مجلس الدان الحضرمي

[سعيد عبيد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بغيت الصدق قال الذيب والواقع=اقر بالسهو لي حاصل في السجده وبعد اليوم باتعوذ من الشيطان= اذا كان الغلط مرجوع باراجع=وبعطي كل محب ثوبه على قده بدل ما لقي لهم شعبان في رمضان= في المغزى بغينا الناس تتشارع=بغيناها شريطه وقعة القلده ومن قلد على نفسه مسى وحلان=

على واقعك نا ذلحين بادافع=محامي باعمد لك بالبس برده
وباقدم دفوعي للقضاءالآن=
ومادام القضا فاصل بنتشارع=وحكم الشرع شوفه بايقع ضده
استامن ياعمر منه عليك المان=

[رشاش]

اقتباس : المشاركة الأصلية كتبت بواسطة سعيد عبيد [ مشاهدة المشاركة ]

على واقعك نا ذلحين بادافع=محامي باعمد لك بالبس برده وباقدم دفوعي للقضاءالآن= ومادام القضا فاصل بنتشارع=وحكم الشرع شوفه بايقع ضده استامن ياعمر منه عليك المان=

ومن باينصف المسكين والجايع=وكل واحد يرد في وجهه السده
وحتى الوقت ذا جاير على الولهان=
بغينا فعل مستقبل(ي) ومضارع=وكل ماضي مضى ولعاد با رده
ومن لي بايعدل شوكة الميزان=

[سبع الليل]

جمعه مباركه

[بلعبيد]

معك باسير يافنان يارايع = وبقرع سلف مابوقف على الحده
بتسمع عزف من قنبوسي الرنان=
على لوحه رفعت اسمك في الشارع = وذي عا الحق لو باتنقطع يده
ولو حتى تقع له قمسة العميان=
يناضل دايما على الحق ويصارع = ويصبر خاف من صبره يجي سعده
ولاتعبر حياته خاطره مليان=

[أحمد العمودي أبوفيصل]

اقتباس : المشاركة الأصلية كتبت بواسطة بلعبيد [ مشاهدة المشاركة ]

معك باسير يافنان يارايع = وبقرع سلف مابوقف على الحده بتسمع عزف من قنبوسي الرنان= على لوحه رفعت اسمك في الشارع = وذي عا الحق لو باتنقطع يده ولو حتى تقع له قمسة العميان= يناضل دايما على الحق ويصارع = ويصبر خاف من صبره يجي سعده ولاتعبر حياته خاطره مليان=

نصيحه لادخلت اليوم بدافع = وبابك قال ابوفيصل حمد رده
وحط حارس يقول الشيخ عالبيبان =
ترىماشي معك ياصاحبي سابع = واحسورنا تبغالها شده
تريض لاتقع في فوهة البركان

[بلعبيد]

تقن في الصنع لابتصيغ ياالصانع = وانا باحط من فو ق احرفي شده
ولك بانقطع اليسرى على ليمان=
وعندي فاالعلاج الضار والنافع = وبو شبه معي ذي يحسن الرده
ويدي عالمقص واخرى على لمان=

[أحمد العمودي أبوفيصل]

اقتباس : المشاركة الأصلية كتبت بواسطة بلعبيد [ مشاهدة المشاركة ]

تقن في الصنع لابتصيغ ياالصانع = وانا باحط من فو ق احرفي شده ولك بانقطع اليسرى على ليمان= وعندي فاالعلاج الضار والنافع = وبو شبه معي ذي يحسن الرده ويدي عالمقص واخرى على لمان=

هلا بابيات من شاعر مسى ساجع = نظم في الحرف لاكسره ولامده
وهو شاعر قوي يحكم في القيفان =
ولكنك حذر لاتحسب الراجع = وخل زندك قوي في ساعة الهده
نبا فارس بفارس داخل الميدان =

[بلعبيد]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

هلا بابيات من شاعر مسى ساجع = نظم في الحرف لاكسره ولامده وهو شاعر قوي يحكم في القيفان = ولكنك حذر لاتحسب الراجع = وخل زندك قوي في ساعة الهده نبا فارس بفارس داخل الميدان =

مع الشاخ العمودي درعي الرادع = يغينا الجبر والافراح وموده
لبا الا خاطره دايم وهو فرحان=
وذي معروف باارض المعركه بارع = يضل معروف من ابه ومن جده
معد شي داعي اني لقنه لقان=

[رشاش]

وذه قنفان فوقي برقها لامع=يشل نور البصر أو يسلبه حده
ولا كفت صوات الرعد ذي حنان=
الا يالله نفع بالغيث يانافع=يعم الخير كل قريه وكل بلده
وتروي من مزونه لهفة العطشان=

[محمد سعيد بن مخاشن]

فصـــــــــــــــــــــــل جــديــد

ونا سوّيت له بستان منـّــي هكذا عن حُسن ظن=واليوم نبّاني وقد فات الثمر وإتخرّب البستان
تعنـّـوا في جوابي لا تخلـّـوني نتمّي في سهن=وإن ما حصل ... عاني يطير الجو سعف العول والغربان
ونا هاجس معي ما يشرب الصّعدِه يبا شاهي لبن=ترّك كرتشي وأسمره شاف الخضيره في جبل لبنان

( من التراث )


قلنـــــــــــــــــــــــــــــــــــــــــــــــ ـــــــــــــــــــا

ضنيني في الحدق ملقيه قد لي دهر ما نذوق الوسن = يا الذيب سمسر بي وخلاني بلا ديره ولا سكـّــان
لشانه سبت أنا سيوون وِمْكلاّي معْ بندر عدن=نجري قفا وعودِه ولا حد بيننا مسوى عظيم الشان

إدخلوا يا شعّـــــــــــــــــــــــار الدان