مجلس الدان الحضرمي

[عمر الذيب]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

يون الخافق الليله وكبدي الأن تتموس=ومن جور الألم فزعان لاتتموس أتمواس ولاهذا من البطره من الرمان والنرجس=ومن ذي قامته لقد أتسقل شوفه كما المرجاس

غزال الخنشليله ذي السنه يا سعيد يتحسس=ولا با عاتبه لانه رهيف القد والاحساس
ولا با لوم قلبك لا خضع للعشق وتهمرس=وسط بحر الهوى ياما قلوب امهرسه همراس
وخذ واعطه في العشقه ولكن شرط لا تيئس=وخلك قاب قوسين الموده للخضر والياس

[هاوي شعر]

بغينا فصل جديد على بورايد ولا الذيب

[عمر الذيب]

اقتباس : المشاركة الأصلية كتبت بواسطة سبع الليل [ مشاهدة المشاركة ]

عليك الله عمر يالذيب سمع ماقال ود بحلس=يقول ان الصريمه من فعال الصنقري محتاس وحلنا بينهم لثنين حد غناء وحد قنبس=ونحن مابنا رغبه لشي غناء ولا قنباس

تركهم دامهم في ساعيه في البحر تتنكس=قرب رفع العلم عندي وعنده با يقع نكاس
ولا شفت الذي بهذل بخلق الله يتنهس=ضحك واتركه في ضبره وصر يتنهس اتنهاس

[عمر الذيب]

فتحنا الباب بسم الله كل واحد يشل قسمه=وحد يعمد مع ذولا وحد يعمد مع ذولاك
ولكن ما نبا حد يمدحه لي هو بلا ذمه=ومن هو ما درى هو من يكبر مضغة التنباك

[هاوي شعر]

هلابه ذي كتب كل حرف له شده وله ضمه=ونا باشل صوتي بانغب باقولك يهناك
وذيهو ماعجبه الصوت قله غصب بالحتمه=وبي جي يوم لك باتفحس ايسارك مع يمناك

[عمر الذيب]

اقتباس : المشاركة الأصلية كتبت بواسطة هاوي شعر [ مشاهدة المشاركة ]

هلابه ذي كتب كل حرف له شده وله ضمه=ونا باشل صوتي بانغب باقولك يهناك وذيهو ماعجبه الصوت قله غصب بالحتمه=وبي جي يوم لك باتفحس ايسارك مع يمناك

كلام الصدق له عندي محل قمه على قمه=ومهما كان مضمونه يسر القلب لاقد جاك
وهرجك قل لهاوي الشعر في وزنه وفي نظمه=كما سكر عماني والغلاء ماغلاك

[هاوي شعر]

كلامك منفرد يالذيب متناسق وله نغمه=ولاجاء الشيخ بورايد معك بي جيب سكن اضراك
ولاكن هتلنا في الشخص ذيهو ناكر النعمه=ولاجا ضيف لاعنده يصك الباب بالمصماك

[ابوشحوف]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

فتحنا الباب بسم الله كل واحد يشل قسمه=وحد يعمد مع ذولا وحد يعمد مع ذولاك ولكن ما نبا حد يمدحه لي هو بلا ذمه=ومن هو ما درى هو من يكبر مضغة التنباك

كلامك زين يابن الذيب كنه ورد باشمه = ولما جيتنا ذا اليوم داخل مجلسك جيناك
ولالي ياعمر فيهم صحاب الكيد والنمه =دخل بي وادي العشقه وجدك ذيب قد سماك

[ابوشحوف]

خروج ونلقي على السمر لاتنسون

[ديناميت الجنوب]

انا مالي ولهل الحسد ذي ماشي لهم كلمه=يخفّون الحقيه ون تبا بتصادقه عاداك
ولاكن بايجيله يوم باتبكي عليه امه=وبايوكل حتي من بعد سلاخ الشرك واوراك