هذه الابيات في الزامل البارح

[بوسالم بن غانم]

[السلام عليكم ورحمه الله وباركاته هذه الابيات كتبتها في الزامل البارح وحبيت انقلها لكم وقد قلناها على ثلاثه فصول عسئ ان تنال اعجابكم

البارحه مانرخص الغالي بدون =يلي تفهمون الكلامي
الئ صبر على الطعن والمطعون =طعن الخناجر والقدامي
وين المغاني ذي تقع بالحون =وين انت ياصقر القطامي
جوب بسرعه واعطني المضمون =من شان يرؤئ كل ضامي
ابشر بسعدك ياحاني اقرون =من عند بوسالم سلامي
بثني وباثلث في المثمون =من شانكم لايل الكرامي
للحب ذي ماينطحن طاحون =والكي من بعد العلامي
بالكنش والميزر والسكتون = لي باتغرمبك غرامي
باجيب لكم دشكاء معا الصالون =ذي باتبلغنا مرامي
من شان باأدب المهيون = ذي دوب وقته في هيامي
فرعون بادمرك يافرعون= بانغرك في بحر طامي
لاسال عتود معاعالون = يصلك عند بدوء الخيامي
شات الوصر ماهي كما المرصون =لي يرتصن له احتشامي
والثعل يمسئ ثعل لوتدرون = ماله معزه او مقامي

وهذه الابيات على فصل ثاني

في طريق الوعر هاجسي يطلع ويعبر=مايهم الخطر لابد يبلغ طلابه
حين طاب السمر وبعدماقد تقرر = بادحق في العسر في سهل ولاصعابه
عاسراج القمر باهجم بالمشهر = سال سيف القدربابتر في رقابه
خير ون كان شر بالقي مثل عنتر = الحرب كرن وفروالمطر من سحابه
ويل كل من كفر شف جهنم تشرر = يوم مقبل عسر من كفر ياعذابه
زرو الحبل زر بخت كل من تزرر= وال غانم شرر مثل نار اللهابه

وهذه الابيات على فصل اخر

يامرحبابقوال من شاعر فهم =الصبروالحكمه معا عزم الامور
مكان كل مقدام عاروس القمم= يسكن ويتبرع على روس الصبور
جيت السمر امشي على ساق وقدم =وبشرب من الفيجان من دله تفور
ببصم في الاشعارمعاكل من بصم = والرزق عامولاي رزاق الطيور
محضوض بن غازي بتغير العلم =ورجال بن غازي وافيين الشبور
وهيج اليمن مرصون يوكل في السلم =وفي اللايحه مكتوب ممنوع العبور
والحصن ثابت مثل ماحاد النشم =ان ثبتت الدنيا ون كانت تدور
مانا من اصحاب البراقع واللثم = لاثارت الفتنه تخدع في الجحور
ياشاعر الغفله ضيعت الكلم = الكذب والبهتان ولاقول زور
لاتخلطو لوراق يصحاب النغم =الشعر من احساس ياتي من شعور
الحمدلك يارب على هذه النعم =معروف بوسالم نمر بين النمور
لانا متنثم ولايوم انكتم =ضرغام بن ضرغام اضرب في الصدور

__________________
اخيكم /سليمان احمد بن غانم

[سيف رخيه]

صح لسانك يابن عوض بن عبدالله ابيات جزله من راس جزل

[دمار التميمي]

قصيده رائعه وجميله صح لسانك ملايين
تقبل المرور وسجل الأعجاب

[الفارس الملثم]

مرور للاطلاع

[سيف رخيه]

للطلاع