يبغا يجادل ولايعرف طريق الجدل

[يسلم صالح بن عكعوك]

السلام عليكم ورحمة الله وبركاته

إليكم جديدي

البارحه النوم من عيني توّكل وكل == والهاجس اقبل بمزماره وجاب الطبول
في تالي الوقت بن عكعوك يسلم كِسل == قد كان سابق يجوب البر عرضن وطول
وش لي جراله وهو قد كان مايعتقل == واليوم عوّد يتبّعلك ركاك العقول
خلّوه يخرج من الحصن المنيع المطل == على اشعاب الوريبه من كراثه لحول
حامي على المنطقه والنخل لي فالحجل == بمّات مقصين تذهل كل باغي ذهول
واولاد عمّه وجيرانه وكمّن زِحل == اهل النواميس ذري اجواد ماهم فسول
لاعملو المال بو صالح كماهم عمل == مال الحراثه وهو خوله يبلّغ سبول
يلقي ذره وافيه تذرا الى الذري قل= وألقا حميمه كبيره لاغذتْه السيول
وبعد ذلحين هاتولي قلم باركل= بكتب رساله لمنهم يعرفون الحمول
لي يعرفون الحقيبه والقتب والجمل = ويعرفو يطرحون العلو بين العدول
ذولاك راحو وخلفْت من وراهم سقل = لاقول عقّال فالواقع ولاهم خبول
فيهم مناضر جميله غير ماشي عمل = كلّه سوا عندهم مطلاعها والنزول
يبغا يجادل ولايعرف طريق الجدل = مسوا يصلّح على غترته عيف الدلول
ياقهر يسلم من الدنيا ومن ما حصل = فيها من آلام ماجلبت ليسلم قبول
ان جيت بسكت ذبحني من سكوتي ملل = وان باتكلّم يقولو وش تبا بالفضول
والله لشّور شوري ان أقف واستقل = وان عدّل اوضاع لي مايعرفون الوصول
ماحد موجّه لهم كلن يروّح قَبَل = الأب بخيّه وعم الويل عاجز كَسول
يجري ورا دخله اليومي ولا له دَخل = والبيت فيه الخدم في كل موقع تجول
تسرح وتمرح وتوكل تمرها والعسل = عنده سوا الحبه البيضا وحب الحَفول
لي فقدو المرجله مايطلعون الجبل = يشكو من آلام مابين الركب والفصول
مايحسبون العواقب يدركون الخلل = هجرو حصون الشرف رضيو بنوم السفول
والعفو والمعذره لو كان فيها زلل = لي راي فالقول والا كل شاعر يقول

دمتم بووود
19/1/2008

[مجمل]

اتشرف ان اكون اول من يعقب على هذه الدره
سلمت يابوصالح
يبغا يجـادل ولايعـرف طريـق الجـدل
مسوا يصلّح على غترته عيـف الدلـول
ياقهر يسلم من الدنيا ومـن مـا حصـل
فيها مـن آلام ماجلبـت ليسلـم قبـول
كلام جزل
الله لايحرمنا من ابداعاتك
دمت في عز
تقبل تحيات ابنك

[حنش]

الشاعر يسلم صالح بن عكعوك

مشاركه رائعه جدا"

قصيده جزله من شاعر جزل..

بيض الله وجهك

[عبدالله الجعيدي]

رعاك الله يابن عكعوك على هذا التميز وهذا الابداع وهذه الحكم الرائعة . تحياتي

[طالب النعماني]

ياسلاااااااااااااااااااااااااااام عليك يابوصالح
قصيده اكثر من رائعه
احسنت واحسن الله اليك

[يسلم صالح بن عكعوك]

مجمل
تسلم على المرور الجميل
و عسا الله مايحرمني من تواجدك
ومن ردودك الحلوه
يعطيك العافيه

حنش
تسلملي على المرور
والله لايحرمني من تواجدك المبهر والرائع
يعطييك العافيه

عبد الله الجعيدي
تسلم على المرور والله لايحرمني من تواصلك وردودك الرائعه
يعطيك ألف عافيه

طالب باتيس
نورت الصفحه بتعقيبك
والله لايحرمني منك ومن تواجدك
يعطيك العافيه


تسلمون على المرور الجميل
عسى الله مايحرمني من تواجدكم الرائع
يعطيكم الله الف عافيه



دمتم بوود

[عبدالقادر صالح فدعق]

شاعرنا يسلم بن عكوك ...

يسلم يمينك ويسلم رونق حروفك ....

تقبل كل إعجابي وتقديري .

..

[أبومجبور]

ان جيت بسكت ذبحني من سكوتي ملـل
وان باتكلّم يقولـوا وش تبـا بالفضـول


ياسلام ياشاعرنا صح الله لسانك

لاعدمناك

تحياتي الطيبة