبانلقي كما ماقد لقا شيبانا الاجداد
ذكرت الهيج ذي هو في زمانه يزقح الدفه = ولكنه في الرايه انا قد شفت راسه ناد
وخايف لابرك مايصلح الا وزن فالكفه = في الخبره لبايعقوب والعاكي مع الحداد

[أبونمر]

بكم بايزيد يالراعي ثلث في العزم او نصفه =اذا جاء عزمنا واحد وربك بالعزيمه راد
بغينا بانعرف سيئون والحوطه مع الغرفه =مطارح ماعرفها كن راسي لاقداها ناد

[alraai]

كن راسي لا قداها ناد,,,

مطارح نخلها أعجم وهو ذي يصلح الخرفه=وخرفه ذالسنه فيها تبلا صاحب المرقاد
وكل من زارها مره تندم قال ياحسفه=على ليام ذي عبرت نكرد ع الغثاء كراد

[البكري]

اقتباس : المشاركة الأصلية كتبت بواسطة أبونمر

بكم بايزيد يالراعي ثلث في العزم او نصفه =اذا جاء عزمنا واحد وربك بالعزيمه راد بغينا بانعرف سيئون والحوطه مع الغرفه =مطارح ماعرفها كن راسي لاقداها ناد

نعم يابونمر الوادي له قانونه وله عرفه = تختلف اوضاعه ماهوكما المكلا ولا سعاد
حسب حسابك قهوة الهيل ماهي كما القرفه = وسيؤن من زارها مره غصبا اليها عاد

[أبونمر]

اقتباس : المشاركة الأصلية كتبت بواسطة البكري

نعم يابونمر الوادي له قانونه وله عرفه = تختلف اوضاعه ماهوكما المكلا ولا سعاد حسب حسابك قهوة الهيل ماهي كما القرفه = وسيؤن من زارها مره غصبا اليها عاد

الى سيئون حن قلبي بلاد الطيب والألفه=وفيها من اعتز فيهم ولي اسناد
ولابى وارد الدفه ولاحنتوش في خلفه=قديمه بالبس كله خزاء وعناد

[البكري]

اقتباس : المشاركة الأصلية كتبت بواسطة أبونمر

الى سيئون حن قلبي بلاد الطيب والألفه=وفيها من اعتز فيهم ولي اسناد ولابى وارد الدفه ولاحنتوش في خلفه=قديمه بالبس كله خزاء وعناد

من بغى عيشة لوطان باوقف في صفّه = لان الوطن هولنا الزاد والمزناد
نا في الوطن عيشتي ولو رجحت الكفّه = باتزين ايامي كلها اذا المولى راد

[أبونمر]

على المسكين بوحضرم تروها ياعرف هتفه =حياته كلها تمضي وهو بين المناطق شاد
وفاسح في الوطن ومصدق الكلمان والهرفه =وكل تحريف ودعايه يصدرها له الموساد
بلاد الخير ارضه والكرم والجود والعفه =وستر الحال فيها للمسن والشاب والأولاد
وفي الهجران ميزانه دواما رافع الكفه = وعا حلته هذه بايتمي هكذا لاساعة الأشهاد

[البكري]

اقتباس : المشاركة الأصلية كتبت بواسطة أبونمر

على المسكين بوحضرم تروها ياعرف هتفه =حياته كلها تمضي وهو بين المناطق شاد وفاسح في الوطن ومصدق الكلمان والهرفه =وكل تحريف ودعايه يصدرها له الموساد بلاد الخير ارضه والكرم والجود والعفه =وستر الحال فيها للمسن والشاب والأولاد وفي الهجران ميزانه دواما رافع الكفه = وعا حلته هذه بايتمي هكذا لاساعة الأشهاد

يابونمر عد الى الوطن ولق لك فيه حرفه = والرزق مقسوم من المولى ان هوقل اوزاد
والناس لاجل العيش كلين لقاله صرفه = هكذا عيشة الادامي دائم منكد بين السين والصاد

[أبونمر]

اقتباس : المشاركة الأصلية كتبت بواسطة البكري

يابونمر عد الى الوطن ولق لك فيه حرفه = والرزق مقسوم من المولى ان هوقل اوزاد والناس لاجل العيش كلين لقاله صرفه = هكذا عيشة الادامي دائم منكد بين السين والصاد

اذا حاييت باليمنى رفيقي مد لي الشدفه = وله مروتي مافادت ونصحي للأسف مافاد
ولامتى بانضل ناوياه والحذفه بها حذفه = وبعد الحذف خافه بايقع شي بالحديد الحاد
بلادي شوفها عندي قريبه لكن الحسفه = تعز غيري ونا من زادها محروم والمزناد
تمر ايام من عمري ذكرها وارفع الكلفه = وننسى مامضى كله ونرجع لاقد الله راد

[يسلم صالح بن عكعوك]

نعم يابو نمر من قولكم قد جاتني رجفـــــه.......وقلب الويل خنجر باعطيـــه قــــدده قـــــدّاد

مروري كان بالسده وحدوني على السلفه.......خباث الراي شلولي ورادي هن ويا الوراد

وقد خلولي العجمه وهم لفو على شعفـــه.......بليا مهر شلوها ولا شاهــد ولا عـــقـــــــاد

وكانت عالدسم تصبح ولا بعد جاتها الحفــه.......عوض لعنه يراقبها لها قد قام بالمرصاد

ونا من فقدها يا صاحبي صمدتني الخفـــه.......مشي كني مبدل مثل شّرق ولد بــــاعبـــــاد