من عمر الذيب الى علي فدعق الهاشمي لقافه

[عمر الذيب]

هاجسي بالله قال الذيب تفصلي =مادام فدعق شدى بالصوت ولحونه
بدخل وبوزن وهو ياريت يوزنلي=باقي الدرر لي معه في االراس مخزونه
شفت الدرر شفتها يا الفدعقي قلي=مالك ومال الحسد واللي يقولونه
كلن بخله وانا يا الفدعقي خلي=بيني وبينه مسافه تحول من دونه
وان قلت يارجل لا عند المحب شلي=القيد با اليد والرجلين مرصونه
تعبان قدني دحق واهرج مع ظلي =وان جيت للاه كم اهات مدفونه
والدم محروق في جسمي سنه يغلي =حر والشرايين ما قدرو يضخونه
والعين تبكي بدم كل يوم نص كتلي =من شافني مدلي منديله امعونه
ونبض قلبي يقل وهبوط سببلي =والطب واهله معد قدرو يداوونه
ان شي دواء عندكم با الله ترسلي=والا الوصيه عمر لا مات تنسونه

عمر الذيب

[مبروك بن ماضي]

الاخ الكريم / عمر الذيب :
صح لسانك وجاد بيانك يابو طارق
شاعر نظم ودان وزامل
يعني شاعر شامل وصاحب لغه ثريه
سعدنا بماتجود به علينا في منتديات الشبامي
ونحن طبعاً بإنتظار ماتجود به قريحة بن هاشم
الشاعر العذب / على فدعق كرد على هذة الدره
تحياتي لك كماهي له وللجميع
أخوكم / بن ماضي

[ابو يوسف بن شحبل]

كلام يالذيب

تسلم على هذه القصيدة الممتازة المعبرة

عسى إن تبلغ مسامع الهاشمي وسوف يرد إنشاء برد

محسن البدع لولا الجواب


تحية لك يالذيــــــــــــــــــــــــــــــــــــــــ ب

أبويوسف بن شحبل

[اميرالعاشقين]

حي اللة شعراينا وحي اللة روح المودة ،وروح الابداع، وروح القصيد المحنكة كلماتة بما الورد ،،والتي تفوح منة رايحة المسك ...قصيدة رايعة جداً من شخص رايع في امورالشعر ،ومبدع، ومتالق في السقفية...ورد رايع على قصيدة ابوهاشم التي مهما نوصفها لاتقارن بمثيل ،،،فهذا هو الرد وهذا هو الجواب السليم للشخص السليم...
ومع انتضار الرد القوي من ابوهاشم{اميرالشعر}....
فايق حبي وتقديري:-
اميـــ العاشقين ــــــر

[النحوي]

اخي أبو طارق صح الله لسانـــــك
ويعطيك ربي الف الف عافيه على ابيات جميله ومعبره
وان شاء الله نشوف من الحبيب الهاشمي فدعق مايسر الخواطر

[عمر الذيب]

الا خ مبروك اولا لك الشكر على المتابعه الدائمه
وثانيا الدان والزامل لي فيهن معرفه وخبره وثقه
اما هذا البحر فانت الاروع وصاحب الخبره فيه
لذلك من حقي ان افتخر فخر المتواضع اذا كان قد اعجبك
ماكتبت فعلا وانها الا مجامله لك الشكر في الحا لتين
تقبل تحياتي الذيب

[علي فدعق الهاشمي]

بوطارق

يسعـد الله مساكـ

وصح الله قلبك على الأبيات الرائعة يالرائع وكلك ذووق ومايجي منك اية اِقصور وعساك ع القووة وربنا يكثر من أمثالك يالنشمي وياعسى الخير فالكــــــــ .
مع خالص الشكر والتقدير للشاعرين القديرين بن ماضي وبن شحبل والشاعر الصاعد أمير العاشقين والنحوي على ردودهم وتفاعلهم مع مضمون قصيدتكــ
واِليك ردي البسيط المستعجل أمام أبياتك الشامخة

