بدع وجواب بيني وبين اخي فهد العوش

[منيف بن منيف]

لكل من مر في متصفحي هذا الشكر والتقدير والود والاحترام . وانه لشرف كبير لي مرور هامات من الشعراء والادباء وثنائهم على ماكتبت وما انا الا تلميذ في هذه المدرسه التي اجتمع فيها الكثير من اهل الفكر والادب والسياسه اتيت هنا لاتعلم من اهل الخبره ولا اظنهم قد يبخلوا على تلميذهم في نقد او تنوير.

اكرر تحياتي للجميع..

[عبدالله الجعيدي]

اقتباس : المشاركة الأصلية كتبت بواسطة منيف بن منيف [ مشاهدة المشاركة ]

البدع بعنوان (أم الجدايل) يأم الجدايل وين غبتي عن محبّش=طالت علي مدّة فراقش وش بلاش بيدي منابيعش وفي فكري مصبّش=واليوم شح القطر ماحطت سماش كنتي معي دايم ولا طول مغبّش=يومين وتعودين لاداخل حماش خافي إلاهش واتقي باريش ربّش=صوتي ملا قاعش وبلّغته مداش ناديت لش بأسماش والقابش وقلبش=ظنّه قسي ولعاد يتذكر صباش ايام ماكنا سوا دربي ودربش =واحد وخطواتي على دحقت خطاش واليوم وحدي هوك واتزمل وهبّش=وانتي بعيده يالحليله في خلاش لكنني بحفر وبدفن في مخبّش=من شان بكتب قول يستاهل ثناش بطلع بدره غاليه من بحر شربش=وبغيتها للعوش كسوه من كساش يافهد وسط المقبره شفتك تنبّش=تبغى ترد الفاجره ام الحناش لي ولت سويلم مع عبيّد ومربش=والقو مناكر خلت الصاحي هشاش حد منهم يسري وحد بالفجر يغبش=بالخبث كل واحد قبض ركنه وناش هانو عزيزه حسنها يافهد يربش=من عشقها امسي تقلب ع الفراش ماباك تزمل سعفهم والا تدربش=ماشي مصاون معك تعرفهم قشاش ع سوم واطي ليه ياصاحبي تربش=ياحسف تربيشك وطينك والعراش لاقد قسم مرزوق ومحيميد خربش=قسمك عصا بيكون وعبيّد كلاش وختمها لاتقول بوسالم تدحبش=ذلا وجب تسطير ما فالراس جاش الجواب تحت عنوان (مابانقول اليوم بو سالم تدحبش) يامرحبا مليون من دره منقـّش = فوقه حرير الهند من خير القماش وألفين حيا عد ما الماطر يهشهش = وأمسى يصب السيل من روس الكداش باللي لفا مرحب على الموجة يوشوش = لأجل الكسيرة حضروا رقعة وشاش ما بايداوي الجرح من زيتون مشمش = ولا يرد الغايبة مسعود باش يأم الجدايل ما خلق فالكون مثلش = والزين وصفش بالحلا ماحد كماش ياحسرتي عالزين والثوب المزركش = قد زوجوها غصب من راعي كباش ما يعرف العشرة ولا بالعين يرمش = بالمفتري يا غالية ربّي بلاش وعيال نوّح كلهم يبغون قربش = لأجل المصالح بـيـّتـوا حضري ولاش يبغونها عبدة لهم ترقص وتنعش = والصبح تحطب والظهيرة فالعراش يأم الجدايل فاخري ذا اليوم بأصلش = بنت الكرم والجود ما هانك وعاش بانرخص الغالي ومثله لأجل حبش = يانعمة المولى من الخالق حباش واللي يعق الوالدة بالدم يطرش = تعبر حياته في مكدّه وارتعاش ياصاحبي قد قالوا الغربة تحوّش = وأرض الوطن في سيرها للإنتعاش ياصاحبي عدا زمن حيدر وكندش = والدفع حاضر بايقع نقدي وكاش من يتبع الزمرة غدت رجله تنـوّش = لأهل المقاصد بايقع حمل النعاش والوقت قرّب بايقع زفة ومطرش = واللي بلع ذا اليوم بايشبع طراش ما بانقول اليوم بوسالم تدحبش = والناس حرة في طرقها والنقاش

اخواني الاعزاء
منيف بن منيف النهدي وفهد العوش النهدي
هناك قصائد نمر بها مرور الكرام واخرى نقف امامها منبهرين . فهنا انبهرنا بما شاهدنا من الابداع وسلاسة المفردات والقوافي المحببة للنفس ناهيك عن الحبكة الشعرية المتقنة . بدع وجواب في منتهى الروعة اهنئكم من الاعماق على هذا التالق والي الامام بالشعر فانتم من رواده . مع خالص تحياتي .