مجلس الدان الحضرمي

[مهدي الخليفي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

مخيله في سماء مولى مطر ورعود حنانه=وتحت الارض بركان الغضب قد ولد الزلزال ورختر ماعرف يكشف لنا قوته ومكانه=ولي حلل توقعها جنوبيه وجات اشمال

توقع ياعمر هذه سياسة ناس فهمانة=تبدل كل ليلة في المواقف ياعمر بدّال
يصلّون الليول ويطلبون الرب غفرانه=وساعة مايصومون الشهور اللي قفا شوال

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

مخيله في سماء مولى مطر ورعود حنانه=وتحت الارض بركان الغضب قد ولد الزلزال ورختر ماعرف يكشف لنا قوته ومكانه=ولي حلل توقعها جنوبيه وجات اشمال

هلا ( بــ ) إللي يجيد الشعر والحانه وقيفانه=عمر ذي صابني من فُرْقِتِه لوعه و هم وِهْزال
ولكن عذره إيخايل بروق الرّوس رشـّــانه=يكورم لجل شاره تِنْدِوِس ومزنها سبّال

[بن بريك]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

مخيله في سماء مولى مطر ورعود حنانه=وتحت الارض بركان الغضب قد ولد الزلزال ورختر ماعرف يكشف لنا قوته ومكانه=ولي حلل توقعها جنوبيه وجات اشمال

ولا صدق عيونه يوم شاف الناس زعلانه = تنادي ساعة الحسبه دنت يالساحر الدجال
اتت في وقتها كنه على موعد معا اقرانه = وصل لا فوق في العالي وحانة ساعة المنزال

[بن بريك]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

هلا ( بــ ) إللي يجيد الشعر والحانه وقيفانه=عمر ذي صابني من فُرْقِتِه لوعه و هم وِهْزال ولكن عذره إيخايل بروق الرّوس رشـّــانه=يكورم لجل شاره تِنْدِوِس ومزنها سبّال

هلا بالمخشني صاحبك اظاع اليوم ثعبانه = وظاعت هيبته بين الرعيّه والسبب لشبال
ينادي يا عرب ماهو سوا والناس تعبانه = تنادي روحتك عنّا تحقق حلمنا بالحال

[سبع الليل]

اقتباس : المشاركة الأصلية كتبت بواسطة بن بريك [ مشاهدة المشاركة ]

هلا بالمخشني صاحبك اظاع اليوم ثعبانه = وظاعت هيبته بين الرعيّه والسبب لشبال ينادي يا عرب ماهو سوا والناس تعبانه = تنادي روحتك عنّا تحقق حلمنا بالحال

مطارح يابريكي أذلحت والناس غفلانه=وخوفي لا تقع زنقه ويعقبها فشل واذلال
خربنا البيت بادانا وطفشنا بحلانه=ولا ندري بمن هو بايكل الحب بالمكيال
عيال الزيلعي والا بنات الفقع علوانه=عكينا في عرب تسحب ملاحف قاصرت لذبال

[سبع الليل]

سمر ياهاجسي واقلع على صالح وخرطانه=عسى لسقف تقع عالروس بسهمها مع الاقبال
تعبنا من نصائح قاصر الا ننفخ أذانه=معد شي فايده يلقي الضُمر والسيل في المسيال

[بن بريك]

اقتباس : المشاركة الأصلية كتبت بواسطة سبع الليل [ مشاهدة المشاركة ]

مطارح يابريكي أذلحت والناس غفلانه=وخوفي لا تقع زنقه ويعقبها فشل واذلال خربنا البيت بادانا وطفشنا بحلانه=ولا ندري بمن هو بايكل الحب بالمكيال عيال الزيلعي والا بنات الفقع علوانه=عكينا في عرب تسحب ملاحف قاصرت لذبال

هلا بالسبع قاري الخط لنا من شوف عنوانه = مللنا السير في رحله تعيسه ما بها جمّال
تجارتنا معاهم بعد هذا اليوم خسرانه = بضاعه بايره في السوق ماتسوى عنا الدلال

[سبع الليل]

اقتباس : المشاركة الأصلية كتبت بواسطة بن بريك [ مشاهدة المشاركة ]

هلا بالسبع قاري الخط لنا من شوف عنوانه = مللنا السير في رحله تعيسه ما بها جمّال تجارتنا معاهم بعد هذا اليوم خسرانه = بضاعه بايره في السوق ماتسوى عنا الدلال

يقولون الديّر خربت وهي من سمح خربانه=تباء انا اقولك شفها بلاوي باتقع وقتال
ولا شي بايتم مادام كل مخزن بفيرانه=عيون الهر باتحول ومن بعد الحول يُغتال

[ماجد بن حيدره]

الا ياليل دانه دان الا ياليل يادانه = سمر يالهاجس الليلة على انغام ذا الموال
طواري حاصلة والشعب ثار اليوم شيطانه = وترجم ثورته بالدم واشعلها فتن وقتال

[رموش المكلاء]

جمعة مباركة وأمل أن تقبلوني عضوة مفيدة إن شاء الله