انا بطبعي مااطرد اللي مقفين *** وطرد المقفي من كبار المآسي

[سيح المرار]

تكفيـن يابنـت الأجاويـد تكفيـن=تكفين قلبي ضاع وانشـق راسـى
تكفين كلمة قبل لأنتـى تروحيـن=كلمة وفاء بعطيك صادق أحساسي
طلبت منـك المعرفـه لا تغلييـن=والعرف بين الناس شـئ أساسـى
اعتـز أنـا بالمعرفـه للعزيزيـن=ومن عرفته صار أهلـى وناسـى
عرف الشرف يرجح بكل الموازين=وعرف الردى شف عاقبته انتكاسي
ماني بطالب منك رقـم وعناويـن=قصدى شرف يوم الشرف هو اساسـي
عارف حـدودى بـالأدب لأتظنيـن=ودرب الملامه منه خذت أحتراسي
لكن ضنى خاب شفتتـك تصديـن=حتى بكلمة واضحه صرت قاسـي
واليوم جاز القلب ياكامـل الزيـن=وصد ك جرح قلبي وسوى ألتماسي
ربي خلق غيرك مئـات وملاييـن=جمال روح وقلـب مالـه قياسـي
من صد وابعد يـوم حنـا مناديـن=خله بكيفـه بيـن كـل المرآسـي
وأنا بطبعى مطـرد اللـي مقفيـن=وطرد المقفى من كبـار المآسـي
روحي بكيفك حيث منتـى تريديـن=وعسى تعيش بخير وآحلى الاماسي
من اولا مشتاق لك شوقي ايبيـن=وغلاك عندى فآق لؤلو وماسـي
وابشرك ماعاد على القلب تطريـن=حتى لو اسلوبـك قلب دبلماسي
يكفي بقلبـي جـرح لا لا تزيديـن=لاتذكرينه عقـب ماكـان ناسـى

سيح المرار (( ابو سجوى ))

[طالب النعماني]

صح لسانك يابن كند

[مبروك بن ماضي]

الاخ العزيز الشاعر / سيح المرار
صح لسانك وجاد بيانك
قصيده جزله من رأس جزل
تشرفت بقراءتها واستفدت من حضوري
دام مدادك العذب وأحرفك المشرقه
تفضل بقبول تحياتي
أخوك / مبروك

[ثابت بن ماضي]

قصيده تستحق ان تقراء وتقراء وتحفظ

ابدعت اخي سيح المراربرغم صعوبة القافيه. ولكن هذا يدل على قدرتك

لاتحرمنا من هذه الدرر

اخوك/ الباشق

[بوطارق]

صح لسانك يابن كند