قصيدة اشحن لي رصيد

[محمد سعيد بن مخاشن]

اقتباس : المشاركة الأصلية كتبت بواسطة مبارك طويحس [ مشاهدة المشاركة ]

البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة لعيونك يالمخشني القصيده كامله وليست مبتوره مع تحيات اخوك مبارك بن طويحس الحارثي

بارك الله فيك أخي مبارك.

زر عرض آل مخاشن وستجد ناس منهم يحملون نفس كنيتك.

[محامي خلع]

علينا ان لاننشر الاشعار اللي تحرض على الشحاته ونترك الامر وكأنه عادي
هذا اذا نحن نؤمن ان الشعر رسالة .

[قبع سكر]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

أخي قبع سكّر ... شهد وعسل مذكّران معنويّان ولكن يستخدمان كأسماء للإناث يعني تجد بنت إسمها شهد وأخرى إسمها عسل ولكنك في نفس الوقت عندما تتحدث عن الشهد أو عن العسل فإنك تقول مثلا ( تجمّد العسل في القرف بفعل البرد ) ولا تقول ( تجمّدت العسل أو تجمّدت الشّهد ). إذن الشّهد والعسل مذكّران معنويّان.

نعم نعم ...كالشمس مذكر والقمر مؤنث
تحياتي .

[مبارك بوشندل]

((وعباد الرحمن الذين يمشون على الارض هونا واذا خاطبهم الجاهلون قالوا سلاما ))

[نبراس شبام]

اخواني واخواتي شهد الملكة ومحمد مخاشن والقعيطي رقم واحد ومبارك طويحس والقبع حق السكر والخليفي الهلالي ونديم وعاشق الحور شكرا من القلب على مروركم وتفاعلكم مع القصيدة والكذب خيبة انا نقلتها من واحد شاعر يجي عندي المحل اسمه خالد الصيعري اصحاب الفكوك نص حضرمي ونص سعودي وتاكدت انها من قوله انا لي في السياسه اكثر ودائم نتنادف انا والخليفي الهلالي لانه مع الشر والعيه وانا مع الخيرليه وماكنت متوقع صدى القصيدة والتفاعل السريع شكلي بانجيب السكن حق الزريبه تلهمنا الشعر تحياتي لكم على تفاعلكم ودمتم في أمان الله وحفظة