يـقـول بـوهـاشـم اهـلاً بـيـك يـالأصـلـي= يـا من لـك الـحـرف أبـدع كامـل إفـتـونـه
يا مرحـبـاً الـف والـمرسـول واصـل لـي =وفـهـمت ما فـيـه وتـحـريـت مـضـمـونـه
مشكاة شـاعـر رمت به موجة الـقـبـلـي =فـي غــربــة الـدار والأوطـان والـمـونـه
في الغربة أهوال جم ماتـرحـم الـمـبـلـي = بالـشـوق لأحـباب طـول الوقت يرجونـه
وفي الغربه الشوق يـنشر طيفه الكحلي =يـشـعـلـل الـنـار ويـمـد عُـمـر طـاحـونـه
من بـعـد يـاطـيـر يالـلـي فـوق مـتـعـلـي= بـلـغ تـحـيــه بـعـطــر الـعـود مـدهــونـه
للصاحب اللي قـصدني الـيـوم مـتـجـلـي =يـشـكي هـمـوم الـهوا والحب وشجونـه
وقـلـه الـلـي يــحـد عـالــمــــر ويــذلـي= الـلـي امـر منه من حاجات مـسـهــونـه
الصبر ياصاح شف ذا الوقت مـخـتـلـي = ولـعـاد تـقــدر تـحـدد شـكـلـه او لــونـه
ولا ضاق صدرك توجه للـعـلـى صـلـي =واذكـر مـحـمـد وآلــه والـعـهـد صـونـه
حاجتك يالذيب يرجع صـعبها سـهـلـي= والـقـلب يـرتـاح من لـوعـته وشطونـه

[عمر الذيب]

حيا بليهو بنا عالساس بالملي =ساس الهواء والمحبه حكم اركونه
جاب العسل والظبي في الصحن والمغلي= وفى وكفى علي ماجابلي تونه
حقه وله في الهواء لساءلت ترجملي = لنه عميد الهواء واستاذ قانونه
واللول عنده ومنه صنف وردلي = معروف وارده غيره ما يجيبونه
معروف وارده لي بالرغم من جهلي =زكيه واهل السقيفه با يزكونه
تكنت له قبل ما يكتب يتكنلي = وشهادنه خير من دسمال من بونه
لا قلت خذلك ولا هو قال لي هتلي = سددت ديني وهو قد سدد اديونه
فرصه من اول تمناها وهي جتلي =طاب اللقاء بالذي ما يرخص ادخونه
زانة ظروفي وجت فرصه وسمحتلي= بيع السجاره ومز تنباك غليونه
ذا فصل والفصل لاخر يشهدو اهلي = ويشهد الناس عا مكتوب يقرونه
لوني مملين كما بغلف وشربتلي = بحكم علي الشعر له كاسه ومليونه
واهم شي قبل نكتبله ويكتبلي = يهل السقيفه علي واجب تعزونه
حق المخوه علينا كلنا يملي =عبر السقيفه وجواله وتلفونه
في من فقد ذا عزاء للهاشمي فعلي = لهله وناسه وكل من صبة اعيونه
يالله تغفر لها بدعي وبا صلي =تنزل منازل في الفردوس مضمونه

[طلال بن قفله]

تسلموا شاعرينا الكبيرين

عمر الذيب وعلي فدعق

بدع وجواب في قمه الجماليه والروعه ومش غريبه منكم

يعطيكم الف عافيه

وتقبلوا تحياتي

[أميرة الوادي]

رهيبة تلك الأبيات التي شخـّصت فيها آلامك أخي الشاعر عمر الذيب..

وهي على الجو الذي أشاعته من الرهبة ، لم تستطع محو البسمة التي رسمتها افتتاحية القصيدة..

وبهذه القصيدة أشعر أنني محظوظة لوجودي في السقيفة ،،

فكل يوم تفاجئونني بإبداع أجمل من سابقه ..

وفقك الله أيها الشاعر الموهوب.