بيني هذه المساجلة وبين الاخ سالم بلحمر .

[سعيد عوض باحويرث]

بيني وبين الاخ سالم بلحمر هذه المساجلة .

قال سعيد باحويرث (بومحسن ):

يابلحمر عادنا ولابن زال = معكم ولابنسى صحابي
مهما ابتعدنا ذكركم عالبال = للجيد مفتوحه بوابي

قال سالم بلحمر :

حيا وسهلا به وسيع الحال = ذي يندوح بين المرابي
في القلب ذكره بالزيانه حال = اسمه مدون في كتابي

قال سعيد باحويرث (بومحسن ) :

دمعي جرى مثل المطر سيال = ياكم تحسر عاشبابي
بدوي وعامد في خلا ورمال = وقضيت وقتي مع ركابي

قال سالم بلحمر :

أنته ظماري وانت رأس المال = والعفو من قسوة جوابي
ياللي على كتفك طرحت الشال = هذه السنه بحسب حسابي

قال سعيد باحويرث (بومحسن ):

ا

لهيج لي هو بالعقل وحبال = هذه السنه يطلع عقابي
بعد التعب تتحقق الآمال =وشرب كرع عذب الجوابي
لاقرب الموعد كتب لوصال = بيجيك في الموعد خطابي

قال سالم بلحمر :

خفف شوي ياحامل الاثقال = خل حمل محسن للغرابي
وارمي في الغربه عصا الترحال =فيها انقلع ضرسي ونابي

قال سالم بلحمر ,برضه :

التاج لك والشال والدسمال = ولي في الدنيا شعابي
وافرح اذا هطلت على لسبال = واشرب بحفني من نقابي

قال سعيد عوض باحويرث :

ضاري نشل ذي مالكم ينشال = واعرف صلاحي من خرابي
واصبرت شفني من صبر بينال =بالصبر باداوي صوابي

قال سعيد باحويرث (بومحسن ) ,برضه:

من قال دوعن ملك باوهال = أو أرض يملكها الحبابي
قل له غلط ذا هرج ماينقال = أرضي وحق جدي ترابي

قال سالم بلحمر :

وديانها وسهولها وجبال = تشتاق لي نا في غيابي
ولو غيابي عادقامي طال = ماهنى بقوتي او شرابي

قال سعيد عوض باحويرث :

مدهون لك والقادمه لجيال = والغيل ماهي لبن هلابي
وقفلت هذا الباب بالاقفال = وان شي حصل بيجيك نابي

قال سالم بلحمر :

مالي ومال الضال والدجال = لاتلخبطت بخرج سلابي
بيبان لي الصادق من المحتال = مادريت به ذي مادرابي

قال سالم بلحمر , برضه :

سالم ربيع قلد السلال = عاتبتهم مانفع عتابي
ماقدروني واتبعوا مرسال = مرسال غرم بالترابي

قال سعيد باحويرث (بومحسن ):

القوم ياسالم كذب وانذال = سرقوا من المعدي كزابي
خليتهم في سلة الاهمال = ماحد وفي لبى طلابي

قال سالم بلحمر :

ضاعت علينا في فتن وقتال = وطعن بذلاق الجنابي
لوهم خلوفه بيخذوها قبال = مابايشهدوا عاعذابي
لابارك فيه ماالدلال = حول دنانيري ربابي
هذه السنه باكيل بالمكيال = من حب صافي من جرابي

قال سعيد باحويرث (بومحسن ):

ذولاك لي هربوا وذي لشكال = ظاهر سرق ماعليك غابي
يكفي كفى يكفي من الطنبال = ارميت في الغبه قطابي

قال سالم بلحمر :

أرضي عزيزه مابها بدال = ثابت ولاني انقلابي
لو قلت كلمه لو يجي زلزال = في الحق ماغير خطابي

[الرومانسي]

أرفع القبعة لكما والوطن بكم يزهو ويفخر ومدهون لنا ههههههه
ابداع .

[سعيد عوض باحويرث]

اقتباس : المشاركة الأصلية كتبت بواسطة الرومانسي [ مشاهدة المشاركة ]

أرفع القبعة لكما والوطن بكم يزهو ويفخر ومدهون لنا ههههههه ابداع .

مشكور ,,تحياتي .

[الشبامي]

شاعرنا سعيد باحويرث مرحبا بك في بيتك سقيفة الشبامي !!
ترحيب متأخر بعد 6 سنوات من التسجيل
يُمنح لقب شاعر السقيفه فورا !!
بإنتظار تفاعل الجميع وخصوصا شاعرنا حنطبه فربما يكون له رأي هنا

[باسعيده]

كلام زين احسنتم يارجال .

