كل شي معقول

[سبع الليل]

يالله تغفر لي ذنبي والزلل=يابالكرم والجود تسقينا زلال
دعوه الى المولاء وعقب الخير هل=في ليلة الخامس عشر شاع الهلال
صلو عدد مادار في الغـبه دقل=وعدد مادارت كبيرات الدقال
أخبار وصلتنا تهيض بالمقل=دمعت عيوني بعد ماشفت المقـال
زادت على ظهري ثقل فوق الثقل=مكتوب ومقدر علي حمل الثقال
من عند شاعر قام عالساس أعتدل=وأن مشي يمشي براضه واعتدال
ماخص حد بالقول لكنه شمل=حال الجنوبي واشتكي ظلم الشمال
خير الكلام الزين ماقل ودل=قدها مقاله قالوا الناس الدوال
لاتشتكي من سيل جارف ماأستقل=في وادي الرحمه يحذف بالسقال
حتى فرج ياالمهتجس فارق وكل=لعاد تندم عالذي صابـه كــلال
قد مان شامخ في العلاء مثل الجبل=وأعلامه الحمراْ ترفرف عالجبال
لكن حياه الوقت خلاه أستجل=وبقي ثلاث سنين مصغي في أستجال
صبح كما المطرود ماله شي قبل=كل مابناء غرفه تساقطن القبال
ديرت فرج مامنها غير النكل=الفقر موسمنا وواردنــا النـــــــــــكال
وأن جيت لأصحاب الجنابي والرذال=ذا طبعهم من يوم ما قـاموا رذال
لكنهم عمروا وقامــــوها فـــلــــل=وفي ساعة الهده تراء شفهم فوال
أما فعايلهم تصيبك بالحــــول=لو هي بخيره مالهم عندي حــلال
غصباء علي بصبر باخلي العجل=بحسب حساب ألاهل وحساب العيال
الصدق لاقلته دخلت المعتقل=ذي قالوا الحق كلهم في ألاعتقال
ماغير بنغمّض على أربع خصل=والخامسه ماهي كما ذيك الخصال
الكذب أولهن وثانيهـــن ذلــل=شجعان باتسرح وباتضوي ذلال
والثالثه سرقه ورابعهن فشل=العالم أطور ونحن في الفـــشـــال
والخامسه يلطف بنا في مانزل=رب السماء وألارض في دنيا الزوال