مساجلات الزامــــل الشعبي

[سبع الليل]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

قال بداع يامنهو رجوله تشله=يقطع المرحله من شرقها للمغيبه بايدحق على لقدام لاعند خله=هكذا للمحب مسموح يلقا حبيبه

قل لبن قاسم الصمصوم ماحد يزّله=واللواء راعي التكتيك ماحد يسيبه
والمحبه لها قانون كُلن يدله=يوم قلب المحب كمين طعنه تصيبه

[الجوهي*]

يارجاجيل كل صادق وفي بانجلّه=بانجازيه بالطيبة ثلاثين طيبة
والأمانة كرامة والخيانة مذلّة=من سلك دربها قله صبر عالضريبة

[الجوهي*]

واعذروني ياالنشاماء مضطر أطلع الى لقاء آخر بإذن الله

[طالب النعماني]

فصل جديد

وسعولي وسع . مادام صدري توسع=كيف مايتسع . لهل الصدور الوسيعه
يوم خالد منع . لكن ناجي تمنع= ليش مايمتنع =تحت الحصون المنيعه

[بازراره]

في ثواني رزين العقل بيزر حبله=لاقد القاسمي جاب الجمال المنيبه
والمراحل طويله بين مشرق وقبله=والطرق واضحه روس الشعاب الوريبه

[خالد بن قاسم]

ليل قولو لسبع الليل يسري بحمله=والثقل بالحطه ع الجمال المنيبه
والحبيبه عشقنا طبعها ذي يوله= قلتها من زمن هذه غريبه عجيبه

[ابو صقر..]

ريضو في الزمل والهوك ذا بالقله=والحمول الثقل حطوه فوق المنيبه
من معه قرف من خرفي عسل لايصله=بايحصل ثمن في السوق بايعتزي به

[طالب النعماني]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

فصل جديد وسعولي وسع . مادام صدري توسع=كيف مايتسع . لهل الصدور الوسيعه يوم خالد منع . لكن ناجي تمنع= ليش مايمتنع =تحت الحصون المنيعه

ترفع للاطلاع ومتابعة الفصل

[طالب النعماني]

هاجسي لابدع . كل الهواجس تبدع=مايحب البدع . ياهل البيوت البديعه
قل لخالد قطع.دام البواتر تقطع=خله اربع قطع.كل من نوى عالقطيعه

[بازراره]

يالمخلف فرع.يوم الحسودي تفرع=كيف بانفترع.روس الشعاب الفريعه
كينا عالوجع.وانتا ليالي توجع=ضاريين الوجع اهل القلوب الوجيعه