[بن احمد]

اقتباس : المشاركة الأصلية كتبت بواسطة سعيد عوض باحويرث [ مشاهدة المشاركة ]

بيني وبين الاخ سالم بلحمر هذه المساجلة . قال سعيد باحويرث (بومحسن ): يابلحمر عادنا ولابن زال = معكم ولابنسى صحابي مهما ابتعدنا ذكركم عالبال = للجيد مفتوحه بوابي قال سالم بلحمر : حيا وسهلا به وسيع الحال = ذي يندوح بين المرابي في القلب ذكره بالزيانه حال = اسمه مدون في كتابي قال سعيد باحويرث (بومحسن ) : دمعي جرى مثل المطر سيال = ياكم تحسر عاشبابي بدوي وعامد في خلا ورمال = وقضيت وقتي مع ركابي قال سالم بلحمر : أنته ظماري وانت رأس المال = والعفو من قسوة جوابي ياللي على كتفك طرحت الشال = هذه السنه بحسب حسابي قال سعيد باحويرث (بومحسن ): ا لهيج لي هو بالعقل وحبال = هذه السنه يطلع عقابي بعد التعب تتحقق الآمال =وشرب كرع عذب الجوابي لاقرب الموعد كتب لوصال = بيجيك في الموعد خطابي قال سالم بلحمر : خفف شوي ياحامل الاثقال = خل حمل محسن للغرابي وارمي في الغربه عصا الترحال =فيها انقلع ضرسي ونابي قال سالم بلحمر ,برضه : التاج لك والشال والدسمال = ولي في الدنيا شعابي وافرح اذا هطلت على لسبال = واشرب بحفني من نقابي قال سعيد عوض باحويرث : ضاري نشل ذي مالكم ينشال = واعرف صلاحي من خرابي واصبرت شفني من صبر بينال =بالصبر باداوي صوابي قال سعيد باحويرث (بومحسن ) ,برضه: من قال دوعن ملك باوهال = أو أرض يملكها الحبابي قل له غلط ذا هرج ماينقال = أرضي وحق جدي ترابي قال سالم بلحمر : وديانها وسهولها وجبال = تشتاق لي نا في غيابي ولو غيابي عادقامي طال = ماهنى بقوتي او شرابي قال سعيد عوض باحويرث : مدهون لك والقادمه لجيال = والغيل ماهي لبن هلابي وقفلت هذا الباب بالاقفال = وان شي حصل بيجيك نابي قال سالم بلحمر : مالي ومال الضال والدجال = لاتلخبطت بخرج سلابي بيبان لي الصادق من المحتال = مادريت به ذي مادرابي قال سالم بلحمر , برضه : سالم ربيع قلد السلال = عاتبتهم مانفع عتابي ماقدروني واتبعوا مرسال = مرسال غرم بالترابي قال سعيد باحويرث (بومحسن ): القوم ياسالم كذب وانذال = سرقوا من المعدي كزابي خليتهم في سلة الاهمال = ماحد وفي لبى طلابي قال سالم بلحمر : ضاعت علينا في فتن وقتال = وطعن بذلاق الجنابي لوهم خلوفه بيخذوها قبال = مابايشهدوا عاعذابي لابارك فيه ماالدلال = حول دنانيري ربابي هذه السنه باكيل بالمكيال = من حب صافي من جرابي قال سعيد باحويرث (بومحسن ): ذولاك لي هربوا وذي لشكال = ظاهر سرق ماعليك غابي يكفي كفى يكفي من الطنبال = ارميت في الغبه قطابي قال سالم بلحمر : أرضي عزيزه مابها بدال = ثابت ولاني انقلابي لو قلت كلمه لو يجي زلزال = في الحق ماغير خطابي

محاوره قمه من شاعرين رائعين والله منت هيّن ياباحويرث شاعر فحل
واما بوعمر شهادتنا فيه مجروحه رغم انه لم يوفق في بعض الابيات
وبشكل عام محاوره راقيه

[تاج العليب فؤاد باطويح]

إذا وجد الكبار وجد الابداع

سلمتم وبارك الله فيكم ودمتم في حفظه ورعايته

[مبارك بوشندل]

اتمنىلكما التوفيق والف الف مرحب بالشاعر باحويرث.
شكر خاص للأخ المدير العام.
تحية خاصة للأخ الشاعر سالم بلحمر.