مساجلات الزامــــل الشعبي

[أحمد العمودي أبوفيصل]

في الوقت حد غالب وحد مغلوب = وحد مسى يشكي من الوسواس
بن شدك ياطالب من المجلوب = والبن لي سود في المحماس

[ال هشامي]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ذا عيلماني زوع الشنخوب=ما الهند ماتصنع سوى بو فاس مضمون له عده وله تركوب=موست به كمن هدف مواس

هذا نمر عامد على شنطوب=بالناب يلمخ لك وبلخلاس
من شين دله ولد بامحبوب=زقلوه للمجرا حطاه الحاس

[طالب النعماني]

بعض السلب مافيه شي تعتوب=كامل من الضراب للمرجاس
وبعضهم يالقاسمي ملعوب=خله قداء اهل الدهن والملاس

[الأرقط]

خلك معي يالصاحب الموهوب= في وقتنا هذا كثير انجاس
دامك وفي عندي ولي محبوب= بالخير نتفاول وخل الياس

[خالد بن قاسم]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

بعض السلب مافيه شي تعتوب=كامل من الضراب للمرجاس وبعضهم يالقاسمي ملعوب=خله قداء اهل الدهن والملاس

ياريت بوراضي قبالي دوب=يومه رجل عارف لديه احساس
رجال عنده كل شي محسوب=يعرف وجيه الخير من لفلاس

[المهيب]

اش من نمر يلمخ بلا خنتوب=قولوا لبن كده وبانواس
من لا عرف يقصد على المسحوب=هتوا له الدنبق مع المرواس

[أحمد العمودي أبوفيصل]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

يقول بن قاسم معي لبلوب=سعف الجماعه باعطي مكراس ومن رجع ياريتله مقطوب=ملقي مضلع ماسلاحي فاس

لي راملي نكبه صبح منكوب = يومه معه بندق بلامرجاس
وش داخلك يالكيس لي معصوب = باروت والادخلك بسباس

[طالب النعماني]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ياريت بوراضي قبالي دوب=يومه رجل عارف لديه احساس رجال عنده كل شي محسوب=يعرف وجيه الخير من لفلاس

وانعم بك ياحيدي المنصوب=ياللي في الشدات ماتنقاس
ياسنح جنبي لا سرح شيلوب=عدك ضماري لي الاكياس

[طالب النعماني]

ايش رايكم في تغيير الفصل
عليك يالعمودي الفصل لكن بسرعه

[خالد بن قاسم]

قل للعمودي حبلكم معصوب=وتناتعوبه واقسموه اسداس
منهو جنوبي بايروح اجنوب=بالطرحه مثل الشقر عالراس