قصيده مرسله للاخ ابوراضي

[fahtoot2000]

ابو راضي معي لك من زمان المصحبه حاجه=وابا حاجات جم منك لها ياصاحبي محتاج
نصيحه لاتزنق صاحبك او تنوي لاحراجه=اذا عندك مشوره اورفع ماداعي للاحراج
بغيت الشورمنك فك لي شرعك ومنهاجه=لان العلم متقدم معك والشرع والمنهاج
ابا دكتور متفطن يشوف الجرح وعلاجه=بغيت علاج متقدم يجي من فوق كل علاج
وساهن للمعونه من قدا مصنعك وانتاجه=ولاجبت البضاعه وضح التاريخ والانتاج
لان الشيخ تايه بين كرسيه وادراجه=معه اوراق في الدفتر وبعض اوراق في الادراج
بطى مافصل الحسبه وانا ساهن لتواجه=يحط من فوق راسك او على راسي يحط التاج
ونجار الخشب مافاد منشاره ومنفاجه=وعود الحمر كذب ان قلت يتقابل با منفاج
وانا شفني بنيت الحصن من ساسه لابراجه=تهدم قبل مانسكنه ونطل من على الابراج
بحجه واضحه تصبح مثيل الشمس وهاجه=ولاباينطفي نور الاله الساطع الوهاج
ولا ضنه تطور من معه في البيت ثلاجه=دمانا بارده ومثلجه لما متى ثلاج

[مرعي بن سرور]

الله قصيده رائعه وبدع رائع وناقصها الجواب يابوراضي

[طالب النعماني]

نعم كلام رائع وان شالله سوف ارد عليها
عندما تسمح الضروف