&&في حب خرعوب لي مده نصاليها &&

[ابو يوسف بن شحبل]

ذا فصَل لول خرج والثاني إتحضر=في حُب خرعوب لي مُده نصاليها
في عشقتي لي سنه أو ناقصه أشهر=من يوم شفته وأنا يا عين صبيها
والدمع جرّح جفوني يا رحيم أستر=في العشق باموت والمزيون هانيها
قد بعدوني وقالوا عنها دبّر=يكفيك ما هو معك ليش الطمع فيها
من دونها أهلها من بعدها ثنعشر=حتى النسب والقرايب با تعاديها
خلوه ينطق لسانه حالية سكر=بالصدق دايم وعاداته يلقيّها
راضي بحكمه ولو قد جار أو جوّر=بارد سيله إذا عمّت سواقيها
مغروم في حبها با هيم وتكسّر=بطلع جباله وبنزل شعب واديها
عِشقي لها ما تشلة ورقة الدفتر=يبغاء مجلد ويالله إن يكفيها
ذا شي فاق الوصائف فوق ماتصوّر=غزلان بري ويرعى في صحاريها
إعيونها قاتله لو سلهمت تنظر=أدعج غنج طِب قلبي بايداويها
وخدود مياس بالريحان والعنبر=ناعِم حريري ولمسة موت أنافيها
والفم عسل شافي الأوجاع لا قطـّر=هذا عسل ريقها صافي مجانيها
الجسم راوي وماالأطراف عود أخضر=هذي وصوف الجميلة ذي نهاويها

[مبروك بن ماضي]

الاخ العزيز الشاعر / ابو يوسف بن شحبل
صح لسانك وجاد بيانك وعلا شأنك
رائعه من روائعك استمتعت بقراءتها
وتشرفت بحضوري هنا
سجل اعجابي وتقبل تحياتي
أخوك / بن ماضي

[ابو يوسف بن شحبل]

شرف وفخر لنا وتقدير منك يا أخ مبروك بن ماضي الله يعطيك العافيه وإنت بحر الشعر الذي نستقي منه

شكرا شكرا والف شكر على المرور الكريم

أبويوسف بن شحبل